Jenesis 17:13 - An Bibel Kernewek 20234 (Kernewek Kemmyn)

¹³ Neb yw genys y'th chi ha neb yw prenys gans mona a dal bos trodreghys; ow hevambos a vydh a-bervedh y'th kig rag kevambos bys vykken.

Jenesis 17:13 Iomraidhean Croise

Jenesis 14:14

Ha pan glewas Abram bos y vroder kemmerys prisner, ev a guntellas y dus dyskys yn arvow, genys yn y ji ev, trihans hag etek aga niver ha'ga helghya bys yn Dan.

Jenesis 15:3

Hag yn-medh Abram, ‘Awotta, ny wruss'ta ri has dhymm, hag awotta, onan genys y'm chi vy a vydh ow her.’

Jenesis 17:7

Ha my a fast ow hevambos yntra my ha ty, ha'th has war dha lergh yn aga henedhow avel kevambos bys vykken, dhe vos Duw dhiso, ha'th has war dha lergh.

Jenesis 37:27

Deun, gwren ni y wertha dhe'n Yshmaelysi ma na vydh agan leuv warnodho. Agan broder, agan kig ni yw ev.’ Ha'y vreder a goelas orto.

Jenesis 37:36

Mes an Midyanysi a'n gwerthas yn Ejyp dhe Potifar, onan a lyswesyon Faro, an chyf rennyas.

Jenesis 39:1

Lemmyn Yosep a veu dres yn-nans dhe Ejyp, ha Potifar, lyswas Faro, an chyf rennyas, gour ejyptek, a'n prenas dhiworth an Yshmaelysi a'n dros ena.

Jenesis 9:16

Ha'n warak a vydh y'n kommol ha my a vir orti may perthiv kov a'n kevambos bys vykken yntra Duw ha pub kreatur bew a bub kig usi war an nor.’

Nehemia 5:5

Byttegyns lemmyn kepar hag yw kig agan breder, yndella yw agan kig ni; kepar ha'ga mebyon i, yndella yw agan mebyon ni; otta, yth eson ow konstryna agan mebyon ha'gan myrghes yn kethneth ha rann a'gan myrghes re beu kethhes seulabrys, mes dialloes on dh'aga dasprena drefenn tus erell dhe gavoes agan gwelyow ha'gan gwinlannow.’

Nehemia 5:8

Hag yn-medhav dhedha, ‘Oll dh'agan galloes, ni re dhasprenas agan breder, an Yedhewon, a veu gwerthys dhe'n kenedhlow; mes yth esowgh hwi ow kwertha agas breder, may fons gwerthys dhyn!’ Yth ens tawesek ha ny allsons kavoes ger dhe leverel.

Eksodus 12:44

Mes pub keth prenys der arghans a yll dybri anodho wosa hwi dh'y drodreghi.

Eksodus 21:16

Piwpynag a lattro gour, kyn y'n gwerth po kyn fydh kevys ganso yn y berghennogeth, a vydh gorrys dhe'n mernans.

Eksodus 21:2

Pan brenydh keth ebrow, ev a serv hwegh blydhen, hag y'n seythves ev a yll mos rydh, heb kendon.

Eksodus 21:4

Mar kwra y vester ri dhodho gwreg ha hi a dheg dhodho mebyon po myrghes, an wreg ha'y fleghes a vydh dh'y mester hag ev a wra mos yn-mes y honan.

Levitikus 22:11

Mes mar pren an oferyas neb den gans y vona ev, hemma a'n deber, hag ev neb yw dineythys yn y ji, i a dheber a'y voes.

Matthew 18:25

Hemma pan na'n jeva pygans dhe attyli, y vester a worhemmynnis may fe gwerthys keffrys ha'y wreg ha'y fleghes ha pup-tra oll a'n jeva ha'n gendon dhe vos attylys.