Jenesis 27:19 - An Bibel Kernewek 20234 (Kernewek Kemmyn)

¹⁹ Hag yn-medh Yakob dh'y das, ‘Esaw ov vy, dha gynsa-genys. My re wrug war-lergh an pyth a leversys dhymm. Omdhrehav, my a'th pys. Esedh ha dybri a'm helgik may hwrello dha enev ow benniga.’

Jenesis 27:19 Iomraidhean Croise

Jenesis 25:25

An kynsa a dheuth yn-mes, rudhik o, oll anodho kepar ha mantell vlewek; ytho i a elwis y hanow Esaw,

Jenesis 25:28

Ysak a gara Esaw drefenn y helgik a dhybri; mes Rebeka a gara Yakob.

Jenesis 27:18

Ytho ev a dheuth dh'y das ha leverel, ‘Ow thas’; hag ev a leveris, ‘Ottavy, piw osta, ow mab?’

Jenesis 27:21

Ena yn-medh Ysak dhe Yakob, ‘Deus nes, my a'th pys, may hylliv dha dava, ow mab, mars osta Esaw ow mab, po nag osta.’

Jenesis 27:31

Ev ynwedh re bareussa taklow sawrek ha'ga dri dh'y das ha leverel dh'y das, ‘Re omdhrehaffo ow thas, ha dybri helgik y vab, ma'm bennikko dha enev.’

Jenesis 27:35

Mes yn-medh ev, ‘Dha vroder re dheuth yn unn doella ha kemmeres dha vennath.’

Jenesis 27:4

ha pareusi taklow sawrek ragov a'n par a garav, ha'ga dri dhymm ha my a dheber; ha'm enev a'th vennik kyns my dhe verwel.’

Jenesis 27:45

erna dreyllyo sorr dha vroder dhiworthis, hag ev a ankev an pyth re wruss'ta gul dhodho. Ena my a dhannvon, ha'th kemmeres alena. Prag y koedh dhymm kelli agas dew y'n keth jydh?’

1 Myghternedh 13:18

Ena ev a leveris dhodho, ‘My yw profoes ynwedh kepar dell os, hag el a gewsis dhymm dre er an Arloedh: Doro ev genes dhe'th chi may teppro boes hag eva dowr.’ Mes yth esa ow kowleverel.

1 Myghternedh 14:2

Yeroboam a leveris dh'y wreg, ‘Ke, omdoellwisk, ma na vydh godhvedhys dha vos gwreg Yeroboam, ha mos dhe Shilo; rag yma an profoes Ahiya ena, a leveris dhymm y koetthiv bos myghtern war an bobel ma.

Ysay 28:15

Rag hwi dhe leverel, ‘Ni re wrug kevambos gans ankow, ha gans ifarn ni re wrug akord; pan dremen an skorja avel liv ow fenna, ny dheu dhyn ni; rag ni re wrug gow agan skovva, ha ni re omgudhas yn falsuri’ –