Jenesis 26:2 - An Bibel Kernewek 20234 (Kernewek Kemmyn)

² Ha'n Arloedh a omdhiskwedhas dhodho ha leverel, ‘Na wra mos yn-nans dhe Ejyp. Gorta y'n pow may kowsav orthis anodho.

Jenesis 26:2 Iomraidhean Croise

Jenesis 12:1

An Arloedh a leveris dhe Abram, ‘Ke jy mes a'th pow ha dhiworth dha gerens ha dhiworth chi dha das bys y'n wlas a vynnav hy diskwedhes dhis.

Jenesis 12:7

Ha'n Arloedh a omdhiskwedhas dhe Abram ha leverel dhodho, ‘My a vynn ri an tir ma dhe'th has jy.’ Ytho ev a dhrehevis alter dhe'n Arloedh neb a omdhiskwedhas dhodho.

Jenesis 17:1

Ha pan o Abram nownsek bloedh ha peswar-ugens, an Arloedh a omdhiskwedhas dhe Abram ha leverel dhodho, ‘Duw Ollgalloesek ov vy. Kerdh a-dheragov, ha bydh divlam.

Jenesis 17:19

Hag yn-medh Duw, ‘Sara dha wreg a dhineyth mab, ha ty a elow y hanow Ysak, ha my a fast ow hevambos ganso avel kevambos bys vykken rag y has war y lergh.

Jenesis 18:1

Ha'n Arloedh a omdhiskwedhas dhodho ryb derow Mamre, pan o esedhys yn daras an tylda yn toemmder an jydh.

Jenesis 26:24

Ha'n Arloedh a omdhiskwedhas dhodho an keth nos ha leverel, ‘My yw Duw Abraham dha das. Na borth own, rag yth esov genes ha my a wra dha venniga hag ynkressya dha has a-barth Abraham ow gwas.’

Salmow 25:12

Py den yw ev neb a berth own a'n Arloedh? Ev a dhysk dhodho y'n fordh a dhewis ev.

Salmow 37:3

Trest y'n Arloedh ha gwra da; trig y'n tir, ha bedhes diogeledh yn dha beurva.

Eksodus 2:24

ha Duw a glewas aga hynvann ha Duw a borthas kov a'y gevambos gans Abraham, gans Ysak, ha gans Yakob.

Levitikus 26:42

ena my a berth kov a'm kevambos gans Yakob, hag ynwedh ow hevambos gans Ysak, ha my a berth kov ynwedh a'm kevambos gans Abraham, ha my a berth kov a'n tir.