Jenesis 15:18 - An Bibel Kernewek 20234 (Kernewek Kemmyn)

¹⁸ An keth jydh na an Arloedh a wrug kevambos gans Abram, ow leverel, ‘My re ros an tir ma dhe'th has, dhiworth avon Ejyp bys y'n avon vras, an avon Ewfrates,

Jenesis 15:18 Iomraidhean Croise

Jenesis 12:7

Ha'n Arloedh a omdhiskwedhas dhe Abram ha leverel dhodho, ‘My a vynn ri an tir ma dhe'th has jy.’ Ytho ev a dhrehevis alter dhe'n Arloedh neb a omdhiskwedhas dhodho.

Jenesis 13:15

Rag my a re oll an tir a welydh dhiso jy ha dhe'th has bys vykken.

Jenesis 2:14

Hanow an tressa avon yw Tigris; an keth henna usi ow resek est dhe Assyria. An peswora avon yw Ewfrates.

Jenesis 24:7

An Arloedh Duw a'n nevow neb a'm kemmeras dhiworth chi ow thas ha pow ow genesigeth ha neb a gewsis genev ha neb a dos dhymm, ow leverel, “My a re an pow ma dhe'th has”, ev a dhannvon y el a-dheragos, ha ty a gemmer gwreg rag ow mab alena.

Jenesis 26:4

Ha my a vynn ynkressya dha has kepar ha ster an nev, ha my a re dhe'th has oll an powyow ma. Oll kenedhlow an norvys a vydh owth omvenniga y'th has:

Jenesis 28:4

ha ri dhis bennath Abraham, dhiso jy ha dhe'th has genes jy, may hylli perghenna an pow mayth esos ow kodriga ynno avel alyon, a ros Duw dhe Abraham.’

Jenesis 35:12

An pow a res vy dhe Abraham ha dhe Ysak, my a'n re dhiso jy; ha dhe'th has jy war dha lergh y rov an pow.’

Jenesis 50:24

Hag yn-medh Yosep dh'y vreder, ‘Yth esov ow merwel. Duw sertan a wra agas visitya, ha'gas dri yn-bann mes a'n pow ma bys y'n pow a ambosas ev dre di dhe Abraham, dhe Ysak ha dhe Yakob.’

2 Samuel 23:5

A nyns yw ow chi yndella gans Duw? Rag ev a wrug genev kevambos bys vykken, ordenys yn pup-tra ha sur. A ny wra ev gul dhe skylla oll ow selwyans, ha'm desir?

2 Samuel 8:3

Davydh ynwedh a weskis Hadadezer mab Rehob, myghtern Soba, pan esa ow mos dhe dhaskavoes y vaystri ryb an avon Ewfrates.

1 Myghternedh 4:21

Yth esa Solomon ow rewlya war oll an gwlaskordhow dhiworth an avon Ewfrates bys pow an Filistysi, ha bys yn or Ejyp; i a dhros trubyt ha servya Solomon dydhyow oll y vewnans.

1 Myghternedh 5:1

Hiram myghtern Tyr a dhannvonas y wesyon dhe Solomon, pan glewas i dh'y untya myghtern yn le y das; rag Hiram o pup-prys koweth dhe Davydh.

1 Kroniklys 16:16

an kevambos a wrug gans Abraham, ha'n ti a dos dhe Ysak;

1 Kroniklys 5:9

Troha'n est yth esens trigys ynwedh bys amal an difeyth a ystynn dhiworth an avon Ewfrates drefenn aga chatel dhe gressya yn pow Gilead.

2 Kroniklys 7:8

Y'n termyn na Solomon a ordenas goel seyth dydh, hag oll Ysrael ganso, kuntelles fest bras, a Lebo-hamath dhe nans Ejyp.

2 Kroniklys 8:7

Oll an dus o gesys a'n Hittysi, a'n Amorysi, a'n Perizzysi, a'n Hivysi, hag a'n Yebusysi, nag esens a Ysrael,

2 Kroniklys 9:26

Ev a reynyas war oll an vyghternedh dhiworth an avon Ewfrates bys pow an Filistysi, ha bys or Ejyp.

Ezra 4:20

Byttegyns, re beu myghternedh galloesek dhe Yerusalem, neb a rewlyas oll an rannvro Dres-an-Avon; ha toll-benn ha toll-wara, ha toll-dir, a veu tylys dhedha.

Nehemia 9:8

ha ty a gavas y golonn lel a-dheragos ha gul an kevambos ganso dhe ri dh'y has tir an Kananysi, an Hittysi, an Amorysi, an Perizzysi, an Yebusysi ha'n Girgashysi. Ty re geweras dha eryow, rag gwiryon os.

Salmow 105:11

ow leverel, ‘Dhiso jy y rov pow Kanan avel kevrenn dha ertach.’

Eksodus 13:11

‘Ha pan y'th trollo an Arloedh dhe diredh an Kananysi, dell ambosas dhis ha dhe'th tasow, ha'y ri dhis,

Eksodus 2:24

ha Duw a glewas aga hynvann ha Duw a borthas kov a'y gevambos gans Abraham, gans Ysak, ha gans Yakob.

Eksodus 23:23

Rag ow el a a-ragos ha'th tri dhe'n Amorysi, ha'n Hittysi, ha'n Perizzysi, ha'n Kananysi, an Hivysi, ha'n Yebusysi, ha my a's distru.

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Eksodus 32:13

Porth kov a Abraham, Ysak, hag Ysrael, dha servysi, dhe neb y hwrussys ti re'th honan ha leverel dhedha, “My a wra liesplekhe agas diyskynnysi avel ster nev, hag oll an tir ma re ambosis y rov dh'agas diyskynnysi, hag i a'n erit bys vykken” ’

Eksodus 34:11

Gwith orth an pyth a worhemmynnav dhis hedhyw. Otta, my a worr yn-mes a-ragos an Amorysi, an Kananysi, an Hittysi, an Perizzysi, an Hivysi, ha'n Yebusysi.

Eksodus 34:24

Rag my a wra fesya kenedhlow a-ragos, ha lesa dha oryon; ha ny'n jevydh denvyth hwans dhe'th tir, pan yskynnowgh dhe omdhiskwedhes a-rag an Arloedh dha Dhuw teyrgweyth y'n vlydhen.

Eksodus 6:4

Ynwedh my re fastyas ow hevambos gansa, dhe ri dhedha pow Kanan, an pow may hwodrigsens ynno.

Eksodus 6:8

Ha my a'gas dre bys yn tir hag a des y ri dhe Abraham, dhe Ysak ha dhe Yakob; my a'n re dhywgh yn perghennogeth. My yw an Arloedh.” ’

Ysay 27:12

Y'n jydh na an Arloedh a dhrush a-dhiworth kanel an Ewfrates bys yn nans Ejyp, ha hwi, mebyon Ysrael, a vydh kuntellys onan hag onan.

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Yeremia 32:22

ha ty a ros dhedha an tir ma, hag a desys dh'aga thasow dhe ri dhedha, tir a dhinwa leth ha mel;

Yeremia 32:40

My a wra kevambos bys vykken gansa, nevra dhe gildenna a wul da dhedha; ha my a worr own yn aga holonn ma na dreylyons a-dhiworthiv.

Levitikus 26:42

ena my a berth kov a'm kevambos gans Yakob, hag ynwedh ow hevambos gans Ysak, ha my a berth kov ynwedh a'm kevambos gans Abraham, ha my a berth kov a'n tir.

Levitikus 26:45

Mes a-barth dhedha i, my a berth kov a'n kevambos gans aga hendasow, a dhres yn-mes a bow Ejyp yn golok an kenedhlow, may fen aga Duw. An Arloedh ov vy.

Niverow 34:5

ha'n or a wra treylya a-dhiworth Asmon dhe wover Ejyp, ha'y benn a vydh orth an mor.

Oberow 7:5

Hwath ny ros dhodho eretons ynno, na kyn fe troesla, mes ev a dhedhewis y ri rag perghennogeth dhodho ev ha dh'y henedh war y lergh, kyn nag esa flogh dhodho.

Dewteronomi 11:24

Pub le may trett agas godhen warnodho a vydh dhywgh: dhiworth an gwylvos ha Lebanon, dhiworth an avon, an avon Ewfrates, bys yn mor an howlsedhes, y fydh agas or.

Dewteronomi 12:20

Pan wra an Arloedh dha Dhuw moghhe dha or kepar dell gewsis genes, ty a lever, ‘My a vynn dybri kig’, rag bos dha enev ow tesirya dybri kig, ena ty a yll dybri kig war-lergh oll desir dha enev.

Dewteronomi 19:8

Mar moghha an Arloedh dha Dhuw dha oryon kepar dell dos dhe'th tasow, ha ri dhis oll an tir a ambosas ri dhe'th tasow,

Dewteronomi 34:4

Ena an Arloedh a leveris dhodho, ‘Hemm yw an tir a des dhe Abraham, dhe Ysak, ha dhe Yakob, ow leverel, “My a'n re dhe'th has.” My re asas dhis y weles gans dha dhewlagas dha honan, mes ny dreusydh di.’

Dewteronomi 7:1

Pan wra an Arloedh dha Dhuw dha dhri bys y'n tir mayth esos ow tos ena dh'y erita, ha fesya lies kenedhel a-ragos, an Hittysi, an Girgashysi, an Amorysi, an Kananysi, an Perizzysi, an Hivysi, ha'n Yebusysi, seyth kenedhel brassa ha kreffa agesos,

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

Yoshua 13:3

a-dhiworth an Shihor, usi a'n howldrevel dhe Ejyp, dhe or Ekron a'n gledhbarth (reknys yw avel kananek, kyn fo dhe bymp gwahalyeth an Filistysi, a Gaza, a Ashdod, a Ashkelon, a Gath, hag a Ekron); tiredh an Avviysi

Yoshua 15:4

Ena hi a dremenas dhe Asmon, ow tos dhe wover Ejyp, ha diwedh an or o an mor. Homm o aga or dhyghow.

Diskwedhyans 9:14

ow leverel dhe'n hweghves el ha ganso an hirgorn, ‘Lows an peswar el yw kelmys war an avon veur Ewfrates.’