Jenesis 21:17 - An Bibel Kernewek 20234 (Kernewek Kemmyn)

¹⁷ Ha Duw a glewas lev an maw, hag el Duw a elwis dhe Hagar mes a nev ha leverel dhedhi, ‘Pandr'a hwer dhis, Hagar? Na gemmer own rag Duw re glewas lev an maw le may ma.

Jenesis 21:17 Iomraidhean Croise

Jenesis 15:1

Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

Jenesis 16:11

Hag el an Arloedh a leveris dhedhi, ‘Awotta, gans flogh osta ha ty a dhineyth mab ha ty a'n henow Yshmael, a-ban glewas an Arloedh dha alar.

Jenesis 16:7

El an Arloedh a's kavas ryb fenten a dhowr y'n difeythtir, ryb an fenten war an fordh dhe Shur.

Jenesis 16:8

Hag ev a leveris, ‘Hagar, maghteth Saray, a-ble hwruss'ta dos, ha ple'th es'ta ow mos?’ Ha hi a leveris, ‘My a fi dhiworth golok ow mestres, Saray.’

Jenesis 16:9

Hag el an Arloedh a leveris dhedhi, ‘Dehwel dhe'th vestres hag omblegya dhedhi yn-dann hy diwla.’

Jenesis 22:11

Mes el an Arloedh a elwis dhodho mes a nev ha leverel, ‘Abraham, Abraham!’ Hag yn-medh ev, ‘Ottavy.’

Jenesis 24:7

An Arloedh Duw a'n nevow neb a'm kemmeras dhiworth chi ow thas ha pow ow genesigeth ha neb a gewsis genev ha neb a dos dhymm, ow leverel, “My a re an pow ma dhe'th has”, ev a dhannvon y el a-dheragos, ha ty a gemmer gwreg rag ow mab alena.

Jenesis 26:24

Ha'n Arloedh a omdhiskwedhas dhodho an keth nos ha leverel, ‘My yw Duw Abraham dha das. Na borth own, rag yth esov genes ha my a wra dha venniga hag ynkressya dha has a-barth Abraham ow gwas.’

Jenesis 46:3

Hag yn-medh ev, ‘My yw Duw, Duw dha das Ysak. Na borth own a vos yn-nans dhe Ejyp, rag ena my a wra dhis bos kenedhel vras.

2 Myghternedh 13:23

Grassyes orta o an Arloedh, hag ev a'n jevo truedh warnedha. Ev a dreylyas trohag i drefenn y gevambos gans Abraham, Ysak ha Yakob, ha ny vynnas aga distrui; ha ny's tewlis dhiworth y lok bys y'n eur ma.

2 Myghternedh 13:4

Ha Yehoahaz a bledyas gans an Arloedh, ha'n Arloedh a woslowas orto; rag ev a welas arwask Ysrael, fatell y's arweski myghtern Aram.

Salmow 10:14

Ty re'n gwelas, rag ty a wra vri a dhregynn ha poenvos, dh'y gemmeres y'th tiwleuv; an anfeusik a gemmynn y honan dhiso jy; ty yw gwereser an omdhivas.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Salmow 6:8

Diberthewgh dhiworthiv, hwi dhrogoberoryon oll; rag an Arloedh re glewas lev ow oelva.

Salmow 65:2

Ty neb a woslow orth pysadow, dhiso jy y teu pub kig.

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Eksodus 14:13

Ha Moyses a leveris dhe'n bobel, ‘Na berthewgh own, sevewgh fyrv ha gweles selwyans an Arloedh a wra oberi ragowgh hedhyw; rag an Ejyptianys a welowgh hedhyw, ny wrewgh aga gweles nevra arta.

Eksodus 22:23

Mar kwredh aga thebeldhyghtya, hag i a gri warnav, my a wra klewes aga kri yn sur,

Eksodus 22:27

rag henn yw y unn ballenn, yth yw kudhans rag y groghen; yn pandra ken y hwra ev koska? Ha mar kri warnav, my a wra klewes, rag ow bos grassyes.

Eksodus 3:2

Hag el an Arloedh a omdhiskwedhas dhodho yn flamm a dan yn-mes a gres an bos; hag ev a viras, hag otta, yth esa an bos gans tan, mes ny veu konsumys.

Eksodus 3:7

Ena an Arloedh a leveris, ‘My re welas galar ow fobel usi yn Ejyp ha klewes aga kri drefenn aga mestrysi kethneth; aswonn a wrav aga galarow;

Ysay 22:1

An profoesans a-dro dhe nans an welesigeth. Pandr'yw dhis, ty dhe yskynna dhe'n tohow, pub huni,

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Matthew 15:32

Ena Yesu a elwis dhodho y dhyskyblon ha leverel, ‘Yma truedh dhymm a'n routh, rag i dhe vos genev nans yw tri dydh ha nyns eus gansa travyth dhe dhybri; ny vynnav aga dannvon yn-kerdh heb dybri, ma na glamderrons war an fordh.’

Mark 5:36

Mes Yesu, kettell glewas an ger o kewsys, a leveris dhe rewler an synaga, ‘Na borth own, unnweyth krys.’

Dewteronomi 26:7

Ena ni a grias war an Arloedh, Duw agan tasow, ha'n Arloedh a glewas agan lev ha gweles agan galar, ha'gan trobel, ha'gan arwask.

Breusysi 18:23

I a armas dhe'n Danysi, hag i a dreylyas a-dro hag a leveris dhe Mika, ‘Pandr'a hwer dhis, ha ty ow gelwel dha wer yn-mes?’

1 Samuel 11:5

Lemmyn yth esa Sowl ow tos a-dhiworth an gwel a-dryv an chatel; ha Sowl a leveris, ‘Pandr'a hwer dhe'n bobel? Prag yth esons i owth oela?’ Ytho i a dherivas dhodho geryow gwer Yabesh.