Jenesis 24:10 - An Bibel Kernewek 20234 (Kernewek Kemmyn)

¹⁰ Ha'n servont a gemmeras deg kowrvargh mes a gowrvergh y arloedh, ha mos yn-kerdh, gans oll an taklow da a'y arloedh yn y leuv. Ev a sevis ha mos dhe Aram Naharaym bys yn sita Nahor.

Jenesis 24:10 Iomraidhean Croise

Jenesis 11:26

Ha Teragh a vewas deg blydhen ha tri-ugens ha dineythi Abram, Nahor ha Haran.

Jenesis 11:29

Hag Abram ha Nahor a gemmeras gwragedh dhedha aga honan. Hanow gwreg Abram o Saray, ha hanow gwreg Nahor o Milka, myrgh Haran, tas Milka ha tas Yska.

Jenesis 11:31

Teragh a gemmeras Abram y vab ha Lot mab Haran, mab y vab ev, ha Saray y wohydh, gwreg y vab Abram, hag i eth yn-mes gansa dhiworth Ur an Kaldeanys mayth ellens dhe bow Kanan, hag i a dheuth dhe Haran ha triga ena.

Jenesis 11:32

Ha dydhyow Teragh a veu dew kans blydhen ha pymp, ha Teragh a verwis yn Haran.

Jenesis 22:20

Ha wosa an taklow ma, y feu derivys dhe Abraham ow leverel, ‘Awotta, Milka, hi ynwedh, re dhineythis mebyon dhe'th vroder Nahor,

Jenesis 24:2

Hag yn-medh Abraham dh'y servont, an kottha a'y vayni esa ow rewlya war bup-tra esa dhodho, ‘Gorr dha leuv yn-dann ow mordhos, my a'th pys,

Jenesis 24:22

Wosa an kowrvergh dhe worfenna eva, an gour a gemmeras bysow owrek, hanter shekel hy foes, ha dew vreghellik rag hy diwla, deg shekel owr aga foes,

Jenesis 24:53

Ena an servont a gemmeras yn-mes lestri arghans ha lestri owr ha dillas, ha'ga ri dhe Rebeka, ha rohow drudh a ros ev dh'y broder ha'y mamm.

Jenesis 27:43

Ha lemmyn, ow mab klew ow lev; sav, ha fi dhe Laban ow broder, dhe Haran.

Jenesis 29:1

Ena Yakob eth yn-kerdh ha mos dhe bow mebyon an howldrevel.

Jenesis 29:2

Ev a viras, hag awotta, puth y'n gwel, hag otta, tri flokk deves a'ga growedh rybdho; rag mes a'n puth na y fedha an flokkys dowrys; ha bras o an men orth ganow an puth.

1 Kroniklys 19:6

Pan wodhva an Ammonysi, i dhe vos kasadow dhe Davydh, Hanun ha'n Ammonysi a dhannvonas mil dalent a arghans dhe wobrena charettow ha marghogyon dhiworth Aram Naharaym, dhiworth Aram Maaka, ha dhiworth Soba.

Oberow 2:9

Tus a Parthia ha Medys hag Elamitys, ha trigoryon a Mesopotamia, Yudi ha Kappadokia, Pontus hag Asia,

Dewteronomi 23:4

drefenn na'gas metsons gans bara ha gans dowr y'n fordh pan dheuthewgh yn-mes a Ejyp, hag arveth er dha bynn Balaam mab Beor dhiworth Pethor yn Aram Naharaym dhe'th vollethi.