Jenesis 19:24 - An Bibel Kernewek 20234 (Kernewek Kemmyn)

²⁴ Ena an Arloedh a asas glaw loskven dhe goedha war Sodom ha Gomorra ha tan dhiworth an Arloedh yn-mes a nev.

Jenesis 19:24 Iomraidhean Croise

Jenesis 13:10

Ha Lot a dhrehevis y dhewlagas ha gweles oll an plen a-dro dhe'n Yordan, oll anodho dhe vos dowrhes – kyns an Arloedh dhe dhiswul Sodom ha Gomorra – kepar ha lowarth an Arloedh, kepar ha pow Ejyp ha ty ow tos bys yn Soar.

Jenesis 13:12

Yth esa Abram trigys yn pow Kanan, hag yth esa Lot trigys yn sitys an plen, ha kavoes gwiryow peuri bys Sodom.

Jenesis 18:17

Hag yn-medh an Arloedh, ‘A wrav vy keles dhiworth Abraham an pyth a wrav,

Jenesis 19:23

Drehevys veu an howl war an dor pan entras Lot yn Soar.

Job 1:16

Pan esa ev hwath ow kewsel, y teuth onan moy ha leverel, ‘Tan Duw a goedhas dhiworth an nev hag a loskas an deves ha'n servysi, ha'ga howlleski, ha my ow honan re dhienkas rag leverel dhis.’

Job 18:15

Yma tan trigys yn y dylda; loskven yw skattrys war y annedh.

Salmow 11:6

Ev a wra dhe golennow tan ha loskven koedha war an debeles avel glaw; gwyns gwyls a vydh kevrenn aga hanaf.

Eksodus 9:23

Ena Moyses a ystynnas y welenn war-tu ha nev; ha'n Arloedh a dhannvonas taran ha keser, ha tan a resas dhe'n nor. Ha'n Arloedh a lesas keser war bow Ejyp;

Ysay 1:9

Mar ny assa dhyn Arloedh an luyow remenant byghan, y tothyen ni ha bos avel Sodom, y fien haval dhe Gomorra.

Ysay 13:19

Babylon, splannder gwlaskordhow, glori a woeth an Kaldeanys, a vydh avel Sodom ha Gomorra pan wrug Duw aga domhwel.

Ysay 30:33

Rag Tofeth re beu ordenys a hirneth, ynwedh parys yw rag an myghtern. Re beu gwrys down ha ledan, gans tan ha palster a brenn. Anall an Arloedh avel gover a loskven a wra y enowi.

Yeremia 20:16

Gas an gour na dhe vos avel an sitys a dhomhwelas an Arloedh, yn tibita; gas ev dhe glewes kri myttinweyth, ha garm yn hanter-dydh,

Yeremia 23:14

Hag yn profoesi Yerusalem: my re welas tra skruthus: avoutri a wrons, ha kerdhes yn gowyow; i a grevha diwla an dhrogoberoryon, ma na dreyl nagonan a-dhiworth y dhrogedh; yth yns i oll avel Sodom dhymm, ha'y annedhysi avel Gomorra.

Yeremia 49:18

Par dell veu Sodom ha Gomorra ha'ga hentrevogyon domhwelys, yn-medh an Arloedh, ny vydh denvyth trigys ena, na ny vydh nagonan ynni avel alyon.

Yeremia 50:40

Par dell dhomhwelas Duw Sodom ha Gomorra ha'ga hentrevogyon, yn-medh an Arloedh, yndellma ny vydh denvyth trigys ena, na ny vydh denvyth ena avel alyon.

Kynvannow 4:6

Brassa yw kessydhyans myrgh ow fobel ages an kessydhyans rag pegh Sodom, a veu domhwelys yn unn lamm, kyn na veu leuv vyth gorrys warnedhi.

Hosea 11:8

Fatell y'th hepkorrav, Efraym? Fatell y'th taskorrav, Ysrael? Fatell y'th wrav avel Adma? Fatell y'th hworrav avel Seboim? Ow holonn re dreylyas a-ji dhymm, oll ow thruedh re dhewis.

Amos 4:11

My a dhomhwelis rann ahanowgh, dell wrug Duw domhwel Sodom ha Gomorra. Kepar hag yttew y fewgh, tennys mes a'n tan, byttegyns ny dhehwelsowgh dhymm, yn-medh an Arloedh.

Sefania 2:9

Rakhenna ren ow bewnans, yn-medh Arloedh an luyow, Duw Ysrael, y fydh Moab kepar ha Sodom yn surredi, ha an Ammonysi kepar ha Gomorra, hwennek ha poll hoelan ha difeyth a bes vynitha: remenant ow fobel a's pyll, ha'n re gesys a'm kenedhel a erit aga thir.

Luk 10:12

My a lever dhywgh, perthi a vydh esya rag Sodom y'n jydh na es dell vydh rag an sita na.

Dewteronomi 28:24

An Arloedh a dreyl glaw dha dir dhe bolter ha doust; dhiworth an ebron y tiyskynn warnas bys pan vydhydh distruys.

Dewteronomi 29:22

Ena an diwettha henedh a'gas mebyon neb a sev war agas lergh, ha'n estren a dheu dhiworth pow pell, a wel plagys an tir na ha'n disesys a wrug an Arloedh aga dri warnodho.

Dewteronomi 29:23

Oll hy thir a vydh loskven ha hoelan, ynyal leskys; ny vydh has hesys, ha ny skyll travyth, ha ny dyv gwels vytholl ynno. Y fydh avel domhwelyans Sodom ha Gomorra, Adma ha Seboyim, a wrug an Arloedh aga domhwel yn y sorr hag yn y gonnar.

2 Peder 2:6

ha mar tampnyas sitys Sodom ha Gomorra dhe dhiswrians, orth aga leski dhe lusu yn ensampel dhe dus a vynno bewa ongrassyes;

Lyther Yud 1:7

kepar ha Sodom ha Gomorra ha'n sitys yn aga hyrghynn, a veu omres dhe'n keth dijastita hag ow mos war-lergh kig astranj, settys rag bysna yn aga hessydhyans gans tan heb diwedh.

Diskwedhyans 14:10

ev ynwedh a wra eva a'n gwin a'n sorr a Dhuw, dinewys heb gwannhe y'n hanaf a'y sorr, hag ev a vydh tormentys gans tan ha loskven a-dherag an eledh sans hag a-dherag an Oen.