Jenesis 24:15 - An Bibel Kernewek 20234 (Kernewek Kemmyn)

¹⁵ Kyns ev dhe worfenna y gows, awotta, yth esa Rebeka ow tos yn-mes – genys o hi dhe Bethuel mab Milka, gwreg Nahor, broder Abraham – gans hy fycher war hy skoedh.

Jenesis 24:15 Iomraidhean Croise

Jenesis 11:27

An re ma yw henedhow Teragh. Teragh a dhineythis Abram, Nahor ha Haran, ha Haran a dhineythis Lot.

Jenesis 11:29

Hag Abram ha Nahor a gemmeras gwragedh dhedha aga honan. Hanow gwreg Abram o Saray, ha hanow gwreg Nahor o Milka, myrgh Haran, tas Milka ha tas Yska.

Jenesis 21:14

Hag Abraham a sevis yn-bann ternos vyttin a-varr ha kemmeres bara ha kroghen dowr ha'ga ri dhe Hagar orth aga gorra war hy diwskoedh, ha'n flogh, ha'y dannvon dhe-ves, ha hi eth yn-kerdh ha gwandra yn difeythtir Beer-sheba.

Jenesis 24:14

An vowes may lavarav dhedhi, “Gorr dha bycher yn-nans, my a'th pys, may hylliv eva”, ha hi a worthyp, “Yv, ha my a re dowr dhe'th kowrvergh ynwedh” – gas hi dhe vos neb re wrussys hy apoyntya rag dha was Ysak, hag yndella my a woer ty dhe dhiskwedhes tregeredh dhe'm arloedh.’

Jenesis 24:24

Hag yn-medh hi dhodho, ‘My yw myrgh Bethuel, mab Milka a wrug hi dineythi dhe Nahor.’

Jenesis 24:45

‘Kyns my dhe worfenna kewsel y'm kolonn, awotta, yth esa Rebeka ow tos yn-mes, hy fycher war hi skoedh ha hi eth yn-nans dhe'n fenten ha tenna, ha my a leveris dhedhi, “Gas vy dhe eva, my a'th pys.”

Jenesis 25:20

Hag Ysak o dew-ugens bloedh pan gemmeras Rebeka avel gwreg, myrgh Bethuel a Aram, dhiworth Padan-aram, hwoer Laban a Aram.

Jenesis 29:5

Yn-medh ev dhedha, ‘A aswonnowgh hwi Laban mab Nahor?’ hag yn-medhons i, ‘Aswonnyn.’

Jenesis 29:9

Hag ev hwath ow kewsel orta, y teuth Raghel gans deves hy thas, rag bugeles o hi.

Salmow 34:15

Yma dewlagas an Arloedh war an re wiryon, ha'y dhiwskovarn troha'ga kri.

Salmow 65:2

Ty neb a woslow orth pysadow, dhiso jy y teu pub kig.

Eksodus 2:16

Lemmyn oferyas Midyan a'n jevo seyth myrgh a dheuth ha tenna, ha lenwel an newyow, dhe dhowrhe flokk aga thas.

Lavarow Koth 31:27

Hi a with war negys hy theylu, ha ny dheber an bara a dhiekter.

Ysay 58:9

Ena ty a elow, ha'n Arloedh a worthyp; ty a gri rag gweres hag ev a lever, Awotta vy. Mar kemmerydh dhe-ves an yew a dhiworthis, ystynnans an bys, ha kows spitus;

Ysay 65:24

Kyns i dhe elwel, my a worthyp; aga klewes, hag i hwath ow kewsel.

Ruth 2:17

Ha hi a guntellas gesigow y'n gwel bys y'n gorthugher, ha drushya an myns re wrussa hi y guntell, hag y feu a-dro dhe efa heydh.

Ruth 2:2

Hag yn-medh Ruth an venyn a Moab dhe Naomi, ‘Gas vy dhe vos, my a'th pys, a-berth y'n gwel dhe guntell gesigow an ys war-lergh nebonan may kavav gras yn y dhewlagas.’ Ha hi a leveris dhedhi, ‘Ke, ow myrgh.’

1 Samuel 9:11

Pan esens ow mos war an fordh yn-bann dhe'n sita, i a vetyas mowesi yowynk ow tos yn-mes dhe denna dowr, hag i a leveris dhedha, ‘Usi an gwelesydh omma?’