Jenesis 18:25 - An Bibel Kernewek 20234 (Kernewek Kemmyn)

²⁵ Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

Jenesis 18:25 Iomraidhean Croise

Jenesis 18:24

Martesen y fydh hanter-kans den gwiryon a-berth y'n sita. A vynn'ta dhe wir diswul an tyller heb y sparya rag an hanter-kans den gwiryon usi a-berth y'n sita?

1 Kroniklys 16:33

Ena gwydh an koes a gan gans lowena a-rag an Arloedh, rag ev a dheu dhe vreusi an norvys.

2 Kroniklys 19:7

Yndella bedhes own an Arloedh warnowgh; attendyewgh an pyth a wrewgh, rag nyns eus anewnder gans an Arloedh agan Duw, na faverans, na kemmeres falswobrow.’

Nehemia 9:33

Hwath ty re beu gwiryon yn pup-tra re dheuth warnan, rag ty dhe dhyghtya yn lel genen ha ni re beghas.

Job 34:10

‘Rakhenna goslowewgh orthiv, hwi wer a gonvedhes, pell bedhes dhiworth Duw ev dhe wul drog, dhiworth an Ollgalloesek ev dhe wul kamm.

Job 34:12

Yn gwiryonedh ny wra Duw travyth yn trog, ha ny wra an Ollgalloesek kammdreylya gwirvreus.

Job 8:20

‘Otta, ny skon Duw den divlam, na ny dhalghenn leuv drogoberoryon.

Job 8:3

A gammdreyl Duw gwirvreus? Po a gammdreyl an Ollgalloesek an gwir?

Salmow 50:6

Ha'n nevow a dheriv y ewnder, rag Duw y honan yw Breusyas. Sela.

Salmow 58:11

Ha tus a lever, ‘Yn hwir yma pewas dhe'n den gwiryon; yn hwir yma Duw a vreus y'n nor.’

Salmow 7:12

Mar ny goedh den yn edrek, ev a lymm y gledha; ev re blegyas y warak, ha'y darbari;

Salmow 75:3

An nor a deudh ha myns eus trigys ynno; my yw neb a fast y golovenyow.’ Sela.

Salmow 94:2

Sav, ty vreusyas an norvys; attal aga gober dhe'n re woethus.

Salmow 98:9

a-dherag an Arloedh, rag ev a dheu dhe vreusi an norvys. Ev a vreus an norvys gans gwiryonedh, ha'n poblow gans ewnder.

Ekklesiastes 3:17

My a leveris y'm kolonn, ‘Duw a vreus ha'n re wiryon ha'n debeles; rag yma termyn gwiw rag pub ober, ha prys breus rag pub gwrians.’

Ekklesiastes 7:15

My re welas oll hemma y'm dydhyow euver: treweythyow den mas a verow spit dh'y ewnder, ha treweythyow tebelwas a vew pell spit dh'y dhrogoberow.

Yeremia 11:20

Mes, A Arloedh an luyow, neb a vreus yn ewnder, neb a assay an golonn ha'n brys, gas my dhe weles dha dhial warnedha, rag dhiso jy my re dhiskwedhas ow hen.

Yeremia 12:1

Gwiryon osta, A Arloedh, pan bledyav genes: mes gas vy dhe gewsel genes a'th varnow: Prag y hwra fordh an debeles seweni? Prag yth yns attes oll an re yw traytus?

Ezekiel 18:25

Mes hwi a lever, ‘Fordh an Arloedh yw anewn.’ Klewewgh, chi Ysrael: Yw ow fordh anewn, po a nyns yw agas fordhow hwi anewn?

Malaki 3:18

Hag arta hwi a wra dissernya ynter an den gwiryon ha'n tebelwas, ynter an den a serv Duw ha neb na'n serv.

Niverow 16:22

Hag i a goedhas war aga fas, ha leverel, ‘A Dhuw, Duw spyrysyon kig oll, mar pegh unn den, a vydhydh serrys gans an kuntelles oll?’

2 Korinthianys 5:10

Rag y telledh ni oll dhe omdhiskwedhes a-rag barr Krist, may tegemmerro kettep penn an pyth a goedh dhodho herwydh an traow gwrys, hag ev y'n korf, po da po drog.

Dewteronomi 1:16

My a worhemmynnis agas breusysi y'n termyn na, ow leverel, ‘Klewewgh an kenyow ynter agas breder, ha breusewgh yn ewnder yntra gour ha'y vroder ha'n alyon trigys ganso.

Dewteronomi 1:17

Na blegyewgh dhe fas neb den yn breus, mes klewewgh kekeffrys byghan ha bras. Na berthewgh own a vejeth denvyth, drefenn an vreus dhe vos dhe Dhuw. An ken hag yw re gales dhywgh, drewgh e dhymm ha my a'n klew.’

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Ebrowyon 12:23

ha dhe eglos an re gynsa-genys omrolys yn nev, ha dhe Dhuw, an breusydh a bup-tra, ha dhe spyrysyon tus ewnhynsek gwrys perfydh,

Breusysi 11:27

Ny beghsyn er dha bynn, mes ty re wrug drog er ow fynn, ow kwerrya er ow fynn. An Arloedh, neb yw breusyas, a vreus hedhyw yntra mebyon Ysrael ha'n Ammonysi.’