Jenesis 18:8 - An Bibel Kernewek 20234 (Kernewek Kemmyn)

⁸ Hag ev a gemmeras kowles ha leth ha'n leugh re wrussa y bareusi, ha'y worra a-dheragdha, ha sevel rybdha yn-dann an wydhenn, hag i a dhybris.

Jenesis 18:8 Iomraidhean Croise

Jenesis 18:7

Hag Abraham a boenyas dhe'n chatel ha kyrghes leugh, medhel ha da, ha'y ri dhe dhen yowynk neb a fistenas dh'y bareusi.

Jenesis 18:9

I a leveris dhodho, ‘Ple'ma Sara dha wreg?’ Hag yn-medh ev, ‘Ottahi, a-berth y'n tylda.’

Jenesis 19:3

Mes ev a ynnias warnedha yn fras, hag i a dreylyas dhodho hag entra a-bervedh yn y ji, hag ev a wrug kevewi ragdha ha pobas bara heb goell hag i a dhybris.

Nehemia 12:44

Y'n jydh na, gwer a veu apoyntys dhe gavoes charj a'n roumys rag an proviansow, an offrynnow, an kynsa frut ha'n degedhow, dhe guntell ynna dhiworth an gwelyow a-dro dhe'n trevow an rannow erghys der an lagha rag an oferysi ha'n Levysi; rag Yuda a lowenhas drefenn an oferysi ha'n Levysi esa ow menystra.

Ysay 7:15

Kowles ha mel y teber bys pan woer denagha an drog ha dewis an da.

Ysay 7:22

Drefenn an lanwes a leth a rons, ev a dheber kowles. Rag pubonan yw gesys y'n tir a dheber kowles ha mel.

Luk 12:37

Gwynn aga bys an gethwesyon na, neb a wra an mester aga havoes difun pan dheu; yn hwir y lavarav dhywgh, ev a gelm y wrogys, ha'ga desedha orth an voes, ha mos yn-rag dh'aga servya.

Luk 17:8

A ny lever dhodho, “Pareus neppyth dhymm rag kinyow, omwisk, ha'm serv erna worfenniv dybri hag eva; ha wosa henna gwra ty dybri hag eva”?

Luk 24:30

Hag y hwarva, pan o ev esedhys gansa orth an voes, y kemmeras bara, ha benniga, ha terri, ha ri dhedha.

Luk 24:43

hag orth y gemmeres ev a'n dybris a-ragdha.

Yowann 12:2

Ytho i a wrug kevewi dhodho ena, hag yth esa Maria ow servya, ha Lazarus a veu onan a'n re esedhys orth an voes ganso.

Oberow 10:41

a-der dhe'n bobel oll, mes dhyn ni, dewisys kyns gans Duw dhe vos dustunioryon, neb a dhybris ganso hag a evas ganso wosa ev dhe dhasserghi dhiworth an re varow;

Galatianys 5:13

Rag hwi a veu gelwys dhe rydhses, a vreder, saw na wrewgh dhe'n rydhses ri spas dhe'n kig, mes dre gerensa bedhewgh servysi an eyl dh'y gila.

Dewteronomi 32:14

leth kowlys a vughes ha leth a dheves, gans blonek eyn, ha hordhes megys yn Bashan, ha gever, gans an gwella gwaneth, hag a woes grappys ty a evas gwin ewynek.

Diskwedhyans 3:20

Otta, yth esov ow sevel orth an daras ha knoukya: den mar klew ow lev hag igeri an daras, my a dheu a-ji ganso, ha sopya ganso, hag ev genev vy.

Breusysi 13:15

Manoagh a leveris dhe el an Arloedh, ‘Gas ni dhe'th witha genen ha dhe bareusi gevrik ragos.’

Breusysi 5:25

Ev a bysis dhiworti dowr ha hi a ros dhodho leth, hi a dhug dhodho kowles yn bolla gwiw dhe arloedh.