Jenesis 2:16 - An Bibel Kernewek 20234 (Kernewek Kemmyn)

¹⁶ Ha'n Arloedh Duw a erghis dhe'n den, ow leverel, ‘Ty a yll dybri yn surredi a bub gwydhenn y'n lowarth.

Jenesis 2:16 Iomraidhean Croise

Jenesis 1:29

Hag yn-medh Duw, ‘Awotta, my re ros dhywgh pub losow gans has war enep an norvys oll ha pub gwydhenn gans frut may ma ynni has. I a vydh dhywgh rag boes.

Jenesis 2:15

Ha'n Arloedh Duw a gemmeras an den ha'y worra a-berth yn lowarth Eden dh'y wonedha ha dh'y witha.

Jenesis 2:9

Ha'n Arloedh Duw a wrug dhe devi mes a'n dor pub gwydhenn a vo teg dhe weles ha da rag boes, an wydhenn a vewnans ynwedh yn kres an lowarth, ha'n wydhenn a wodhvos da ha drog.

Jenesis 3:3

mes a frut an wydhenn usi yn kres an lowarth, Duw re leveris, “Ny goedh dhywgh naneyl dybri anodho na'y dochya ma na verwowgh.” ’

1 Timothi 4:4

Rag da yw pub kreatur a Dhuw, ha nyns yw res gorra travyth dhe-ves, mars yw degemmerys gans grasyans,

1 Timothi 6:17

Gorhemmynn dhe'n dus yw rych y'n bys ma na vons i goethus na trestya yn rychys nag yw sur, mes yn Duw, a brof dhyn pup-tra yn rych dhe wul devnydh 'vas anodho.

1 Samuel 15:22

Hag yn-medh Samuel, ‘A gyv an Arloedh plesour meurra yn offrynnow leskys ha sakrifisow, ages yn obayans lev an Arloedh? Yn sur, obaya yw gwell ages sakrifia, ha goslowes ages blonek hordhes.