Jenesis 18:5 - An Bibel Kernewek 20234 (Kernewek Kemmyn)

⁵ Ha my a wra kyrghes tamm bara, may konfortyowgh hwi agas kolonn. Wosa henna hwi a yll tremena yn-rag, a-ban re dheuthewgh dh'agas gwas.’ Hag yn-medhons i, ‘Gwra yndella, kepar dell leversys.’

Jenesis 18:5 Iomraidhean Croise

Jenesis 18:6

Hag Abraham a fistenas a-berth y'n tylda dhe Sara ha leverel, ‘Fisten, gwra pareusi tri sea a vleus fin. Toes e, ha gul torthow.’

Jenesis 19:8

Awotta lemmyn, yma dhymm diw vyrgh na aswonnsons gour. Gesewgh vy dh'aga dri yn-mes dhywgh, ha gwrewgh hwi dhedha dell vo plegadow dhywgh, saw na wrewgh travyth dhe'n wer ma. Rag henna y teuthons i yn-dann woskes ow tho vy.’

Jenesis 33:10

Hag yn-medh Yakob, ‘Nansi, my a'th pys, mar kwrug vy kavoes gras y'th wolok, kemmer ow ro dhiworth ow leuv; rag my re welas dha fas, kepar ha pan ve gweles fas Duw, ha plesys osta genev vy.

1 Myghternedh 17:11

Dell esa hi ow mos dh'y gyrghes, ev a elwis dhedhi ha leverel, ‘Doro dhymm temmik bara y'th leuv.’

Salmow 104:15

ha gwin a heudhha kolonn den, hag olew dhe wul dh'y fas dewynnya, ha bara a grevha kolonn den.

Ysay 3:1

Rag otta, an Arloedh, Arloedh an luyow, a gemmer yn-mes dhiworth Yerusalem ha Yuda skoedhyans ha lorgh, oll skoedhyans a vara, hag oll skoedhyans a dhowr,

Matthew 6:11

Ro dhyn ni hedhyw agan bara pub-dydhyek;

Breusysi 13:15

Manoagh a leveris dhe el an Arloedh, ‘Gas ni dhe'th witha genen ha dhe bareusi gevrik ragos.’

Breusysi 13:16

El an Arloedh a leveris dhe Manoagh, ‘Mara'm gwithydh genowgh, ny dhebrav dha voes; mes mar mynnydh pareusi offrynn leskys, ena gwra y offrynna dhe'n Arloedh.’ Rag ny wodhya Manoagh y vos el an Arloedh.

Breusysi 19:5

Y'n peswora dydh i a sevis myttin a-varr, hag ev a ombareusis rag mos; mes tas an vowes a leveris dh'y dheuv, ‘Omgrevha gans temmik a voes, ha wosa henna hwi a yll mos.’

Breusysi 6:18

Na ge alemma kyns av dhiso jy, hag y trov yn-mes ow ro ha'y gorra a-ragos.’ Hag y leveris, ‘My a worta bys pan dhehwelli.’

Breusysi 6:19

Ytho Gideon a entras yn y ji hag a bareusis gevrik, ha tesennow heb burm a efa a vleus; ev a worras an kig yn kanstell, ha'n kowl a worras yn pott, hag ev a's dros dhodho yn-dann an derebinthenn hag a's ros dhodho.