Jenesis 19:9 - An Bibel Kernewek 20234 (Kernewek Kemmyn)

⁹ Hag yn-medhons i, ‘Sav a-denewen!’ Hag yn-medhons i arta, ‘An gwas ma re dheuth omma avel alyon, hag ev a vedh agan breusi. Lemmyn ni a vynn dha dhyghtya gweth es an re na.’ Hag i a waskas yn harow war an gour, war Lot, ha dos nes, rag terri an daras.

Jenesis 19:9 Iomraidhean Croise

Jenesis 11:6

Hag yn-medh an Arloedh, ‘Awotta, unn bobel yns i, hag yma unn taves dhedha i oll; ha hemm yw an dalleth a'ga ober; lemmyn ny vydh travyth na allons i y wul mar mynnons.

Jenesis 13:12

Yth esa Abram trigys yn pow Kanan, hag yth esa Lot trigys yn sitys an plen, ha kavoes gwiryow peuri bys Sodom.

Eksodus 2:14

Hag yn-medh ev, ‘Piw a'th wrug penntern ha breusyas warnan? A wredh ow ladha par dell ledhsys an Ejyptyan?’ Hag own a'n jevo Moyses ow leverel, ‘Yn sur, an dra yw aswonnys.’

Lavarow Koth 14:16

Den fur yw war hag a dreyl dhiworth droktra, mes an den foll a sorr heb fronn hag yth yw dibreder.

Lavarow Koth 17:12

Gwell yw dyerbynna orses ledrys hy orsigow, kyns foll yn y follneth.

Lavarow Koth 27:3

Men yw poes ha tewes a'n jeves poesedh, mes an negh gwrys gans foll yw poessa ages aga dew.

Ekklesiastes 10:13

Dalleth geryow y anow yw follneth, ha diwedh y gows yw muskokter glan.

Ekklesiastes 9:3

Hemm yw drog kevys yn pup-tra gwrys yn-dann an howl – yma an keth tenkys ow kortos pubonan. Dres henna, leun a dhrog yw kolonn mebyon den hag yn aga holonn yma follneth hedre vons bew, hag a-wosa yth ons dhe'n re varow.

Ysay 65:5

Yn-medhons, ‘Avod, na dheus nes dhymm, rag yth ov vy re sans ragos.’ An re ma yw mog y'm dewfrik, tan ow leski oll an jydh.

Yeremia 3:3

Rakhenna an kowasow re beu skonys, ha ny dheuth an glaw diwedhes; ha ty a'th o tal hora, ty a naghas kemmeres meth.

Yeremia 6:15

Esa meth dhedha pan wrussons pyth kasadow? Na, ny's teva meth vytholl, na ny's teva rudha: rakhenna i a wra koedha yn mysk an re a goedh: y'n termyn ma's kessydhyav i a vydh domhwelys, yn-medh an Arloedh.

Yeremia 8:12

Esa meth dhedha pan wrussons pyth kasadow? Na, ny's tevo meth vytholl, na ny's tevo rudha. Ytho i a wra koedha yn mysk an re a goedh: yn termyn aga hessydhyans i a vydh domhwelys, yn-medh an Arloedh.

Ezekiel 16:49

Awotta anewnder Sodom dha hwoer: goeth, gwalgh a vara, hag es hebask o dhedhi hi ha dh'y myrghes; ny nerthas leuv an boghosek na'n edhommek.

Matthew 7:6

Na rewgh dhe'n keun an pyth yw sans, ha na dewlewgh agas perlys a-rag mogh, rag own i dh'aga threttya yn-dann dreys ha treylya dh'agas skwardya hwi.

1 Samuel 17:44

Hag yn-medh an Filistyas dhe Davydh, ‘Deus dhymm, ha my a re dha gig dhe ydhyn an ayr ha dhe vestes an gwel.’

1 Samuel 2:16

Ha mar leveri an gour dhodho, ‘Gas i dhe leski an blonek kynsa, hag ena kemmer kekemmys a vynnydh’, ev a worthybi, ‘Nansi, mes ro e dhymm lemmyn, poken my a'n kemmer gans fors.’

1 Samuel 25:17

Lemmyn rakhenna godhvydh ha preder pandr'a wredh; rag drog re beu ervirys erbynn agan mester hag erbynn oll y ji; rag ev yw mab Belial ha ny yll denvyth kewsel orto.’