Jenesis 16:7 - An Bibel Kernewek 20234 (Kernewek Kemmyn)

⁷ El an Arloedh a's kavas ryb fenten a dhowr y'n difeythtir, ryb an fenten war an fordh dhe Shur.

Jenesis 16:7 Iomraidhean Croise

Jenesis 20:1

Hag Abraham eth alena troha tir an Negeb ha triga yntra Kadesh ha Shur; hag yth esa trigys yn Gerar avel alyon.

Jenesis 21:17

Ha Duw a glewas lev an maw, hag el Duw a elwis dhe Hagar mes a nev ha leverel dhedhi, ‘Pandr'a hwer dhis, Hagar? Na gemmer own rag Duw re glewas lev an maw le may ma.

Jenesis 21:18

Sav yn-bann, drehav an maw yn-bann, syns e er dha dhorn, rag my a vynn y wul kenedhel vras.’

Jenesis 21:19

Ha Duw a igoras hy dhewlagas ha hi a welas puth dowr; hi eth, ha lenwel an groghen a dhowr ha'y ri dhe'n maw dhe eva.

Jenesis 22:11

Mes el an Arloedh a elwis dhodho mes a nev ha leverel, ‘Abraham, Abraham!’ Hag yn-medh ev, ‘Ottavy.’

Jenesis 22:15

Hag el an Arloedh a elwis dhe Abraham mes a'n nevow an nessa torn.

Jenesis 24:7

An Arloedh Duw a'n nevow neb a'm kemmeras dhiworth chi ow thas ha pow ow genesigeth ha neb a gewsis genev ha neb a dos dhymm, ow leverel, “My a re an pow ma dhe'th has”, ev a dhannvon y el a-dheragos, ha ty a gemmer gwreg rag ow mab alena.

Jenesis 25:18

Trigys esens dhiworth Havila dhe Shur, usi a-dal Ejyp war an fordh dhe Assyria. Ev a goedhas dherag y vreder oll.

Jenesis 31:11

Hag el Duw a leveris dhymm yn hunros, “Yakob”, ha my a leveris, “Ottavy.”

Eksodus 15:22

Ena Moyses a hembronkas Ysrael a'n Mor Rudh hag i eth yn gwylvos Shur; i eth tri dydh y'n gwylvos ha ny gavsons dowr.

Eksodus 3:2

Hag el an Arloedh a omdhiskwedhas dhodho yn flamm a dan yn-mes a gres an bos; hag ev a viras, hag otta, yth esa an bos gans tan, mes ny veu konsumys.

Lavarow Koth 15:3

Yma dewlagas an Arloedh yn pub le, ow koelyas war an debeles ha'n re dha.

1 Samuel 15:7

Sowl a weskis an Amalekysi, a-dhiworth Havila bys Shur, usi a-dal Ejyp.