Jenesis 18:17 - An Bibel Kernewek 20234 (Kernewek Kemmyn)

¹⁷ Hag yn-medh an Arloedh, ‘A wrav vy keles dhiworth Abraham an pyth a wrav,

Jenesis 18:17 Iomraidhean Croise

Jenesis 18:21

my a dheu yn-nans dhe weles mar kwrussons i yn tien war-lergh an arm re dheuth dhymmo; ha mar ny wrussons, my a'n goer.’

Jenesis 18:22

Ha'n wer a dreylyas alena ha mos troha Sodom; mes Abraham a sevi hwath dherag an Arloedh.

Jenesis 18:26

Hag yn-medh an Arloedh, ‘Mar kavav hanter-kans den gwiryon a-berth y'n sita, sparya a wrav oll an tyller a'ga govis i.’

Jenesis 19:24

Ena an Arloedh a asas glaw loskven dhe goedha war Sodom ha Gomorra ha tan dhiworth an Arloedh yn-mes a nev.

2 Myghternedh 4:27

Pan dheuth hi dhe wour Duw, dhe'n venydh, hi a synsis y dreys. Gehazi a dheuth nes rag hy herdhya dhe-ves. Mes gour Duw a leveris, ‘Gas hi, hwerow yw hy enev; an Arloedh re'n kudhas a-dhiworthiv ha ny'n leveris dhymm.’

2 Kroniklys 20:7

A ny fessys, agan Duw, trigoryon an tir ma a-rag dha bobel Ysrael, ha'y ri bys vykken dhe has Abraham dha goweth?

Salmow 25:14

Yma kevrin an Arloedh gans an re a berth own anodho, hag ev a dhiskwa dhedha y gevambos.

Amos 3:7

Yredi ny wra an Arloedh Duw travyth heb diskudha y dowl kudh dh'y servysi an brofoesi.

Yowann 15:15

Ny wrav agas henwel gwesyon na fella, rag ny woer an gwas pandr'a wra y vester; mes my re'gas henwis kowetha, rag pup-tra a wrug vy klewes a'w Thas my a wrug y dheklarya dhy'hwi.

Jamys 2:23

Ha kollenwys veu an skryptor ow leverel, ‘Abraham a fydhyas yn Duw hag akontys veu hemma dhodho avel ewnder’, hag y'n gelwys, ‘Koweth Duw.’