Jenesis 15:14 - An Bibel Kernewek 20234 (Kernewek Kemmyn)

¹⁴ Ha'n genedhel ynwedh a wrons i servya, my a wra hy breusi; ha wosa henna i a dheu yn-mes gans rychys meur.

Jenesis 15:14 Iomraidhean Croise

Jenesis 48:21

Hag yn-medh Ysrael dhe Yosep, ‘Otta, yth esov ow merwel, mes y fydh Duw genowgh ha'gas dri arta dhe bow agas tasow.

Jenesis 50:24

Hag yn-medh Yosep dh'y vreder, ‘Yth esov ow merwel. Duw sertan a wra agas visitya, ha'gas dri yn-bann mes a'n pow ma bys y'n pow a ambosas ev dre di dhe Abraham, dhe Ysak ha dhe Yakob.’

Salmow 105:42

Rag ev a borthas kov a'y ambos sans, hag a Abraham y was.

Salmow 135:14

Rag an Arloedh a vreus y bobel, ha kemmeres truedh a'y wesyon.

Salmow 135:9

Ev a dhannvonas toknys ha marthusyon y'n kres ahanas, A Ejyp, erbynn Faro hag erbynn oll y wesyon.

Salmow 51:4

Er dha bynn jy, ty dha honan, y peghis vy ha gul an drogober ma y'th wolok, rag may fes justifiys y'th lavar, ha divlam y'th vreus.

Eksodus 12:29

Dhe hanter-nos an Arloedh a weskis pub kynsa-genys yn pow Ejyp, a gynsa-genys Faro esedhys war y dron dhe gynsa-genys an prisner esa y'n dhorvagh, ha kynsa-genys oll an gwarthek.

Eksodus 3:10

Deus, my a'th tannvon dhe Faro may trylli ow fobel, mebyon Ysrael, yn-mes a Ejyp.’

Oberow 7:7

“Ha my a wra breusi an genedhel a servyons”, yn-medh Duw, “ha wosa an taklow ma i a wra dos yn-mes, hag i a wra ow gordhya y'n tyller ma.”

Dewteronomi 4:20

An Arloedh a'gas kemmeras ha'gas dros yn-mes a'n fornes-horn, yn-mes a Ejyp, dhe vos dhodho pobel y eretons, kepar hag y'n jydh hedhyw.

Dewteronomi 6:22

An Arloedh a ros toknys ha marthusyon, bras ha drog, war Ejyp, war Faro, ha war oll y ji a-wel dhyn.

Yoshua 24:17

rag an Arloedh agan Duw yth yw neb a'gan dros yn-bann yn-mes a bow Ejyp, yn-mes a ji an gethneth, ha neb a wrug an toknys bras a-rag agan dewlagas, ha neb a'gan gwithas yn oll an fordh a gerdhsyn ynni, hag yn oll an poblow may tremensyn yn aga mysk;

1 Samuel 12:8

Pan veu Yakob devedhys yn Ejyp ha'gas tasow a armas dhe'n Arloedh, ena an Arloedh a dhannvonas Moyses hag Aron, neb a dhros agas tasow yn-mes a Ejyp, ha'ga settya y'n tyller ma.