Jenesis 21:16 - An Bibel Kernewek 20234 (Kernewek Kemmyn)

¹⁶ Ha hi eth hag esedha a-dal dhodho, pell lowr, a-dro dhe denn gwarak, rag hi a leveris, ‘Na as vy dhe weles mernans an flogh.’ Ha hi a esedhas a-dal dhodho, ha drehevel hy lev hag oela.

Jenesis 21:16 Iomraidhean Croise

Jenesis 21:15

Ha gyllys o an dowr y'n groghen ha hi a dewlis an flogh yn-dann onan an bosow.

Jenesis 27:38

Hag yn-medh Esaw dh'y das, ‘Eus genes saw unnsel unn vennath, ow thas? Bennik vy ynwedh, a das.’ Hag Esaw a dhrehevis y lev hag oela.

Jenesis 29:11

Ena Yakob a ammas dhe Raghel ha drehevel y lev hag oela.

Jenesis 44:34

Rag fatell allav mos yn-bann dhe'm tas heb bos an maw genev? rag own my dhe weles an droktra a goedh war ow thas.’

1 Myghternedh 17:12

Mes hi a leveris, ‘Dell vew an Arloedh dha Dhuw, ny'm beus torth, marnas dornas a vleus yn seth ha nebes oyl yn podik; my a guntell y'n eur ma nebes keunys mayth ylliv dhe dre ha'ga fareusi ragov ow honan ha rag ow mab, may typpryn anodho, ha merwel.’

1 Myghternedh 3:26

Mes an venyn, ha dhedhi an mab bew, a leveris dhe'n myghtern – drefenn piteth rag hy mab dhe leski ynni – ‘Mar pleg, ow arloedh, ro dhedhi an maw bew; yn tevri na'n ladh!’ Ha'y ben a leveris, ‘Ny vydh ev na dhymm na dhis; rann e.’

Ester 8:6

rag fatell allav vy perthi gweles an drog a dheu dhe'm pobel? Ha fatell allav vy pesya ha my ow mires war derroes ow herens?’

Ysay 49:15

A yll benyn ankevi an flogh orth hy bronn? po fyllel kemmeres truedh a vab hy thorr? I ynwedh a yll ankevi, mes my, ny'th ankovav.

Yeremia 6:26

A vyrgh ow fobel, omwrogys yn yskar, hag omrol yn lusu: gwra kyni, avel rag dha unn vab, kynvann a'n hwerwa: rag a-dhistowgh an distruer a dheu warnan.

Amos 8:10

Treylya a wrav agas goelyow yn kynvann, ha'gas kanow oll yn oelva; my a worr yskar war an dhiwglun oll, ha bloghter war bub penn; my a's gwrav dhe gyni kepar dell ve war-lergh aga unn vab, ha'n gorfenn anodho a vydh kepar ha dydh hwerow.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Luk 15:20

Ytho ev a sevis yn-bann ha mos dh'y das. Hag ev hwath y'n pellder, y das a'n gwelas, ha piteth a'n jeva, hag ev a boenyas hag a goedhas war y gonna hag amma dhodho.

Breusysi 2:4

Pan gewsis el an Arloedh an geryow ma dhe oll mebyon Ysrael, an bobel a dhrehevis aga lev hag oela.

Ruth 1:9

Re rollo an Arloedh dhywgh may kyffowgh powes, pubonan yn chi hy gour.’ Ena hi a ammas dhedha, hag i a wrug oela dagrow, ughel aga lev.

1 Samuel 24:16

Wosa Davydh dhe worfenna kewsel an geryow ma orth Sowl, Sowl a leveris, ‘Yw hemma dha lev, ow mab Davydh?’ Ha Sowl a dhrehevis y lev hag oela.

1 Samuel 30:4

Ena Davydh hag oll an bobel esa ganso a dhrehevis aga lev hag oela, bys ma nag esa dhedha nerth vyth dhe oela namoy.