Jenesis 26:3 - An Bibel Kernewek 20234 (Kernewek Kemmyn)

³ Trig y'n pow ma ha my a vydh genes ha'th venniga, rag dhiso jy ha dhe'th has my a vynn ri oll an powyow ma. My a gollenow an ti a dos dhe Abraham dha das.

Jenesis 26:3 Iomraidhean Croise

Jenesis 12:7

Ha'n Arloedh a omdhiskwedhas dhe Abram ha leverel dhodho, ‘My a vynn ri an tir ma dhe'th has jy.’ Ytho ev a dhrehevis alter dhe'n Arloedh neb a omdhiskwedhas dhodho.

Jenesis 13:15

Rag my a re oll an tir a welydh dhiso jy ha dhe'th has bys vykken.

Jenesis 13:17

Sav yn-bann, kerdh der an pow, der y hys ha der y les, rag my a vynn y ri dhiso.’

Jenesis 15:18

An keth jydh na an Arloedh a wrug kevambos gans Abram, ow leverel, ‘My re ros an tir ma dhe'th has, dhiworth avon Ejyp bys y'n avon vras, an avon Ewfrates,

Jenesis 17:19

Hag yn-medh Duw, ‘Sara dha wreg a dhineyth mab, ha ty a elow y hanow Ysak, ha my a fast ow hevambos ganso avel kevambos bys vykken rag y has war y lergh.

Jenesis 17:8

Ha my a re dhis, ha dhe'th has war dha lergh, an pow mayth esos ow kodriga ynno, oll an tir a Kanan dh'y berghenna bys vykken, ha my a vydh aga Duw.’

Jenesis 20:1

Hag Abraham eth alena troha tir an Negeb ha triga yntra Kadesh ha Shur; hag yth esa trigys yn Gerar avel alyon.

Jenesis 25:11

Wosa mernans Abraham, Duw a vennigas Ysak y vab hag Ysak esa trigys orth Beer-lahay-roi.

Jenesis 26:12

Hag Ysak a hasas has y'n pow na ha kavoes kansplek y'n vlydhen na, ha'n Arloedh a'n bennigas.

Jenesis 26:14

Hag ev a gavas flokkys a dheves ha greow a warthek ha gwesyon bals, ha'n Filistysi a borthas avi orto.

Jenesis 26:24

Ha'n Arloedh a omdhiskwedhas dhodho an keth nos ha leverel, ‘My yw Duw Abraham dha das. Na borth own, rag yth esov genes ha my a wra dha venniga hag ynkressya dha has a-barth Abraham ow gwas.’

Jenesis 28:13

Hag awotta, yth esa an Arloedh ow sevel a-ughti, hag yn-medh ev, ‘My yw an Arloedh, Duw Abraham dha das ha Duw Ysak. My a re an tir esos ow krowedha warnodho dhiso jy ha dhe'th has.

Jenesis 28:15

Hag awotta, yth esov vy genes, ha my a'th with plepynag mayth ylli. My a'th tre arta dhe'n dor ma, rag ny wrav dha asa erna wrylliv an pyth re gewsis dhis anodho.’

Jenesis 31:3

Ena yn-medh an Arloedh dhe Yakob, ‘Dehwel dhe wlas dha dasow ha dhe'th kerens, ha my a vydh genes.’

Jenesis 35:12

An pow a res vy dhe Abraham ha dhe Ysak, my a'n re dhiso jy; ha dhe'th has jy war dha lergh y rov an pow.’

Jenesis 39:2

Yth esa an Arloedh gans Yosep hag ev o gour sewen; hag yth esa ev yn chi y arloedh ejyptek.

Jenesis 39:21

Mes yth esa an Arloedh gans Yosep. Ev a dhiskwedhas tregeredh dhodho ha gorra dhodho favour yn golok gwithyas an prison.

Jenesis 48:21

Hag yn-medh Ysrael dhe Yosep, ‘Otta, yth esov ow merwel, mes y fydh Duw genowgh ha'gas dri arta dhe bow agas tasow.

Jenesis 50:24

Hag yn-medh Yosep dh'y vreder, ‘Yth esov ow merwel. Duw sertan a wra agas visitya, ha'gas dri yn-bann mes a'n pow ma bys y'n pow a ambosas ev dre di dhe Abraham, dhe Ysak ha dhe Yakob.’

1 Kroniklys 16:16

an kevambos a wrug gans Abraham, ha'n ti a dos dhe Ysak;

Salmow 105:8

Ev a borthas kov a'y gevambos bynitha, an ger a worhemmynnis dhe vil henedh;

Salmow 105:9

an kevambos a wrug gans Abraham, ha'n ti a dos dhe Ysak;

Salmow 32:8

My a'th kevarwoedh, ha dyski dhis an fordh mayth yw res dhis mos; ha gans ow lagas warnas my a'th kusul.

Salmow 39:12

‘Klew ow fysadow, A Arloedh, ha ro skovarn dhe'm kri; na vydh tawesek orth ow dagrow. Rag alyon ov vy genes, godriger, avel ow thasow oll.

Eksodus 2:24

ha Duw a glewas aga hynvann ha Duw a borthas kov a'y gevambos gans Abraham, gans Ysak, ha gans Yakob.

Eksodus 3:12

Ev a leveris, ‘Yn sur, my a vydh genes; ha hemma a vydh tokyn dhis my dhe'th tannvon: pan dhresys an bobel yn-mes a Ejyp, ty a wra servya Duw war an menydh ma.’

Eksodus 6:4

Ynwedh my re fastyas ow hevambos gansa, dhe ri dhedha pow Kanan, an pow may hwodrigsens ynno.

Eksodus 6:7

ha'gas kemmeres avel ow fobel, ha my a vydh agas Duw; ha hwi a woer my dhe vos an Arloedh agas Duw re'gas dros a-dhann veghyow an Ejyptianys.

Eksodus 6:8

Ha my a'gas dre bys yn tir hag a des y ri dhe Abraham, dhe Ysak ha dhe Yakob; my a'n re dhywgh yn perghennogeth. My yw an Arloedh.” ’

Ysay 43:2

Pan dremenydh der an dowrow y fydhav genes, ha der an avonyow, ny livons warnas; pan gerdhydh dre dan, ny vydhydh leskys, ha ny wra an flamm dha woleski.

Ysay 43:5

Na borth own, rag yth esov genes; dhiworth an howldrevel y trov dha has, dhiworth an howlsedhes y'th kuntellav.

Mika 7:20

Ty a dhiskwa lenduri dhe Yakob ha tregeredh dhe Abraham, dell desys dh'agan tasow a-dhia'n dydhyow koth.

Niverow 23:19

Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

Dewteronomi 1:8

Mir, my re settyas an tir a-ragowgh. Dewgh hag erita an tir a dos an Arloedh dh'agas tasow, dhe Abraham, dhe Ysak, ha dhe Yakob, dh'y ri dhedha ha dh'aga has war aga lergh.’

Dewteronomi 34:4

Ena an Arloedh a leveris dhodho, ‘Hemm yw an tir a des dhe Abraham, dhe Ysak, ha dhe Yakob, ow leverel, “My a'n re dhe'th has.” My re asas dhis y weles gans dha dhewlagas dha honan, mes ny dreusydh di.’

Filippianys 4:9

Ha'n taklow a dhys'sowgh ha degemmeres ha klewes ha gweles ynnov, gwrewgh an re ma; ha'n Duw a gres a vydh genowgh.

Ebrowyon 11:9

Dre fydh ev a dheuth dhe driga yn tir an ambosow, avel estren, trigys yn tyldow gans Ysak ha Yakob, kes-heryon a'n keth ambos.

Ebrowyon 6:17

Ytho, pan vynnas Duw diskwedhes dhe glerra dhe eryon an ambos gnas antreylyadow y dowl, ev a'n fastyas gans ti