Jenesis 21:6 - An Bibel Kernewek 20234 (Kernewek Kemmyn)

⁶ Hag yn-medh Sara, ‘Duw re wrug dhymm hwerthin, ha peub a'm klew a hwerth genev vy.’

Jenesis 21:6 Iomraidhean Croise

Jenesis 17:17

Ena Abraham a goedhas war y fas ha hwerthin ha leverel yn y golonn, ‘A vydh flogh dineythys dhe wour kans bloedh y oes? Hag a wra Sara dineythi, deg bloedh ha peswar-ugens bloedh hy oes?’

Salmow 113:9

Ev a wra dhe'n wreg anvap synsi chi, ha bos mamm lowen a fleghes. Gormelewgh an Arloedh.

Salmow 126:2

Ena lenwys veu agan ganow a hwarth, ha'gan taves a lowena. Ena y lavarsons yn mysk an kenedhlow, ‘An Arloedh re wrug taklow meur rag an re ma.’

Ysay 49:15

A yll benyn ankevi an flogh orth hy bronn? po fyllel kemmeres truedh a vab hy thorr? I ynwedh a yll ankevi, mes my, ny'th ankovav.

Ysay 49:21

Ena ty a lever y'th kolonn, ‘Piw re dhineythis an re ma ragov? My re gollas ow fleghes, hag anvap en, divres ha gorrys dhe-ves; ytho piw re vagas an re ma? Otta, gesys veuv ow honan. An re ma, a-ble teuthons?’

Ysay 54:1

Kan yn lowen, A anvap na omdhuk; kri gans joy ha garm, ty neb na veu yn lavur! Rag mebyon an venyn anvap a vydh moy ages mebyon an venyn may ma dhedhi gour, yn-medh an Arloedh.

Yeremia 20:15

Milliges re bo an gour a dhros nowodhow dhe'm tas, ow leverel, ‘Flogh gorow yw genys dhis’, orth y heudhhe yn feur.

Luk 1:14

ha lowena ha heudhder a vydh dhis, ha lies huni a lowenha yn y enesigeth.

Luk 1:58

Ha'y hentrevogyon ha'y neskerens a glewas an Arloedh dhe dhiskwedhes tregeredh veur dhedhi, hag i a lowenhi gensi.

Romanyon 12:15

Lowenhewgh gans an re a lowenha, oelewgh gans an re a oel;

Ebrowyon 11:11

Dre fydh Sara hy honan a dhegemmeras galloes dhe omdhoen hwath pan o hi dres an oes, a-ban brederi hi, ev dhe vos lel neb a ambossa.

1 Samuel 1:26

Hag yn-medh hi, ‘Ow arloedh, kepar dell vewydh, ow arloedh, yth ov vy an venyn esa sevys rybos omma, ow pysi war an Arloedh.