Jenesis 19:2 - An Bibel Kernewek 20234 (Kernewek Kemmyn)

² Hag yn-medh ev, ‘Ow arlydhi, treylyewgh, dell y'gas pysav, a-berth yn chi agas gwas; trigewgh dres nos, ha golghi agas treys. Ena hwi a sev a-varr ha mos war agas fordh.’ Yn-medhons i, ‘Na vynnyn, ni a vynn spena an nos y'n plen.’

Jenesis 19:2 Iomraidhean Croise

Jenesis 18:4

Bedhes kyrghys neppyth a dhowr, ha golghewgh agas treys ha powes yn-dann an wydhenn,

Jenesis 19:1

An dhew el a dheuth dhe Sodom gorthugherweyth, ha Lot esa owth esedha orth yet Sodom. Ha pan y's gwelas, Lot a sevis dh'aga metya hag omblegya, ha'y fas war-tu ha'n leur.

Jenesis 19:3

Mes ev a ynnias warnedha yn fras, hag i a dreylyas dhodho hag entra a-bervedh yn y ji, hag ev a wrug kevewi ragdha ha pobas bara heb goell hag i a dhybris.

Jenesis 24:31

Hag yn-medh ev, ‘Deus a-bervedh, ty vennigys gans an Arloedh. Prag yth es'ta ow sevel a-ves? My re bareusis an chi, ha tyller rag an kowrvergh.’

Jenesis 43:24

Ha'n gour a dhros an wer a-bervedh yn chi Yosep ha ri dowr dhedha, hag i a wolghas aga threys; hag ev a ros boes dh'aga asenes.

2 Samuel 11:8

Ena Davydh a leveris dhe Uria, ‘Ke yn-nans dhe'th chi, ha golgh dha dhewdroes.’ Hag Uria eth yn-mes a ji an myghtern, ha ro dhiworth an myghtern a holyas war y lergh.

Job 31:32

(ny ostyas estren y'n stret, mes my re igoras ow daras dhe'n tremenyas);

Lavarow Koth 25:17

Gwayt may fo dha droes boghes venowgh yn chi dha gentrevek, poken gyllys skwith genes ev a vydh, hag ev a'th kas.

An Gan a Ganow 5:3

My re dhiwiskas ow fows, yw res dhymm gwiska arta? My re wolghas ow threys, yw res dhymm aga mostya?

Luk 7:44

Ena ev a dreylyas dhe'n venyn ha leverel dhe Simon, ‘A welydh an venyn ma? My a dheuth y'th chi; ny resys dhymm dowr dhe'm treys, mes hi re beu ow klybya ow threys gans hy dagrow ha'ga sygha gans hy gols.

Yowann 13:5

Ena ev a dhiveris dowr yn bason, ha dalleth golghi treys an dhyskyblon, ha'ga sygha gans an towell ganso mayth o grogysys.

Oberow 16:15

Ha pan veu besydhys ha gensi hy mayni, hi a'gan pysis, ow leverel, ‘Mar synsowgh hwi ow bos lel dhe'n Arloedh, dewgh dhe ostya y'm chi’; ha hi a ynnias warnan.

Ebrowyon 13:2

Na ankevewgh wolkomma estrenyon, rag yndellma nebes re wolkommas eledh heb y wodhvos.