Jenesis 22:14 - An Bibel Kernewek 20234 (Kernewek Kemmyn)

¹⁴ Hag Abraham a elwis hanow an tyller na ‘An Arloedh a brovi’; dell yw leverys bys y'n jydh hedhyw, ‘War venydh an Arloedh y fydh proviys.’

Jenesis 22:14 Iomraidhean Croise

Jenesis 22:13

Hag Abraham a dhrehevis y dhewlagas hag awotta, war y lergh hordh maglennys der y gern yn prysk, hag Abraham eth ha kemmeres an hordh ha'y offrynna avel offrynn leskys yn le y vab.

Jenesis 22:15

Hag el an Arloedh a elwis dhe Abraham mes a'n nevow an nessa torn.

Jenesis 22:8

Hag yn-medh Abraham, ‘Duw y honan a brovi an oen rag offrynn leskys, ow mab.’ Ytho i eth aga dew war-barth.

Jenesis 28:19

Hag ev a elwis hanow an tyller na Bethel, mes Luz o hanow an sita kyns.

Jenesis 32:30

Ha Yakob a elwis hanow an tyller Peniel, ‘Rag my re welas Duw fas orth fas, ha gwithys saw yw ow enev.’

1 Myghternedh 17:8

Ena ger an Arloedh a dheuth dhodho, ow leverel,

Eksodus 17:15

Ha Moyses a dhrehevis alter ha'y henwel ‘An Arloedh yw ow baner’,

Ezekiel 48:35

An kompas yw etek mil. Ha hanow an sita a-dhia'n jydh na a vydh: Yma an Arloedh Ena.

Mika 4:10

Gwynnel gwra yn payn ha skrija, A vyrgh Sion, avel benyn ow tineythi; rag lemmyn y hwre'ta mos yn-mes a'n sita ha triga y'n gwel; yth edh dhe Babylon. Ena y fydhydh sawys, ena an Arloedh a'th taspren a leuv dha eskerens.

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Dewteronomi 32:36

Rag an Arloedh a vreus y bobel, ha kemmeres pita a'y servysi, pan wel aga nerth dhe vos gyllys, ha nag eus nagonan gesys, keth na rydh.

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

Breusysi 6:24

Ytho Gideon a dhrehevis alter dhe'n Arloedh ena, ha'y henwel, An Arloedh yw kres. Bys y'n jydh hedhyw y sev yn Ofra an Abiezrysi.

1 Samuel 29:10

Lemmyn ytho sav myttin a-varr, ty ha gwesyon dha arloedh neb a dheuth genes, ha ke dhe'n tyller a wrug vy y apoyntya ragos. A-dro dhe'n drog dherivas, na'n kemmer y'th kolonn, rag ty re wrug yn ta a-dheragov. Dallethewgh myttin a-varr, ha diberthewgh kettell a'gas eus golow.’

1 Samuel 7:12

Ena Samuel a gemmeras men ha'y settya yntra Mispa ha Yeshana, ha'y henwel Ebenezer; rag ev a leveris, ‘Kyns-lemmyn an Arloedh re'gan gweresas.’