Jenesis 22:4 - An Bibel Kernewek 20234 (Kernewek Kemmyn)

⁴ An tressa dydh, Abraham a dhrehevis y dhewlagas ha gweles an tyller a-bell.

Jenesis 22:4 Iomraidhean Croise

Jenesis 22:3

Hag Abraham a sevis yn-bann ternos a-varr, ha dibra y asen, ha kemmeres dew a'y wer yowynk ganso hag Ysak y vab, ha treghi an keunys rag an offrynn leskys, ha sevel ha mos dhe'n tyller a leveris Duw dhodho.

Jenesis 22:5

Hag yn-medh Abraham dh'y wer yowynk, ‘Gortewgh omma gans an asen ha my ha'n maw a vynn mos enos ha gordhya, ha dehweles dhywgh arta.’

2 Myghternedh 20:5

‘Treyl arta, ha leverel dhe Hezekia, rewler ow fobel, Yndella a lever an Arloedh, Duw dha das Davydh: My re glewas dha bysadow, my re welas dha dhagrow; otta, my a wra dha yaghhe; y'n tressa dydh ty a wra mos yn-bann dhe ji an Arloedh.

Ester 5:1

Lemmyn y'n tressa dydh, Ester a wiskas hy dillas ryel; ha sevel a wrug y'n klos pervedhel a balys an myghtern a-dal hel an myghtern. Yth esa an myghtern esedhys war y se ryel y'n hel ryel a-dal porth an palys.

Eksodus 15:22

Ena Moyses a hembronkas Ysrael a'n Mor Rudh hag i eth yn gwylvos Shur; i eth tri dydh y'n gwylvos ha ny gavsons dowr.

Eksodus 19:11

ha bydh parys erbynn an tressa dydh; rag y'n tressa dydh an Arloedh a wra diyskynna war venydh Sinay a-wel an bobel oll.

Eksodus 19:15

Hag ev a leveris dhe'n bobel, ‘Bedhewgh parys erbynn an tressa dydh; na dewgh nes dhe venyn.’

Eksodus 5:3

Ena y lavarsons, ‘Duw an Ebrowyon re vetyas genen; gas ni dhe vones, ni a'th pys, vyaj a dri dydh y'n gwylvos hag offrynna dhe'n Arloedh agan Duw ma na goettho warnan gans pla po gans an kledha.’

Hosea 6:2

Wosa dew dhydh ev a wra agan dasvewa; y'n tressa dydh ev a wra agan drehevel, ha ni a vew a-ragdho.

Levitikus 7:17

Mes y'n tressa dydh remenant kig an sakrifis a vydh leskys dre dan.

Niverow 10:33

Ytho i eth yn-kerdh a venydh an Arloedh vyaj tri dydh; hag argh kevambos an Arloedh eth a-ragdha vyaj tri dydh, dhe hwilas powesva ragdha.

Niverow 19:12

ev a wra omlanhe gans an dowr y'n tressa dydh hag y'n seythves dydh, hag yndellma bos glan; mes mar ny omlanha y'n tressa dydh hag y'n seythves dydh, ny dheu ha bos glan.

Niverow 19:19

ha'n den glan a wra skoellya war an den avlan y'n tressa dydh hag y'n seythves dydh; yndellma y'n seythves dydh ev a'n glanha, hag ev a wra golghi y dhillas hag omvadhya yn dowr, ha dhe'n gorthugher ev a vydh glan.

Niverow 31:19

Kampyewgh yn-mes a'n kamp seyth dydh; pubonan re ladhas den ha pubonan re dochyas den ledhys, omlanhewgh y'n tressa dydh hag y'n seythves dydh, hwi ha'gas kethyon.

Matthew 17:23

hag i a'n ladh, hag y'n tressa dydh ev a vydh drehevys.’ Hag yth ens i trist dres musur.

Luk 13:32

Hag ev a leveris dhedha, ‘Kewgh dhe leverel dhe'n lowarn na, “Otta, my a dewl dywolow mes ha yaghhe tus hedhyw hag a-vorow, hag y'n tressa dydh my a gowlwra ow ober.

1 Korinthianys 15:4

ha bos ynkleudhys, ha dasserghys dhe'n tressa dydh, herwydh an skryptors;

Yoshua 1:11

‘Tremenewgh der an kamp, hag erghewgh dhe'n bobel: “Pareusewgh agas boes; rag kyns penn tri dydh hwi a vydh ow treusi an Yordan ma, rag dos dhe erita an tir usi an Arloedh agas Duw ow ri dhywgh dh'y bewa.” ’

1 Samuel 26:13

Ena Davydh eth a-dreus dhe'n tu arall, ha sevel war benn bre yn pellder, gans spas meur yntredha.