Jenesis 19:3 - An Bibel Kernewek 20234 (Kernewek Kemmyn)

³ Mes ev a ynnias warnedha yn fras, hag i a dreylyas dhodho hag entra a-bervedh yn y ji, hag ev a wrug kevewi ragdha ha pobas bara heb goell hag i a dhybris.

Jenesis 19:3 Iomraidhean Croise

Jenesis 19:2

Hag yn-medh ev, ‘Ow arlydhi, treylyewgh, dell y'gas pysav, a-berth yn chi agas gwas; trigewgh dres nos, ha golghi agas treys. Ena hwi a sev a-varr ha mos war agas fordh.’ Yn-medhons i, ‘Na vynnyn, ni a vynn spena an nos y'n plen.’

Jenesis 21:8

Ha'n flogh a devis hag a veu didhenys; hag Abraham a wrug kevewi bras an keth jydh may feu Ysak didhenys.

Jenesis 24:31

Hag yn-medh ev, ‘Deus a-bervedh, ty vennigys gans an Arloedh. Prag yth es'ta ow sevel a-ves? My re bareusis an chi, ha tyller rag an kowrvergh.’

Jenesis 26:30

Hag ev a wrug kevewi ragdha, hag i a dhybris hag eva.

2 Myghternedh 4:8

Unn jydh yth esa Elisha ow tremena dre Shunem hag yth esa benyn wolusek ena a ynnia warnodho dybri bara. Ytho peskweyth may tremena ev dredhi, ev a dreylya di rag dybri bara.

Eksodus 12:15

Seyth dydh hwi a wra dybri bara heb goell; y'n kynsa dydh hwi a wra gorra goell yn-mes a'gas chiow, rag mar teppro nebonan goell, a'n kynsa dydh dhe'n seythves, an den na a vydh treghys dhiworth Ysrael.

Eksodus 12:39

Hag i a bebis torthow heb goell gans an toes re dhrosens a Ejyp, rag y vos heb goell, drefenn aga bos herdhys yn-mes a Ejyp ha ny yllons strechya, na ny bareussens sosten dhedha aga honan.

Luk 11:8

My a lever dhywgh, kyn na vynn sevel ha ri dhodho drefenn y vos y goweth, drefenn y donteth ev a sev ha ri dhodho pup-tra a'n jevydh edhomm anodho.

Luk 14:23

Ena yn-medh an mester dhe'n kethwas, “Ke dhe-ves bys y'n fordhow ha'n keow ha'ga honstryna dhe dhos a-ji, rag may fo ow chi lenwys.

Luk 5:29

Ha Levi a wrug kevewi bras ragdho yn y ji, hag yth esa routh veur a dolloryon hag erell esedhys orth an voes gansa.

Yowann 12:2

Ytho i a wrug kevewi dhodho ena, hag yth esa Maria ow servya, ha Lazarus a veu onan a'n re esedhys orth an voes ganso.

1 Korinthianys 5:8

Na wren ni goelya, ytho, naneyl gans goell koth na gans goell a spit hag a dhrog, mes gans bara heb goell, a lelder hag a wiryonedh.

2 Korinthianys 5:14

Rag kerensa Krist a'gan stroeth, drefenn agan kryjyans dhe vos ha bos fyrv y ferwis onan a-barth oll, rakhenna oll re verwis;

Ebrowyon 13:2

Na ankevewgh wolkomma estrenyon, rag yndellma nebes re wolkommas eledh heb y wodhvos.

Breusysi 6:19

Ytho Gideon a entras yn y ji hag a bareusis gevrik, ha tesennow heb burm a efa a vleus; ev a worras an kig yn kanstell, ha'n kowl a worras yn pott, hag ev a's dros dhodho yn-dann an derebinthenn hag a's ros dhodho.

1 Samuel 28:24

Lemmyn an venyn a's tevo leugh peskys a-ji dhe'n chi. Hi a fistenas ha'y ladha, ha kemmeres bleus, ha'y doesa, ha pobas bara heb goell.