Jenesis 24:3 - An Bibel Kernewek 20234 (Kernewek Kemmyn)

³ ha my a wra dhis ti re'n Arloedh, Duw an nevow ha Duw an norvys, na wre'ta kemmeres gwreg rag ow mab a vyrghes an Kananysi, mayth esov trigys yn aga mysk.

Jenesis 24:3 Iomraidhean Croise

Jenesis 14:19

Hag ev a'n bennigas ha leverel, ‘Benniges re bo Abram gans Duw Ughella, Gwrier nev ha nor.

Jenesis 14:22

Mes Abram a leveris dhe vyghtern Sodom, ‘My re dhrehevis ow leuv dhe'n Arloedh, Duw Ughella, Gwrier nev ha nor,

Jenesis 21:23

Lemmyn, to dhymmo omma re Dhuw na wre'ta ow thoella vy na hwath ow henedh nag ow linyeth, mes dyghtya vy ha'n tir may feus trigys ynno, war-lergh an tregeredh a wrug vy dhiso jy.’

Jenesis 24:7

An Arloedh Duw a'n nevow neb a'm kemmeras dhiworth chi ow thas ha pow ow genesigeth ha neb a gewsis genev ha neb a dos dhymm, ow leverel, “My a re an pow ma dhe'th has”, ev a dhannvon y el a-dheragos, ha ty a gemmer gwreg rag ow mab alena.

Jenesis 27:46

Ena yn-medh Rebeka dhe Ysak, ‘Kasadow dhymm yw ow bewnans drefenn myrghes Heth. Mar mynn Yakob kemmeres gwreg a vyrghes Heth, kepar ha myrghes an pow ma, prag y fynnav bewa?’

Jenesis 28:1

Ena Ysak a elwis Yakob, ha'y venniga, hag erghi dhodho ow leverel, ‘Na gemmer gwreg a vyrghes Kanan.

Jenesis 28:8

Ena Esaw a welas bos myrghes Kanan kasadow yn golok Ysak y das;

Jenesis 34:9

ha junya genen yn demmedhyans; rewgh agas myrghes dhyn ni ha kemmerewgh agan myrghes dhywgh hwi.

Jenesis 38:2

Hag ena, Yuda a welas myrgh gour Kananek, Shua hy hanow; ev a's kemmeras avel gwreg, ha mos a-bervedh dhedhi.

Jenesis 47:31

Hag yn-medh ev, ‘Ti e dhymmo vy’; hag ev a'n tos. Ena Ysrael a omblegyas war benn an gweli.

Jenesis 50:25

Ha Yosep a wrug dhe vebyon Ysrael gul ti, ow leverel, ‘Sur yw, y fydh Duw orth agas visitya, ha hwi a dheg ow eskern yn-bann alemma.’

Jenesis 6:2

mebyon Duw a welas myrghes mab-den ha'ga bos teg, hag i a gemmeras dhedha aga honan gwragedh a vyns anedha a dhewissons.

Jenesis 6:4

Yth esa an Nefilim y'n nor y'n dydhyow na, hag a'y wosa keffrys, pan dheuth mebyon Duw dhe vyrghes mab-den; hag i a dhineythis fleghes dhedha. Tus alloesek ens i a dermyn koth, tus a vri.

2 Myghternedh 19:15

Ha Hezekia a bysis a-dherag an Arloedh, ow leverel, ‘A Arloedh. Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys; ty re wrug nev ha nor.

2 Kroniklys 2:12

Hiram a leveris ynwedh, ‘Benniges re bo an Arloedh, Duw Ysrael, gwrier nev ha nor, neb re ros dhe vyghtern Davydh mab fur, a'n jeves doethter ha konvedhes, dhe dhrehevel chi rag an Arloedh, ha chi ryel ragdho y honan.

Ezra 5:11

Ha hemma yw an gorthyp a rosons dhyn: ‘Servysi Duw nev ha leur on ni, hag yth esons ow dastrehevel an chi a veu drehevys nans yw lies blydhen, may hwrug myghtern bras a Ysrael y dhrehevel ha gorfenna.

Nehemia 13:25

Ha my a's keredhis ha'ga mollethi ha gweskel re anedha ha tenna yn-mes aga blew; ha my a wrug dhedha ti re Dhuw, ow leverel, ‘Na rewgh agas myrghes dh'aga mebyon, na kemmeres aga myrghes rag agas mebyon na ragowgh hwi agas honan.

Nehemia 9:6

‘Ty dha honan yw an Arloedh. Ty a wrug nev, an nev a nevow, gans oll aga lu, an nor ha pup-tra eus warnodho, an moryow ha pup-tra eus ynna, ha ty a re bewnans dhedha i oll ha'n lu a nev a'th wordh.

Salmow 115:15

An re bennigys gans an Arloedh owgh hwi, formyer nev ha nor.

Salmow 136:26

Grassewgh dhe Dhuw an nev, rag y dregeredh a dhur bys vykken.

Eksodus 20:7

Na gemmer hanow an Arloedh dha Dhuw yn euver; rag ny wra an Arloedh y asa heb kessydhyans neb a gemmer y hanow yn euver.

Eksodus 22:11

ena y fydh ti re'n Arloedh yntredha, na worras y dhorn dhe byth y gentrevek, ha'n perghennek a wra degemmeres an ti, ha ny wra daskorrans.

Eksodus 23:13

Koelewgh orth an pyth oll re leveris dhywgh; ha na elwewgh war henwyn duwow erell, na na esewgh i dhe vos klewys a'gas ganow.

Eksodus 34:16

ha ty a gemmer a'ga myrghes dhe'th vebyon, ha'ga myrghes a wra horya war-lergh aga duwow ha gul dhe'th vebyon horya war-lergh aga duwow.

Ysay 45:23

My re dos ren ow honan, dhiworth ow ganow gallas yn ewnder ger na dhehwel: ‘Dhymmo vy y hwra plegya pub glin, pub taves a wra ti.’

Ysay 48:1

Klew hemma, A ji Yakob, hwi neb yw henwys orth hanow Ysrael, hag a dheuth dhiworth dowrow Yuda, hag a wra ti re hanow an Arloedh, ha gelwel war Dhuw Ysrael, mes ny'n gwrons yn gwiryonedh nag yn ewnder.

Ysay 65:16

Piwpynag y'n tir a hwillo bennath warnodho y honan a'n hwila re'n Duw a wirder; ha piwpynag y'n tir a dollo ti a de ti re'n Duw a wirder; rag ankevys yw an kynsa troblow, ha kudhys dhiworth ow dewlagas.

Yeremia 10:11

Yndella hwi a lever dhedha: An duwow na wrug an nevow ha'n nor, i a dhe goll a-dhiworth an nor hag a-dhann an nevow ma.

Yeremia 12:16

Hag ena, mar tyskons yn tiwysyk fordhow ow fobel, dhe di ren ow hanow, ‘Dell vew an Arloedh’ par dell dhysksons ow fobel dhe di re Baal; ena i a vydh drehevys yn mysk ow fobel.

Yeremia 29:6

Kemmerewgh gwragedh ha dineythi mebyon ha myrghes; ha kemmerewgh gwragedh dh'agas mebyon, ha rewgh agas myrghes dhe wer may tineythons mebyon ha myrghes; ynkressyewgh ha na lehewgh.

Yeremia 4:2

ha mar tedh ‘Dell vew an Arloedh!’ yn gwirder, yn breus, hag yn ewnder, ena an kenedhlow a omvennik ynno, ha bostya ynno.

Levitikus 19:12

Ha ny wrewgh hwi ti yn fals re'm hanow vy, na defola hanow dha Dhuw. An Arloedh ov vy.

Sefania 1:5

ha'n re a ombleg war an tohow dhe lu an nevow; ha'n re a ombleg war an tohow ha ti re'n Arloedh ha ti ynwedh re Milkom;

Niverow 5:21

(ena gwres an oferyas gul dhe'n venyn kemmeres li an volleth, ha leverel dhe'n venyn) ‘re'th wrello an Arloedh molleth ha li yn mysk dha bobel, pan wra an Arloedh gul dha vordhos dhe wedhra ha'th torr dhe hwedhi;

1 Korinthianys 7:39

Kelmys dh'y gour yw an wreg hedre vo ev bew; mes mar kosk ev, livrys yw hi dhe dhemmedhi neb a vynno hi, mar kwra hi henna y'n Arloedh.

Dewteronomi 10:20

Porth own a'n Arloedh dha Dhuw ha gwra y servya. Glen orto, ha to ren y hanow.

Dewteronomi 6:13

Porth own a'n Arloedh dha Dhuw ha gwra y servya, ha ti re y hanow.

Ebrowyon 6:16

Rag tus a de der onan moyha agessa i aga honan, hag yn aga hedrynnow oll, ti res yn afydhyans yw diwedh pub dadhel.

Yoshua 2:12

Ha lemmyn, tewgh dhymm re'n Arloedh, dell wrugavy kuvder dhywgh, hwi ynwedh dhe dhiskwedhes kuvder dhe ji ow thas. Rewgh dhymm tokyn sur

Breusysi 14:3

Mes y das ha'y vamm a leveris dhodho, ‘A nyns eus benyn yn mysk dha gerens, po yn mysk oll agan pobel, bys may tegoedh dhis kavoes gwreg dhiworth an Filistysi antrodreghys?’ Mes Samson a leveris dh'y das, ‘Kav hi ragov, drefenn hi a'm ples.’

1 Samuel 20:17

Yonathan a wrug dhe Davydh daswul y di, drefenn ev dh'y gara: rag ev a'n kara kepar dell gara ev y vewnans y honan.

1 Samuel 30:15

Yn-medh Davydh dhodho, ‘A vynnydh ow hemmeres yn-nans dhe'n bagas ma?’ Ev a worthybis, ‘To dhymm re Dhuw, na wre'ta ow ladha, na'm delivra a-berth yn leuv ow mester, ha my a wra dha dhri yn-nans dhe'n bagas ma.’