Jenesis 16:2 - An Bibel Kernewek 20234 (Kernewek Kemmyn)

² Hag yn-medh Saray dhe Abram, ‘Otta lemmyn, an Arloedh re'm lettyas na gavav flogh. My a'th pys, ke a-bervedh dhe'm maghteth. Martesen y hwyrvydh my dhe gavoes fleghes dredhi hi.’ Hag Abram a woslowas orth lev Saray.

Jenesis 16:2 Iomraidhean Croise

Jenesis 11:30

Mes Saray o gownagh; nyns esa flogh dhedhi.

Jenesis 17:16

Ha my a vynn hy benniga ha ri dhis mab dhiworti hi ynwedh, ha hi a dheu ha bos kenedhlow; myghternedh poblow a dheu dhiworti.’

Jenesis 18:10

Hag yn-medh ev, ‘Yn sur my a dhehwel dhis y'n vlydhen a dheu, hag otta, Sara dha wreg a's tevydh mab.’ Ha Sara a'n klewas orth daras an tylda esa a-dryv dhodho.

Jenesis 19:31

Ha'n kynsa-genys a leveris dhe'n yowynka, ‘Koth yw agan tas ha nyns eus gour vyth y'n norvys a dheffo a-bervedh dhyn ni war-lergh gis oll an norvys.

Jenesis 20:18

Rag an Arloedh re wrussa degea oll an torrow yn chi Abimelek drefenn Sara, gwreg Abraham.

Jenesis 25:21

Hag Ysak a bysis war an Arloedh rag y wreg, rag anvap o hi, ha'n Arloedh a glewas y bysadow ha Rebeka y wreg a gonsevyas,

Jenesis 3:12

Hag yn-medh an den, ‘An venyn a wruss'ta ri dhymm dhe vos genev, hi a ros dhymm a'n wydhenn ha my a dhybris.’

Jenesis 3:17

Ha dhe Adam ev a leveris, ‘Rag ty dhe goela orth lev dha wreg, ha dybri a'n wydhenn may hwrug vy gorhemmynna dhis, ow leverel, “Na wra dybri anedhi”, milliges yw an dor a'th wovis jy; dre lavur ty a wra dybri anodho oll an dydhyow a'th vewnans.

Jenesis 30:22

Ena Duw a borthas kov a Raghel ha goslowes orti hi hag igeri hy thorr.

Jenesis 30:6

Ena yn-medh Raghel, ‘Duw re'm breusis; ynwedh ev re glewas ow lev, ha ri dhymmo mab.’ Ytho hi a elwis y hanow, Dan.

Salmow 127:3

Otta, ertach an Arloedh yw mebyon, frut an brys yw y wober ev.

Eksodus 21:4

Mar kwra y vester ri dhodho gwreg ha hi a dheg dhodho mebyon po myrghes, an wreg ha'y fleghes a vydh dh'y mester hag ev a wra mos yn-mes y honan.

Ruth 4:11

Hag oll an bobel esa y'n yet, ha'n henavogyon, a worthybis, ‘Dustunioryon on ni. Re wrello an Arloedh dhe'n venyn usi ow tos a-berth y'th chi bos kepar ha Raghel ha Lea, neb aga diw a dhrehevis chi Ysrael, ha re sewenni yn Efratha ha dos ha bos den a vri yn Bethlehem.