Jenesis 19:25 - An Bibel Kernewek 20234 (Kernewek Kemmyn)

²⁵ Hag ev a dhomhwelas an sitys na hag oll an plen a-dro ha trigoryon oll an sitys ha'n pyth esa ow tevi war an dor.

Jenesis 19:25 Iomraidhean Croise

Jenesis 13:10

Ha Lot a dhrehevis y dhewlagas ha gweles oll an plen a-dro dhe'n Yordan, oll anodho dhe vos dowrhes – kyns an Arloedh dhe dhiswul Sodom ha Gomorra – kepar ha lowarth an Arloedh, kepar ha pow Ejyp ha ty ow tos bys yn Soar.

Jenesis 13:12

Yth esa Abram trigys yn pow Kanan, hag yth esa Lot trigys yn sitys an plen, ha kavoes gwiryow peuri bys Sodom.

Jenesis 14:3

Oll an re ma a veu kuntellys war-barth yn nans Siddim (henn yw Mor an Hoelan).

Salmow 107:34

Ev a wra dhe dir leun a frut bos difeythtir, drefenn sherewneth an re usi trigys ynno.

Ysay 13:19

Babylon, splannder gwlaskordhow, glori a woeth an Kaldeanys, a vydh avel Sodom ha Gomorra pan wrug Duw aga domhwel.

Yeremia 20:16

Gas an gour na dhe vos avel an sitys a dhomhwelas an Arloedh, yn tibita; gas ev dhe glewes kri myttinweyth, ha garm yn hanter-dydh,

Yeremia 23:14

Hag yn profoesi Yerusalem: my re welas tra skruthus: avoutri a wrons, ha kerdhes yn gowyow; i a grevha diwla an dhrogoberoryon, ma na dreyl nagonan a-dhiworth y dhrogedh; yth yns i oll avel Sodom dhymm, ha'y annedhysi avel Gomorra.

Yeremia 49:18

Par dell veu Sodom ha Gomorra ha'ga hentrevogyon domhwelys, yn-medh an Arloedh, ny vydh denvyth trigys ena, na ny vydh nagonan ynni avel alyon.

Yeremia 50:40

Par dell dhomhwelas Duw Sodom ha Gomorra ha'ga hentrevogyon, yn-medh an Arloedh, yndellma ny vydh denvyth trigys ena, na ny vydh denvyth ena avel alyon.

Kynvannow 4:6

Brassa yw kessydhyans myrgh ow fobel ages an kessydhyans rag pegh Sodom, a veu domhwelys yn unn lamm, kyn na veu leuv vyth gorrys warnedhi.

Ezekiel 16:50

Goethus ens, hag y hwrussons taklow kasadow a-ragov; ytho my a's removas, dell welsys.

Amos 4:11

My a dhomhwelis rann ahanowgh, dell wrug Duw domhwel Sodom ha Gomorra. Kepar hag yttew y fewgh, tennys mes a'n tan, byttegyns ny dhehwelsowgh dhymm, yn-medh an Arloedh.

Sefania 2:9

Rakhenna ren ow bewnans, yn-medh Arloedh an luyow, Duw Ysrael, y fydh Moab kepar ha Sodom yn surredi, ha an Ammonysi kepar ha Gomorra, hwennek ha poll hoelan ha difeyth a bes vynitha: remenant ow fobel a's pyll, ha'n re gesys a'm kenedhel a erit aga thir.

Dewteronomi 29:23

Oll hy thir a vydh loskven ha hoelan, ynyal leskys; ny vydh has hesys, ha ny skyll travyth, ha ny dyv gwels vytholl ynno. Y fydh avel domhwelyans Sodom ha Gomorra, Adma ha Seboyim, a wrug an Arloedh aga domhwel yn y sorr hag yn y gonnar.

2 Peder 2:6

ha mar tampnyas sitys Sodom ha Gomorra dhe dhiswrians, orth aga leski dhe lusu yn ensampel dhe dus a vynno bewa ongrassyes;