Jenesis 20:7 - An Bibel Kernewek 20234 (Kernewek Kemmyn)

⁷ Lemmyn ytho, daskorr y wreg dhe'n gour, rag profoes yw ev, hag ev a bys ragos, ha ty a vew. Mes mar ny wredh hy daskorr, gwra godhvos ty dhe verwel yn sur, ty ha myns eus dhis.’

Jenesis 20:7 Iomraidhean Croise

Jenesis 12:15

Pennsevigyon Faro a's gwelas ynwedh ha'y gormel a-dherag Faro; ha'n venyn a veu kemmerys a-berth yn chi Faro.

Jenesis 12:17

Mes an Arloedh a blagyas Faro ha'y ji gans plagys bras drefenn Saray, gwreg Abram.

Jenesis 2:17

Mes a wydhenn an godhvos a dha hag a dhrog ny wre'ta dybri, rag y'n jydh may tybrydh anedhi ty a wra merwel yn surredi.’

Jenesis 20:18

Rag an Arloedh re wrussa degea oll an torrow yn chi Abimelek drefenn Sara, gwreg Abraham.

Jenesis 20:3

Mes Duw a dheuth dhe Abimelek yn hunros yn nos ha leverel dhodho, ‘Awotta, den marow osta, drefenn an venyn re wruss'ta kemmeres; rag demmedhys yw hi dhe wour.’

Jenesis 20:8

Ytho Abimelek a sevis myttin a-varr ha gelwel oll y wesyon ha derivas dhedha oll an taklow ma yn aga skovornow, ha'n wer a borthas own bras.

Jenesis 23:6

‘Goslow orthyn, ow arloedh; pryns Duw osta yn agan mysk. Ynkleudh an korf y'th tewis a'gan ynkleudhvaow. Denvyth ahanan ny vynn nagha dhis y ynkleudhva dhe ynkleudhyas an korf.’

2 Samuel 24:17

Ha pan welas Davydh an el esa ow kweskel an bobel, ev a leveris dhe'n Arloedh, ‘Otta, my ow honan re beghas, ha my re wrug drog; mes an deves ma, pyth a wrussons? Hedh dha dhorn, my a'th pys, bydh er ow fynn, hag erbynn chi ow thas.’

1 Myghternedh 13:6

An myghtern a leveris dhe wour Duw, ‘Pys lemmyn favour an Arloedh dha Dhuw, ha pys ragov, may fydh daskorrys ow leuv dhymm.’ Ytho gour Duw a bysis war an Arloedh; ha leuv an myghtern a veu daskorrys dhodho hag a dheuth ha bos par dell o kyns.

2 Myghternedh 5:11

Mes Naaman o serrys hag eth dhe-ves ha leverel, ‘My a grysi y teffa ev dhymm yn sur, ha sevel, ha gelwel war anow an ARLOEDH, ha gweskel y dhorn a-ugh an tyller ha yaghhe an lovryjyon.

1 Kroniklys 16:22

ow leverel, ‘Na dochyewgh an re untys genev, ha na bystigewgh ow frofoesi.’

2 Kroniklys 30:18

Ny omlanhasa aga honan brassa rann an bobel, lies anedha dhiworth Efraym, Manasse, Yssakar, ha Zebulun, saw i a dhybris an pask yn fordh na veu herwydh rewlys an skrif. Mes Hezekia a bysis ragdha, ow leverel. ‘Gaves an Arloedh mas pubonan

Job 34:19

neb na dhiskwa faverans dhe bennsevigyon, ha na faver an wolusogyon moy es an voghosogyon, drefenn i oll dhe vos ober y leuv?

Job 42:8

Rakhenna kemmerewgh lemmyn dhywgh seyth tarow ha seyth hordh ha mos dhe'm gwas Job hag offrynna ragowgh offrynn leskys, ha'm gwas Job a bys ragowgh ha my a dhegemmer y bysadow, ha ny'gas dyghtyav herwydh agas follenep; rag ny gewssowgh ahanav an pyth yw ewn, kepar dell wrug ow gwas Job.’

Salmow 25:14

Yma kevrin an Arloedh gans an re a berth own anodho, hag ev a dhiskwa dhedha y gevambos.

Eksodus 18:17

Hwegron Moyses a leveris dhodho, ‘Nyns yw 'vas an pyth a wredh.

Eksodus 4:16

Hag ev a gews ragos orth an bobel; ev a vydh ganow ragos, ha ty a vydh avel Duw ragdho.

Eksodus 7:1

Ha'n Arloedh a leveris dhe Moyses, ‘Mir, my a'th wrug avel Duw dhe Faro, hag Aron dha vroder a vydh dha brofoes.

Yeremia 14:11

Ena an Arloedh a leveris dhymm: Na wra pysi rag dader an bobel ma.

Yeremia 15:1

Ena an Arloedh a leveris dhymm: Mar saffa Moyses ha Samuel a-ragov, hwath ny allsa ow holonn treylya war-tu an bobel ma; gwra aga dannvon mes a'm golok, ha'ga gasa dhe vones.

Yeremia 27:18

Mes mars yns profoesi, ha mars yw ger an Arloedh gansa, pysens war Arloedh an luyow, ma nag ello dhe Babylon an lestri gesys yn chi an Arloedh, hag yn chi myghtern Yuda, hag yn Yerusalem.

Ezekiel 3:18

Pan lavarav dhe'n tebelwas, ‘Ty a verow yn tevri’, ha ny redh dhodho gwarnyans, na kewsel dhe warnya tebelwas dhe dreylya dhiworth y fordh dhrog may sawyo y vewnans, an tebelwas na a verow yn y anewnder, mes y woes y hwilav a'th leuv.

Ezekiel 33:8

Pan lavarav dhe debelwas, ‘Tebelwas, ty a verow surredi’, ha ny gewsydh dhe warnya an tebelwas dhe dreylya dhiworth y fordh, an tebelwas a verow yn y gammhynseth, mes y woes a wovynnav orth dha leuv.

Levitikus 6:4

ena, drefenn ev dhe begha ha bos kablus, res vydh dhodho restorya an pyth a ladras dre nerth po an pyth a gavas der arwask po an pyth a veu res dhodho dhe witha po an pyth kellys a gavas,

Levitikus 6:7

Ha'n oferyas a wra dehwelyans ragdho dherag an Arloedh hag y fydh gevys dhodho pypynag a wrug ow kammwul.

Oberow 8:24

Ha Simon a worthybis, ‘Pysewgh ragov war an Arloedh, ma na dheffo warnav nagonan a'n taklow re leversys.’

1 Korinthianys 14:4

Neb usi ow kewsel yn taves a dhrehav y honan; mes neb usi ow profoesa a dhrehav an eglos.

Ebrowyon 1:1

Yn lies fordh hag yn lies gis, Duw a gewsis y'n kothenep dh'agan tasow der an brofoesi;

Ebrowyon 13:4

Bedhes priosoleth synsys yn enor gans peub, ha bedhes andhefolys gweli an demmedhyans; rag Duw a vreus an re dhijast ha'n avoutroryon.

1 Yowann 5:16

Den mar kwel y vroder ow pegha peghes nag eus bys yn mernans, ev a wra pysi, ha Duw a re dhodho bewnans rag an re na beghons bys yn mernans. Yma peghes yw peghes bys yn mernans; ny lavarav y tylir pysi rakhenna.

1 Samuel 12:19

Oll an bobel a leveris dhe Samuel, ‘Pys war an Arloedh dha Dhuw rag dha wesyon, rag na verwyn; rag ni re geworras dhe oll agan peghosow an drog ma, dhe wovynn myghtern ragon.’

1 Samuel 12:23

Ynwedh dhe'm parth vy, pell bedhes dhiworthiv my dhe begha erbynn an Arloedh dre hedhi pysi ragowgh; ha my a dhysk dhywgh an da ha'n fordh ewn.

1 Samuel 7:5

Ena Samuel a leveris, ‘Kuntellewgh oll Ysrael yn Mispa, ha my a bys war Dhuw ragowgh.’

1 Samuel 7:8

Mebyon Ysrael a leveris dhe Samuel, ‘Na hedh ow karma dhe'n Arloedh agan Duw ragon, ma'gan sawyo yn-mes a leuv an Filistysi.’