Jenesis 2:5 - An Bibel Kernewek 20234 (Kernewek Kemmyn)

⁵ Pan nag esa hwath prysk an gwel y'n dor, ha pan na devis hwath losow an gwel, rag ny wrussa an Arloedh Duw gasa glaw dhe goedha war an norvys, ha nyns esa den dhe wonedha an dor,

Jenesis 2:5 Iomraidhean Croise

Jenesis 2:6

mes dowr a frosas yn-bann dhiworth an dor ha dowra oll enep an tir,

Jenesis 3:23

ytho an Arloedh Duw a'n dannvonas yn-mes a lowarth Eden dhe wonedha an dor may fia kemmerys anodho.

Jenesis 4:12

Pan wonedhydh an dor, alemma rag ny vynn ev ri dhis y nerth. Ty a vydh gwandryas diannedh war an nor.’

Jenesis 4:2

Hag arta, hi a dhineythis y vroder, Abel, hag Abel o bugel deves mes Kayn o gonisyas dor.

Job 5:10

Ev a re glaw war an norvys ha dannvon dowrow war an gwelyow;

Salmow 104:14

Ev a wra dhe'n gwels tevi rag an gwarthek, ha losow rag gonisogeth den, may tokko boes yn-mes a'n nor,

Salmow 135:7

Ev a wra dhe'n kommol yskynna dhiworth penn an nor; ev a wra lughes rag an glaw, ow tri an gwynsow yn-mes a'y dresorvaow.

Yeremia 10:12

Ev yw neb a wrug an nor der y nerth, ev re fondyas an nor der y furneth hag ystynn an nevow der y dhoethter.

Yeremia 10:13

Orth son y lev, yma tervans dowrow y'n nevow, hag ev a wra niwlow dhe yskynna a bennow an norvys; ev a wra lughes gans glaw, ha dri yn-rag gwynsow a'y dresorvaow.

Yeremia 14:22

Eus yn mysk idolyow an kenedhlow nebonan a yll gwruthyl glaw? Po a yll an nevow aga honan ri kowasow? A nyns yw ty, A Arloedh agan Duw? Ytho yma agan govenek ynnos, rag ty re wrug oll an traow ma.

Matthew 5:45

may hallowgh hwi bos mebyon agas Tas eus y'n nevow, rag ev a wra dh'y howl drehevel keffrys war an re dhrog ha'n re dha, hag a dhannvon an glaw war an re ewnhynsek ha'n re gammhynsek.

Ebrowyon 6:7

Rag tir re evas an glaw a goedh menowgh warnodho, hag a dhre yn-rag losow dhe les dhe'n re ragdha y feu gonedhys, a dhegemmer bennath Duw.