Jenesis 23:2 - An Bibel Kernewek 20234 (Kernewek Kemmyn)

² Ha Sara a verwis yn Kiryath-arba, yw Hebron yn pow Kanan, hag Abraham a dheuth dhe gyni rag Sara hag oela rygdhi.

Jenesis 23:2 Iomraidhean Croise

Jenesis 13:18

Ena Abram a gavas gwiryow peuri ha dos ha triga ryb derow Mamre usi yn Hebron ha drehevel alter dhe'n Arloedh y'n tyller na.

Jenesis 23:1

Ha Sara o seyth bloedh ha hwegh-ugens hy bloedh – bloedh bewnans Sara.

Jenesis 23:19

Wosa hemma, Abraham a ynkleudhyas Sara y wreg y'n kav a bark Makpela a-dal Mamre, yw Hebron yn pow Kanan.

Jenesis 24:67

Ena Ysak a's dros a-berth yn tylda Sara y vamm hag ev a gemmeras Rebeka ha hi eth ha bos y wreg; hag ev a's karas. Yndella Ysak a veu konfortys wosa mernans y vamm.

Jenesis 27:41

Lemmyn Esaw a'n jevo eskarogeth erbynn Yakob drefenn an vennath may hwrussa y das y venniga gensi, hag Esaw a leveris yn y golonn, ‘Yma'n dydhyow a gynvann a-barth ow thas ow tos nes. Ena my a vynn ladha ow broder Yakob.’

Jenesis 35:27

Ha Yakob a dheuth dhe Ysak y das, dhe Mamre, Kiryath-arba, henn yw Hebron, le may feu Abraham hag Ysak trigys avel alyons.

Jenesis 37:14

Hag yn-medh ev dhodho, ‘Ke lemmyn dhe weles mars yw pup-tra yn poynt da gans dha vreder ha gans an flokk, ha dri dhymm derivas warnedha.’ Ytho ev a'n dannvonas dhiworth nans Hebron, hag ev a dheuth dhe Shekem.

Jenesis 50:1

Ena Yosep a goedhas war fas y das, hag oela warnodho, hag amma dhodho.

Jenesis 50:10

Hag i a dheuth dhe leur-drushya Atad usi dres an Yordan, hag ena i a gynis gans kynvann bras ha pur boes; hag ev a wrug kynvann rag y das seyth dydh.

2 Samuel 1:12

I a gynis hag oela ha penys bys gorthugher rag Sowl ha rag y vab Yonathan, ha rag pobel an Arloedh, ha rag chi Ysrael, drefenn i dhe goedha der an kledha.

2 Samuel 1:17

Ha Davydh a gynis gans an kynvann ma war Sowl ha war y vab Yonathan.

2 Samuel 2:11

An termyn mayth esa Davydh myghtern yn Hebron war ji Yuda o seyth blydhen ha hwegh mis.

2 Samuel 5:3

Ytho oll henavogyon Ysrael a dheuth dhe'n myghtern yn Hebron; ha myghtern Davydh a wrug kevambos gansa yn Hebron dherag an Arloedh, hag i a untyas Davydh myghtern war Ysrael.

2 Samuel 5:5

Yn Hebron ev a reynyas war Yuda seyth blydhen ha hwegh mis; hag yn Yerusalem ev a reynyas war oll Ysrael ha Yuda trydhek blydhen warn ugens.

1 Kroniklys 6:57

Dhe vebyon Aron i a ros sitys meneghi: Hebron, Libna gans hy feurvaow, Yattir, Eshtemoa gans hy feurvaow,

2 Kroniklys 35:25

Yeremia a gewsis kynvann war-lergh Yosia; hag oll an ganoryon ha'n kanoresow re gampoellas Yosia yn aga hynvannow bys y'n jydh ma. I a's gwrug ordenans yn Ysrael. Skrifys yns y'n Kynvannow.

Nehemia 11:25

Hag ow tochya an godrevow, gans aga gwelyow a-derdro, yth esa re a bobel Yuda trigys yn Kiryath-arba ha'y threvow, hag yn Dibon ha'y threvow, hag yn Yekabseel hag yn y godrevow,

Yeremia 22:10

Na oelewgh rag an marow, na kyni ragdho; mes oelewgh ragdho ev neb a yn-mes, rag ny dhehwel namoy, na gweles tir y enesigeth.

Yeremia 22:18

Ytho, yndellma y lever an Arloedh a-dro dhe Yehoyakim mab Yosia myghtern Yuda: Ny alarons ragdho, ow leverel, ‘Ogh ow broder!’ po ‘Ogh ow hwoer!’ Ny alarons ragdho, ow leverel, ‘Ogh arloedh!’ po, ‘Ogh y veuredh!’

Niverow 13:22

I a yskynnas dhe'n Negeb, ha dos dhe Hebron; hag yth esa ena Ahiman, Sheshay, ha Talmay, diyskynnysi Anak. (Hebron a veu drehevys seyth blydhen kyns es Soan yn Ejyp.)

Niverow 20:29

Ha pan welas an kuntelles oll bos Aron tremenys, oll chi Ysrael a oelas rag Aron deg dydh warn ugens.

Yowann 11:31

Ena an Yedhewon esa gensi y'n chi hag orth hy honfortya, ow kweles Maria dhe sevel uskis ha mos yn-mes, a wrug hy siwya, ow tybi hi dhe vos dhe'n bedh dhe oela ena.

Yowann 11:35

Yesu a oelas.

Oberow 8:2

Gwer gryjyk a ynkleudhyas Stefan ha gul dresto oelva veur.

Dewteronomi 34:8

Mebyon Ysrael a oelas rag Moyses yn plenys Moab deg dydh warn ugens; ena an dydhyow a oelva ha kynvann rag Moyses a veu kowlwrys.

Yoshua 10:39

Ev a's kemmeras, hi ha'y myghtern hag oll hy threvow; i a's gweskis a vin an kledha, ha sakra dhe dhistruyans peub esa ynni; ny asas dhe vos gesys denvyth; dell wrussa dhe Hebron, yndella ev a wrug dhe Debir ha'y myghtern, ha kepar dell wrussa dhe Libna ha'y myghtern.

Yoshua 15:13

Dhe Kaleb mab Yefunne ev a ros eretons yn mysk mebyon Yuda, war-lergh gorhemmynn an Arloedh dhe Yoshua – Kiryath-arba, honn yw Hebron (Arba o tas Anak).

Yoshua 15:54

Humta, ha Kiryath-arba (honn yw, Hebron), ha Sior: naw sita gans aga godrevow.

Yoshua 20:7

I a sakras Kedesh yn Galile yn bro venydhyek Naftali, ha Shekem yn bro venydhyek Efraym, ha Kiryath-arba (yw Hebron) yn bro venydhyek Yuda.

Yoshua 21:11

I a ros dhedha Kiryath-arba (Arba o tas Anak), honn yw Hebron, yn bro venydhyek Yuda, gans an peurva yn hy hyrghynn.

Breusysi 1:10

Yuda eth erbynn an Kananysi trigys yn Hebron (hanow Hebron o Kiryath-arba seuladhydh); hag i a weskis Sheshay, Ahiman ha Talmay.

1 Samuel 20:31

Rag hedre vewo mab Yesse war an norvys, ny vydh naneyl ty na'th wlaskor fastys. Ytho dannvon ha kyrgh ev dhymm, rag ev a verow.’

1 Samuel 25:1

Samuel a verwis; hag oll Ysrael a omguntellas ha kyni ragdho, ha'y ynkleudhyas yn y ji yn Rama. Ena Davydh a sevis ha mos yn-nans dhe wylvos Paran.

1 Samuel 28:3

Lemmyn Samuel o marow, hag oll Ysrael a gynis ragdho, ha'y ynkleudhyas yn Rama, y sita y honan. Sowl re bellhasa an nygromonsoryon ha'n goelyogyon mes a'n pow.