Jenesis 18:23 - An Bibel Kernewek 20234 (Kernewek Kemmyn)

²³ Abraham a dheuth nes ha leverel, ‘A vynn'ta diswul hwath an re wiryon gans an re dhrog?

Jenesis 18:23 Iomraidhean Croise

Jenesis 18:24

Martesen y fydh hanter-kans den gwiryon a-berth y'n sita. A vynn'ta dhe wir diswul an tyller heb y sparya rag an hanter-kans den gwiryon usi a-berth y'n sita?

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

Jenesis 20:4

Mes ny wrussa Abimelek dos nes dhedhi, ytho yn-medh ev, ‘Arloedh, a vynn'ta ladha ynwedh kenedhel wiryon?

2 Samuel 24:17

Ha pan welas Davydh an el esa ow kweskel an bobel, ev a leveris dhe'n Arloedh, ‘Otta, my ow honan re beghas, ha my re wrug drog; mes an deves ma, pyth a wrussons? Hedh dha dhorn, my a'th pys, bydh er ow fynn, hag erbynn chi ow thas.’

Job 34:17

A yll governa neb a gas gwirvreus? A vynnydh y dhampnya neb yw gwiryon ha galloesek,

Job 8:3

A gammdreyl Duw gwirvreus? Po a gammdreyl an Ollgalloesek an gwir?

Salmow 73:28

Mes da yw ragov dos ogas dhe Dhuw; my re wrug an Arloedh Duw ow skovva, rag may teriffiv dha wriansow oll.

Eksodus 23:7

Omwith pell a fals jarj, ha na wra ladha an ewnhynsek na'n gwiryon; rag ny akwityav den kablus.

Yeremia 30:21

Ha'ga fennsevigyon a vydh kemmerys a'ga honan, ha'ga governour a dheu a'ga mysk; my a'n dre yn ogas, hag ev a dheu nes dhymm, poken piw a vedha nesa dhymm? yn-medh an Arloedh.

Niverow 16:22

Hag i a goedhas war aga fas, ha leverel, ‘A Dhuw, Duw spyrysyon kig oll, mar pegh unn den, a vydhydh serrys gans an kuntelles oll?’

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.

Jamys 5:16

Ytho, yesewgh agas peghosow an eyl dh'y gila, ha pysewgh an eyl rag y gila, may fewgh yaghhes. Pur nerthek yw an pysadow effeythus a dhen gwiryon.

Jamys 5:17

Elias o den kehaval y gnas dhyn ni hag ev a bysis yn pysadow na wrella glaw, ha glaw ny wrug war an dor teyr blydhen ha hwegh mis.