Jenesis 18:14 - An Bibel Kernewek 20234 (Kernewek Kemmyn)

¹⁴ Eus travyth re gales rag an Arloedh? Y'n termyn apoyntys, my a dhehwel dhis, y'n vlydhen a dheu, hag y fydh dhe Sara mab.’

Jenesis 18:14 Iomraidhean Croise

Jenesis 17:16

Ha my a vynn hy benniga ha ri dhis mab dhiworti hi ynwedh, ha hi a dheu ha bos kenedhlow; myghternedh poblow a dheu dhiworti.’

Jenesis 17:21

Mes my a fast ow hevambos gans Ysak, neb a wra Sara y dhineythi dhis y'n termyn ma a'n vlydhen a dheu.’

Jenesis 18:10

Hag yn-medh ev, ‘Yn sur my a dhehwel dhis y'n vlydhen a dheu, hag otta, Sara dha wreg a's tevydh mab.’ Ha Sara a'n klewas orth daras an tylda esa a-dryv dhodho.

Jenesis 18:13

Hag yn-medh an Arloedh dhe Abraham, ‘Prag y hwrug Sara hwerthin, ow leverel. “Yw gwir y fydhav ow tineythi flogh, gyllys koth dell ov?”

Jenesis 18:15

Ena Sara a naghas, ow leverel, ‘Ny wrug vy hwerthin’, rag own a's teva. Hag ev a leveris, ‘Nansi! mes hwerthin a wruss'ta.’

Jenesis 21:1

Ha'n Arloedh eth dhe weles Sara dell wrussa leverel, ha'n Arloedh a wrug dhe Sara kepar dell lavarsa.

Jenesis 21:2

Rag Sara a gonsevyas ha dineythi mab rag Abraham yn y henys, y'n termyn may hwrussa Duw kewsel anodho.

2 Myghternedh 4:16

Ev a leveris, ‘Y'n seson ma, an termyn ma y'n vlydhen a dheu, ty a wra byrla mab.’ Ha hi a leveris, ‘Na, ow arloedh, ty wour Duw, na wowlever dhe'th vaghteth.’

Job 36:5

‘Galloesek yw Duw ha nyns yw denvyth kasadow dhodho; ha meur yw yn nerth a gonvedhes.

Job 42:2

‘My a woer y hyllydh gul pup-tra, ha ny yll towl ahanas bos lestys.

Salmow 90:13

Dehwel, A Arloedh; pygemmys prys? Bydh truedhek orth dha wesyon.

Salmow 93:1

An Arloedh yw Myghtern, ev re omwiskas yn splannder; an Arloedh re omwiskas hag yma grogys a nerth a-dro dhodho. An norvys devri yw fastys, ma na yllir y dhisevel.

Salmow 95:3

Rag an Arloedh yw Duw meur, ha Myghtern meur dres oll duwow.

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Yeremia 32:17

Ogh Arloedh Duw! Otta, ty re wrug an nevow ha'n nor dre dha alloes meur ha'th vregh ystynnys! Nyns eus travyth re gales ragos.

Yeremia 32:27

Otta, my yw an Arloedh, Duw pub kig; eus neppyth re gales ragov?

Daniel 6:20

Pan dheuth nes dhe'n fow, ev a armas dhe Daniel gans lev troblys, ha leverel dhe Daniel, ‘A Daniel, gwas an Duw bew, a allas dha Dhuw, neb a servydh prest, dha dhelivra a'n lewyon?’

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Zekaria 8:6

Yndellma y lever Arloedh an luyow: Mars yw marthys yn dewlagas remenant an bobel y'n dydhyow ma, a vydh marthys ynwedh y'm dewlagas vy? yn-medh Arloedh an luyow.

Niverow 11:23

Ha'n Arloedh a leveris dhe Moyses, ‘Yw dorn an Arloedh re verr? Lemmyn ty a welvydh mar teu ow ger dhe wiryonedh ragos po na.’

Matthew 14:31

Hag a-dhesempis Yesu a ystynnas y leuv ha'y dhalghenna, ha leverel dhodho, ‘A ty a voghes fydh, prag y hwrussys doutya?’

Matthew 19:26

Yesu a viras orta ha leverel, ‘Hemm yw dres galloes den mes gans Duw pup-tra a yll bos gwrys.’

Matthew 3:9

ha na dybewgh leverel dh'agas honan, “Yma dhyn Abraham yn tas.” Rag my a lever dhywgh y hyll Duw drehevel fleghes dhe Abraham yn-mes a'n veyn ma.

Mark 10:27

Yesu a viras orta ha leverel, ‘Henn yw dres galloes tus, mes gans Duw ken yw; gans Duw pub tra a yll bos gwrys.’

Luk 1:13

An el a leveris dhodho, ‘Na borth own, Zakaria, rag klewys re beu dha bysadow, ha'th wreg Elisabeth a dhineyth mab dhis, ha ty a'n henow Yowann;

Luk 1:18

Ha Zakaria a leveris dhe'n el, ‘Fatell wonn vy hemma? – rag gour koth ov vy, ha'm gwreg gyllys pell yn hy dydhyow.’

Luk 1:37

rag gans Duw ny vydh travyth dres y alloes.’

Luk 8:50

Mes Yesu, pan glewas hemma, a worthybis dhodho, ‘Na borth own, unnweyth krys, ha hi a vydh sawys.’

Romanyon 4:21

hag ow pos sur y hylli Duw gul an pyth re ambossa.

Efesianys 3:20

Lemmyn, dhe neb a yll gul dres pup-tra yn pals dres eghenn moy es dell bysyn na brederyn, war-lergh an galloes a ober ynnon ni,

Dewteronomi 30:3

ena an Arloedh dha Dhuw a wra restorita ragos ha kemmeres truedh ahanas ha'th kuntell arta dhiworth oll an poblow le may hwrug an Arloedh dha Dhuw dha skattra bys di.

Dewteronomi 7:21

Na borth euth anedha, drefenn an Arloedh dha Dhuw yn agas mysk bos Duw bras hag euthyk.

Filippianys 3:21

neb a wra treylya agan korf uvel dhe gorf kehaval dhe'n korf a'y splannder, der oberyans y alloes dhe worra pup-tra yn-danno ev.

Filippianys 4:13

My a yll gul pup-tra dredho ev neb a re dhymm nerth.

Ebrowyon 11:19

Ev a grysi y hylli Duw drehevel tus a'n re varow; ytho, yn figur, ev a wrug y dhaskemmeres.

Breusysi 13:3

Hag el an Arloedh a omdhiskwedhas dhe'n venyn hag a leveris dhedhi, ‘Kynth os gownagh, ha ny dhuges fleghes, ty a wra omdhoen ha dineythi mab.

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’