Jenesis 19:29 - An Bibel Kernewek 20234 (Kernewek Kemmyn)

²⁹ Ha pan dhistruis Duw sitys an plen, Duw a borthas kov a Abraham ha dannvon Lot yn-mes a gres an domhwelyans pan dhomhwelas an sitys mayth esa Lot trigys a-bervedh ynna.

Jenesis 19:29 Iomraidhean Croise

Jenesis 11:27

An re ma yw henedhow Teragh. Teragh a dhineythis Abram, Nahor ha Haran, ha Haran a dhineythis Lot.

Jenesis 12:2

Ha my a vynn dha wul kenedhel vras, ha my a'th vennik ha gul dha hanow meur y vri, ha ty a vydh bennath:

Jenesis 30:22

Ena Duw a borthas kov a Raghel ha goslowes orti hi hag igeri hy thorr.

Jenesis 8:1

Mes Duw a borthas kov a Noy hag oll an bestes, hag oll an chatel esa ganso y'n gorhel ha Duw a wrug dhe wyns tremena war an nor ha bashes veu an dowrow.

Nehemia 13:14

Porth kov ahanav, ow Duw, rag oll hemma, ha na dhefend ow oberow da a wrug vy rag chi ow Duw, hag yn y servis.

Nehemia 13:22

Ena my a erghis dhe'n Levysi may omlanhahens ha mos ha gwitha an yetow rag sanshe dydh an sabot. Porth kov a hemma ynwedh y'm favour, ow Duw, ha kemmer truedh ahanav herwydh braster dha dregeredh.

Job 35:8

Ny wra dha sherewynsi tochya marnas gour kepar ha ty, ha ny doch dha ewnder marnas mebyon tus.

Salmow 105:42

Rag ev a borthas kov a'y ambos sans, hag a Abraham y was.

Salmow 105:8

Ev a borthas kov a'y gevambos bynitha, an ger a worhemmynnis dhe vil henedh;

Salmow 106:4

Porth kov ahanav, A Arloedh, herwydh dha ras orth dha bobel; deus dhymm gans dha selwyans;

Salmow 136:23

neb a borthas kov ahanan yn agan iselder, rag y dregeredh a dhur bys vykken;

Salmow 145:20

An Arloedh a with pubonan a'n kar; mes oll an debeles a wra ev dhe dhistrui.

Salmow 25:7

Na borth kov a beghosow ow yowynkneth, na'm kammweyth; herwydh dha dregeredh porth kov ahanav, A Arloedh, a-barth dha dhader.

Ezekiel 14:16

hwath kyn fe an tri gour ynno, dell vewav, yn-medh an Arloedh Duw, ny allsens delivra naneyl mebyon na myrghes. I aga honan a via delivrys, mes an tiredh a via ynyal.

Hosea 11:8

Fatell y'th hepkorrav, Efraym? Fatell y'th taskorrav, Ysrael? Fatell y'th wrav avel Adma? Fatell y'th hworrav avel Seboim? Ow holonn re dreylyas a-ji dhymm, oll ow thruedh re dhewis.

Dewteronomi 7:8

mes drefenn kerensa an Arloedh ragowgh hwi ha drefenn ev dhe witha an ti a dos dh'agas tasow, an Arloedh a'gas dros dhe-ves dre leuv grev hag y'th tasprenas dhiworth an chi a gethneth dhiworth leuv Faro myghtern Ejyp.

Dewteronomi 9:27

Porth kov a'th servysi Abraham, Ysak, ha Yakob; na vir orth gorthter an bobel ma, nag orth hy hammweyth, nag orth hy fegh,

Dewteronomi 9:5

Nyns yw drefenn dha ewnder, na drefenn ewnhynseth dha golonn, yth esos ow tos dhe erita aga thir; mes yth yw drefenn sherewynsi an kenedhlow ma y hwra an Arloedh dha Dhuw aga fesya a-ragos, rag may fastyo an ger a dos an Arloedh dhe'th tasow, dhe Abraham, dhe Ysak, ha dhe Yakob.

2 Peder 2:7

ha mar sawyas Lot gwiryon, grevys gans an bewedh plos a'n re dhrog,