Jenesis 17:3 - An Bibel Kernewek 20234 (Kernewek Kemmyn)

³ Hag Abram a goedhas war y fas ha Duw a gewsis ganso, ow leverel,

Jenesis 17:3 Iomraidhean Croise

Jenesis 17:17

Ena Abraham a goedhas war y fas ha hwerthin ha leverel yn y golonn, ‘A vydh flogh dineythys dhe wour kans bloedh y oes? Hag a wra Sara dineythi, deg bloedh ha peswar-ugens bloedh hy oes?’

Jenesis 18:2

Hag ev a dhrehevis y dhewlagas ha mires, hag awotta, yth esa tri gour ow sevel a-dal dhodho, ha pan y's gwelas ev a boenyas dh'aga metya dhiworth daras an tylda hag omblegya dhe'n dor

1 Myghternedh 18:39

Pan y'n gwelas oll an bobel, i a goedhas war aga fas ha leverel, ‘An Arloedh, ev yw Duw, an Arloedh, ev yw Duw.’

Eksodus 3:6

Hag y leveris, ‘My yw Duw dha das, Duw Abraham, Duw Ysak ha Duw Yakob.’ Ha Moyses a gudhas y fas, rag own a'n jeva a vires orth Duw.

Ezekiel 1:28

Haval dhe semlans kammneves y'n kommol yn dydh glaw, yndella o an golowyjyon a-dro dhodho. Hemm o semlans kepar ha glori an Arloedh. Pan y'n welis, my a goedhas war ow fas, ha klewes lev ow kewsel.

Ezekiel 3:23

Ytho my a sevis ha mos yn-mes dhe'n nans. Hag awotta glori an Arloedh ow sevel ena, kepar ha'n glori a welis ryb an avon Kebar, ha my a goedhas war ow fas.

Ezekiel 9:8

Pan esons ow kweskel, ha my gesys ow honan, my a goedhas war ow fas ha garma, ha leverel, ‘Ogh Arloedh Duw! A dhiswredh oll remenant Ysrael, ha ty ow tiveri dha gonnar war Yerusalem?’

Daniel 10:9

Ena my a glewas y lev ow kewsel; ha kettell glewis son y eryow, y koedhis yn transyek war ow fas, ha'm fas orth an dor.

Niverow 14:5

Ena Moyses hag Aron a goedhas war aga fas a-rag an gemmynieth oll a guntelles mebyon Ysrael.

Niverow 16:22

Hag i a goedhas war aga fas, ha leverel, ‘A Dhuw, Duw spyrysyon kig oll, mar pegh unn den, a vydhydh serrys gans an kuntelles oll?’

Niverow 16:45

‘Kewgh dhe-ves a-dhiworth an kuntelles ma, may hylliv aga howlleski yn unn lamm.’ Hag i a goedhas war aga fas.

Matthew 17:6

Ha'n dhyskyblon pan y'n klewsons a goedhas war aga fas hag own meur a's kemmeras.

Yoshua 5:14

Hag ev a leveris, ‘Na, mes my re dheuth lemmyn avel bennsevik lu an Arloedh.’ Ha Yoshua a goedhas dhe'n dor war y fas, ha gordhya, ha leverel dhodho, ‘Pandr'a lever ow Arloedh dh'y was?’

Diskwedhyans 1:17

Ha pan y'n gwelis, my a goedhas orth y dreys kepar ha pan ven marow. Hag ev a worras y dhorn dhyghow warnav, ow leverel, ‘Na borth own. My yw an kynsa ha'n diwettha,

Breusysi 13:20

Pan yskynnas an flamm war-tu ha'n nev dhiwar an alter, el an Arloedh a yskynnas yn flamm an alter, ha Manoagh ha'y wreg ow mires; hag i a goedhas, ha'ga fas dhe'n dor.