Jenesis 19:14 - An Bibel Kernewek 20234 (Kernewek Kemmyn)

¹⁴ Ha Lot eth yn-mes ha kewsel gans y dheuvyon a dhemmedhis y vyrghes ha leverel, ‘Sevewgh yn-bann, kewgh yn-kerdh yn-mes a'n tyller ma, rag an Arloedh a vynn distrui an sita ma.’ Mes dh'y dheuvyon yth heveli ev dhe vos den ow kul ges.

Jenesis 19:14 Iomraidhean Croise

Jenesis 19:15

Ha pan dheuth golow dydh, an eledh a ynnias war Lot, ow leverel, ‘Sav yn-bann, kemmer dha wreg ha'th tiw vyrgh usi omma ma na vi diswrys yn kessydhyans an sita.’

Jenesis 19:17

Ha pan wrussens aga dri yn-mes, yn-medhons, ‘Fi rag dha vewnans. Na wra mires a-dryv dhis, na gortos le vyth y'n plen a-dro; fi dhe'n menydh ma na vi diswrys.’

Jenesis 19:22

Gwra fistena, fi ena, rag ny allav gul travyth erna dhyffi ena.’ Rag henna an sita a veu gelwys Soar.

2 Kroniklys 30:10

Yndella an boenyoryon e a sita dhe sita yn pow Efraym ha Manasse, ha maga pell avel Zebulun; mes i a's skornyas yn unn hwerthin orta, hag a wrug ges anedha.

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Eksodus 12:31

Hag ev a elwis Moyses hag Aron y'n nos, ha leverel, ‘Sevewgh, kewgh yn-rag a-dhiworth ow fobel, ha hwi ha mebyon Ysrael; ha kewgh dhe servya an Arloedh par dell leversowgh.

Eksodus 9:21

mes ev neb na wrug vri a er an Arloedh a asas y gethyon ha'y warthek y'n pras.

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Ysay 28:22

Lemmyn ytho na wrewgh ges, ma na vo agas kadonyow krevhes; rag my a glewas kollva dhe vos ervirys dhiworth an Arloedh, Duw an luyow, war oll an tir.

Yeremia 20:7

A Arloedh, ty re'm dynyas, ha my a veu dynys: ty a'm gwaskas yn krev, ha ty re fethas: skornys ov pub dydh, pubonan a wra ges ahanav.

Yeremia 43:1

Pan worfennas Yeremia kewsel dhe oll an bobel oll geryow an Arloedh aga Duw, ha gansa may hwrug an Arloedh aga Duw y dhannvon dhedha,

Yeremia 43:2

Azaria mab Hoshaia ha Yohanan mab Kareagh hag oll an wer valgh a leveris dhe Yeremia, ‘Ty a wowlever. Ny'th tannvonas an Arloedh agan Duw dhe leverel, “Nag ewgh dhe Ejyp dhe driga ena”;

Yeremia 51:6

Fiewgh yn-mes a Babylon, re sawyo peub y vewnans! Na ewgh dhe goll drefenn hy anewnder, rag hemm yw termyn dial an Arloedh; ev a attal dhedhi hy gober.

Ezekiel 20:49

Ena yn-medhav, ‘Ogh, Arloedh Duw, ymons ow leverel dhymm, “A nyns usi ow leverel parabolennow?” ’

Niverow 16:21

Diberthewgh dhiworth an kuntelles ma, ma'n kowlloskav yn unn lamm.

Niverow 16:26

Hag ev a leveris dhe'n kuntelles, ‘Diberthewgh, my a'gas pys, a dyldow an debel wer ma, ha na dochyewgh travyth yw dhedha ma na vowgh diswrys gans aga feghosow oll.’

Niverow 16:45

‘Kewgh dhe-ves a-dhiworth an kuntelles ma, may hylliv aga howlleski yn unn lamm.’ Hag i a goedhas war aga fas.

Matthew 1:18

Dineythyans Yesu Krist o yndellma. Pan via y vamm Maria ambosys dhe Yosep, kyns i dhe dhos war-barth, yth omgavas owth omdhoen der an Spyrys Sans.

Matthew 9:24

ev a leveris, ‘Omdennewgh; rag nyns yw an vowes marow mes ow koska yma hi.’ Hag i a wrug ges anodho.

Luk 24:11

ha'ga geryow a heveli dhedha bos flows, ha ny gryssons dhedha.

Luk 9:42

Hag ev hwath ow tos, an jowl a'n torras ha'y dewlel dhe'n dor yn shora; ha Yesu a goskas an spyrys avlan ha yaghhe an maw ha'y dhaskorr dh'y das.

Oberow 17:32

Pan glewsons a dhasserghyans an re varow, re a skornyas, mes re erell a leveris, ‘Ni a vynn goslowes orthis arta a-dro dhe hemma.’

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.