Jenesis 18:12 - An Bibel Kernewek 20234 (Kernewek Kemmyn)

¹² Ytho Sara a hwarthas ynni hi hy honan, ow leverel, ‘Wosa my dhe vos gwedhrys, a vydh plesour dhymm, ha'm arloedh koth ynwedh?’

Jenesis 18:12 Iomraidhean Croise

Jenesis 17:17

Ena Abraham a goedhas war y fas ha hwerthin ha leverel yn y golonn, ‘A vydh flogh dineythys dhe wour kans bloedh y oes? Hag a wra Sara dineythi, deg bloedh ha peswar-ugens bloedh hy oes?’

Jenesis 18:13

Hag yn-medh an Arloedh dhe Abraham, ‘Prag y hwrug Sara hwerthin, ow leverel. “Yw gwir y fydhav ow tineythi flogh, gyllys koth dell ov?”

2 Myghternedh 4:16

Ev a leveris, ‘Y'n seson ma, an termyn ma y'n vlydhen a dheu, ty a wra byrla mab.’ Ha hi a leveris, ‘Na, ow arloedh, ty wour Duw, na wowlever dhe'th vaghteth.’

Salmow 126:2

Ena lenwys veu agan ganow a hwarth, ha'gan taves a lowena. Ena y lavarsons yn mysk an kenedhlow, ‘An Arloedh re wrug taklow meur rag an re ma.’

Salmow 45:11

ha'n Myghtern a vydh hwansek dhe'th tekter; rag ev yw dha ARLOEDH, ytho gwra y wordhya.

Efesianys 5:33

Byttegyns, hwi ynwedh, pubonan, kares ev y wreg kepar ha'y honan, ha'n wreg, kemmeres hi own a'y gour.

1 Peder 3:6

kepar dell obayas Sara dhe Abraham orth y gelwel ‘Arloedh.’ Hwi yw hy fleghes pan wrewgh da, ha pan na berthowgh own a euth vytholl.

Breusysi 19:26

Dell sevi an myttin, an venyn a dheuth hag a goedhas orth daras chi an gour mayth esa hy mester, bys pan o golow.