Jenesis 27:2 - An Bibel Kernewek 20234 (Kernewek Kemmyn)

² Hag yn-medh ev, ‘Otta, gyllys koth ov vy ha ny wonn dydh ow mernans.

Jenesis 27:2 Iomraidhean Croise

Jenesis 27:3

Kemmer dha dhaffar lemmyn, dha woen ha'th warak ha ke yn-mes dhe'n gwel ha helghya helgik ragov,

Jenesis 47:29

Pan veu dydhyow Ysrael ow tos nes dh'y vernans, ev a elwis y vab Yosep ha leverel dhodho, ‘Mar kevis gras y'th wolok, gorr dha leuv yn-dann ow mordhos, my a'th pys, ha diskwedh dhymm tregeredh ha lelder. Na wra ow ynkleudhyas yn Ejyp.

Jenesis 48:21

Hag yn-medh Ysrael dhe Yosep, ‘Otta, yth esov ow merwel, mes y fydh Duw genowgh ha'gas dri arta dhe bow agas tasow.

Lavarow Koth 27:1

Na vost a-dro dhe a-vorow, rag ny wodhes pandr'a dhre unn jydh.

Ekklesiastes 9:10

Pypynag a gyv dha leuv dh'y wul, gwra e gans oll dha nerth, rag nyns eus nag ober na resna na godhvos na furneth yn ifarn le mayth edh.

Ysay 38:1

Y'n dydhyow na Hezekia o klav bys yn eneworres, hag Ysay mab Amos an profoes a dheuth dhodho, ha leverel dhodho, ‘Yndellma y lever an Arloedh: Roy arghadow dhe'th chi, rag ty a verow ha ny vewydh.’

Ysay 38:3

ha leverel, ‘A Arloedh, porth kov, my a'th pys, fatell esen ow kerdhes a-ragos yn gwiryonedh hag a leun golonn, ha my re wrug an pyth yw da y'th wolok.’ Ha Hezekia a oelas yn hwerow.

Mark 13:35

Goelyewgh ytho; rag ny wodhowgh p'eur to mester an chi, po y'n gorthugher, po hanter-nos, po kulyek-kenys, po myttin,

Jamys 4:14

Mes ny wodhowgh fatell vydh agas bewnans a-vorow. Ethenn owgh hwi owth omdhiskwedhes rag berr dermyn hag ena ow mos mes a wel.

1 Samuel 20:3

Mes ynwedh Davydh a dos, ‘Dha das a woer yn ta my dhe gavoes gras y'th wolok; hag ev a breder, “Na as Yonathan dhe wodhvos hemma, po ev a vydh grevys.” Mes yn gwiryonedh, dell vew an Arloedh ha dell vewydh dha honan, yma saw kamm yntredhov ha mernans.’