Jenesis 15:4 - An Bibel Kernewek 20234 (Kernewek Kemmyn)

⁴ Hag awotta, ger an Arloedh a dheuth dhodho ow leverel, ‘Ny vydh hemma dha her, mes neb a dheu yn-mes a'th kolodhyon jy, ev a vydh dha her.’

Jenesis 15:4 Iomraidhean Croise

Jenesis 15:1

Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

Jenesis 17:16

Ha my a vynn hy benniga ha ri dhis mab dhiworti hi ynwedh, ha hi a dheu ha bos kenedhlow; myghternedh poblow a dheu dhiworti.’

Jenesis 21:12

Hag yn-medh Duw dhe Abraham, ‘Na vedhes drog y'th wolok drefenn an maw, na drefenn dha gethes. Goslow orth lev Sara yn pup-tra re leveris dhis rag der Ysak y fydh dha has henwys.

2 Samuel 16:11

Ena Davydh a leveris dhe Abishay, ha dhe oll y wesyon, ‘Awotta, ow mab, neb a dheuth yn-mes a'm kolodhyon vy, a hwila ow bewnans; pygemmys moy lemmyn y hyll an Benyaminyas ma y wul! Gesewgh ev dhodho y honan, ha gesewgh ev dhe vollethi; rag an Arloedh re worhemmynnis dhodho.

2 Samuel 7:12

Ha pan vydh dha dhydhyow kollenwys, ha ty a wrowedh gans dha dasow, my a dhrehav dha has war dha lergh, neb a dheu a'th korf, ha my a fast y vyghterneth.

2 Kroniklys 32:21

Ha'n Arloedh a dhannvonas el neb a ladhas oll an gasoryon alloesek ha'n gaslewydhyon ha'n soedhogyon yn kamp myghtern Assyria. Ytho ev a gildennas yn disenor dh'y dir y honan. Pan dheuth yn chi y dhuw, re a'y vebyon a'n weskis dhe'n dor gans an kledha.

Galatianys 4:28

Hwi, a vreder, yw fleghes a'n ambos kepar hag Ysak.

Filemon 1:12

My re wrug y dhastannvon dhis, – an den ma, neb yw ow holodhyon ow honan.