Jenesis 25:6 - An Bibel Kernewek 20234 (Kernewek Kemmyn)

⁶ Ha dhe vebyon y iswragedh, Abraham a ros rohow ha'ga dannvon dhe-ves dhiworth y vab Ysak, hag ev hwath yn few, dhe'n est, troha pow an est.

Jenesis 25:6 Iomraidhean Croise

Jenesis 16:3

Ha Saray, gwreg Abram, a gemmeras Hagar, hy maghteth ejyptek, wosa Abram dhe driga deg blydhen yn pow Kanan ha'y ri dh'y wour Abram dhe vos y wreg.

Jenesis 21:14

Hag Abraham a sevis yn-bann ternos vyttin a-varr ha kemmeres bara ha kroghen dowr ha'ga ri dhe Hagar orth aga gorra war hy diwskoedh, ha'n flogh, ha'y dannvon dhe-ves, ha hi eth yn-kerdh ha gwandra yn difeythtir Beer-sheba.

Jenesis 25:1

Ena Abraham a gemmeras gwreg arall, Ketura hy hanow,

Jenesis 29:1

Ena Yakob eth yn-kerdh ha mos dhe bow mebyon an howldrevel.

Jenesis 30:4

Ytho hi a ros Bilha hy maghteth dhodho avel gwreg, ha Yakob eth a-bervedh dhedhi hi.

Jenesis 30:9

Pan welas Lea hi dhe hedhi dineythi, hi a gemmeras Zilpa hy maghteth ha'y ri dhe Yakob avel gwreg.

Jenesis 32:22

Hag ev a sevis yn-bann an nos na ha kemmeres y dhiw wreg ha'y dhiw vaghteth ha'y unnek flogh ha tremena rys Yabbok.

Jenesis 35:22

Pan esa Yakob trigys y'n pow na, Rewben eth ha growedha gans Bilha, iswreg y das, hag Ysrael a glewas anodho. Lemmyn yth esa dewdhek mab dhe Yakob.

2 Kroniklys 11:21

Rehoboam a gara Maaka myrgh Absalom moy es dell gara ev y wragedh erell ha'y iswragedh. Ev a'n jevo etek gwreg ha tri-ugens iswreg, hag ev a dhineythis eth mab warn ugens ha tri-ugens myrgh.

Job 1:1

Yth esa gour yn bro Us, Job y hanow, ha perfydh hag ewnhynsek o an gour na, hag yth esa dhodho own a Dhuw hag ev a dreylyas dhiworth drog.

Job 1:3

Ev a'n jevo seyth mil dhavas, tri mil gowrvargh, pymp kans kopel a oghen, ha pymp kans asen benow ha palster a servysi, mayth o an gour ma an brassa yn mysk oll tus an Est.

Matthew 5:45

may hallowgh hwi bos mebyon agas Tas eus y'n nevow, rag ev a wra dh'y howl drehevel keffrys war an re dhrog ha'n re dha, hag a dhannvon an glaw war an re ewnhynsek ha'n re gammhynsek.

Oberow 14:17

byttegyns ny asas y honan heb dustuni, rag dader ev a wra, ow ri dhywgh glaw a nev ha prysyow ow toen frut, ow lenwel agan kolonnow a voes hag a heudhder.’

Breusysi 19:4

Y hwegron, tas an vowes, a'n ynnias, hag yth esa trigys ganso tri dydh, ow tybri hag eva, hag ow koska ena.

Breusysi 6:3

Rag peskweyth may plansa mebyon Ysrael has, an Midyanysi ha'n Amalekysi ha mebyon an est a dho er aga fynn.