Jenesis 22:9 - An Bibel Kernewek 20234 (Kernewek Kemmyn)

⁹ Hag i a dheuth dhe'n tyller a leveris Duw dhodho, hag Abraham a dhrehevis alter, hag araya an keunys, ha kelmi Ysak y vab, ha'y worra war an alter a-ugh an keunys.

Jenesis 22:9 Iomraidhean Croise

Jenesis 12:7

Ha'n Arloedh a omdhiskwedhas dhe Abram ha leverel dhodho, ‘My a vynn ri an tir ma dhe'th has jy.’ Ytho ev a dhrehevis alter dhe'n Arloedh neb a omdhiskwedhas dhodho.

Jenesis 12:8

Ena ev eth alena bys yn menydh a'n est dhe Bethel ha settya y dylda yn-bann yntra Bethel y'n howlsedhes hag Ay y'n est, ha drehevel ena alter dhe'n Arloedh ha gelwel war hanow an Arloedh.

Jenesis 13:18

Ena Abram a gavas gwiryow peuri ha dos ha triga ryb derow Mamre usi yn Hebron ha drehevel alter dhe'n Arloedh y'n tyller na.

Jenesis 22:10

Hag Abraham a ystynnas y dhorn ha kemmeres an gollell dhe ladha y vab.

Jenesis 22:8

Hag yn-medh Abraham, ‘Duw y honan a brovi an oen rag offrynn leskys, ow mab.’ Ytho i eth aga dew war-barth.

Jenesis 8:20

Ha Noy a dhrehevis alter dhe'n Arloedh ha kemmeres rann a'n bestes glan ha'n ydhyn glan hag offrynna offrynnow leskys war an alter.

1 Myghternedh 18:33

Nessa ev a restras an prenn, treghi an lodhen dhe demmyn, ha'y worra war an prenn. Ev a leveris, ‘Lenwewgh peswar seth a dhowr ha'y dhinewi war an offrynn leskys ha war an prenn.’

Salmow 118:27

Duw yw an Arloedh, neb re ros golow dhyn. Pareusewgh an solempnita gans skorrennow, hag yskynnewgh dhe gern an alter.

Matthew 27:2

ha wosa i dh'y gelmi, i a'n dug yn-kerdh ha'y dhaskorr dhe Pilat an governour.

Mark 15:1

Ha desempis y'n myttin an bennoferysi a wrug omgusulyans gans an henavogyon ha'n skribys hag oll an Sanhedrin; hag i a golmas Yesu, ha'y dhoen yn-kerdh ha'y dhaskorr dhe Pilat.

Oberow 8:32

Lemmyn rann an skryptor esa orth hy redya o homma, ‘Kepar ha davas ev a veu ledys dhe ladhva ha kepar dell yw avlavar oen a-rag an knyvyer, yndella ny iger ev y anow.

Galatianys 3:13

Krist a'gan dasprenas dhiworth molleth an lagha hag ev gwrys molleth ragon, rag skrifys yw, ‘Milliges vydh peub yw kregys war brenn’,

Efesianys 5:2

ha kerdhewgh yn kerensa, kepar dell wrug Krist agas kara hag omri y honan ragon ni yn offrynn ha sakrifis dhe Dhuw, sawer plegadow.

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

Jamys 2:21

A ny veu agan tas Abraham justifiys dre wriansow, hag ev owth offrynna y vab Ysak war an alter?

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.