Jenesis 26:7 - An Bibel Kernewek 20234 (Kernewek Kemmyn)

⁷ Pan wrug gwer an tyller govynn orto a-dro dh'y wreg, ev a leveris, ‘Ow hwoer yw hi’, rag ev a berthi own a leverel, ‘Ow gwreg yw hi’, rag ev a brederis, ‘Gwer an tyller a wra ow ladha, drefenn Rebeka; rag teg yw hy semlans.’

Jenesis 26:7 Iomraidhean Croise

Jenesis 12:11

Pan dheuth nes rag entra yn Ejyp, yn-medh ev dhe Saray y wreg, ‘Otta, my a woer dha vos benyn teg dhe weles.

Jenesis 12:13

Lavar, my a'th pys, dha vos ow hwoer, may fo dhe well genev a-barth dhis, ha'm enev a vew a'th wovis jy.’

Jenesis 12:15

Pennsevigyon Faro a's gwelas ynwedh ha'y gormel a-dherag Faro; ha'n venyn a veu kemmerys a-berth yn chi Faro.

Jenesis 20:11

Hag yn-medh Abraham, ‘Rag my a brederis, Yn sur, nyns eus own Duw y'n tyller ma, hag i a'm ladh drefenn ow gwreg.

Jenesis 20:2

Yn-medh Abraham a-dro dhe Sara y wreg, ‘Ow hwoer yw hi’, hag Abimelek myghtern Gerar, a dhannvonas dhe gemmeres Sara.

Jenesis 20:5

A ny leveris ev y honan dhymm, “Ow hwoer yw hi”? Ha hi hy honan a leveris, “Ow broder yw ev.” Gans kolonn lan ha diwleuv gwiryon y hwrug vy hemma.’

Jenesis 24:16

An vowes o maghteth pur deg hy semlans, gwyrghes nag o aswonnys gans gour vyth. Hi eth yn-nans dhe'n fenten ha lenwel hi fycher ha dos yn-bann.

Jenesis 26:6

Ytho Ysak a drigas yn Gerar.

Jenesis 26:8

Wosa ev dhe vos ena termyn hir, Abimelek myghtern an Filistysi, a viras der an fenester ha gweles, hag awotta, Ysak, ow chershya Rebeka y wreg.

Jenesis 29:17

Gwann o dewlagas Lea, mes teg o semlans Raghel, ha teg dhe weles.

Lavarow Koth 29:25

Own den a sett antell, mes neb a drest y'n Arloedh yw saw.

Matthew 10:28

Ha na berthewgh own a'n re a ladh an korf, mes na yll ladha an enev; mes kyns oll perthewgh own a neb a yll diswul ha'n enev ha'n korf yn ifarn.

Efesianys 5:25

Gwer, kerewgh agas gwragedh kepar dell garas Krist an eglos hag omri y honan rygdhi,

Kolossianys 3:9

Na wrewgh gowleverel an eyl dh'y gila, wosa diwiska an den koth gans y wriansow ev,