Jenesis 15:13 - An Bibel Kernewek 20234 (Kernewek Kemmyn)

¹³ Ena ev a leveris dhe Abram, ‘Godhvydh yn sur y fydh dha has alyons yn pow nag yw dhedha i, hag i a wra aga servya; hag i a wra aga arwaska peswar kans blydhen.

Jenesis 15:13 Iomraidhean Croise

Jenesis 15:16

Y'n peswora henedh i a dhehwel omma; rag ny vydh kowlwrys na hwath kammweyth an Amorysi.’

Jenesis 17:8

Ha my a re dhis, ha dhe'th has war dha lergh, an pow mayth esos ow kodriga ynno, oll an tir a Kanan dh'y berghenna bys vykken, ha my a vydh aga Duw.’

Jenesis 47:4

Hag yn-medhons i dhe Faro, ‘Ni re dheuth dhe driga y'n pow, rag nyns eus peurva yn pow Kanan rag flokk dha wesyon, rag tynn yw an divoetter yn pow Kanan. Ytho lemmyn, gas dha wesyon dhe driga yn pow Goshen, ni a'th pys.’

Salmow 105:42

Rag ev a borthas kov a'y ambos sans, hag a Abraham y was.

Eksodus 1:11

Ha warnedha i a ordenas mestrysi hwel rag aga arwaska gans beghyow poes, hag i a dhrehevis sitys-gwithva rag Faro, Pithom ha Rameses;

Eksodus 1:13

hag Ejyp a wrug dhe vebyon Ysrael servya yn harow,

Eksodus 1:14

ha gul aga bewnans hwerow yn gwasonieth kales, yn pri, hag yn brykkys, hag yn pub eghenn a wonis y'n gwel; oll aga gonis ynno may hwrussons dhedha servya o garow.

Eksodus 2:24

ha Duw a glewas aga hynvann ha Duw a borthas kov a'y gevambos gans Abraham, gans Ysak, ha gans Yakob.

Eksodus 22:21

Ny wredh kammdhyghtya alyon na'y arwaska, drefenn hwi dhe vos alyons yn pow Ejyp.

Eksodus 23:9

Ynwedh, ny wredh arwaska alyon; hwi a aswonn kolonn alyon, rag hwi o alyons yn pow Ejyp.

Eksodus 3:10

Deus, my a'th tannvon dhe Faro may trylli ow fobel, mebyon Ysrael, yn-mes a Ejyp.’

Eksodus 3:17

hag ambosa a wrav agas dri yn-bann yn-mes a galar Ejyp dhe bow an Kananysi, an Hittysi, an Amorysi, an Perizzysi, an Hivysi ha'n Yebusysi, tir a dhinwa leth ha mel.”

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Levitikus 19:34

An alyon trigys genowgh a vydh dhywgh kepar ha genesik yntredhowgh. Ty a'n kar kepar ha ty dha honan, rag hwi o alyons yn pow Ejyp. An Arloedh agas Duw ov vy.

Niverow 20:15

fatell eth agan tasow yn-nans dhe Ejyp, hag yth esen trigys yn Ejyp termyn hir; ha'n Ejyptianys a'gan dyghtyas yn harow, ha'gan tasow.

Oberow 7:17

‘Pan nesas termyn an dedhewadyow a ros Duw dhe Abraham, an bobel a devis hag a veu lieshes yn Ejyp,

Galatianys 3:17

Mes my a lever hemma: kevambos fastys kyns gans Duw, nyns yw defendys gans an lagha a dheuth peswar kans blydhen ha deg warn ugens a-wosa, may fo an ambos diswrys.

Dewteronomi 10:19

Kerewgh an alyon; rag hwi a veu alyons yn pow Ejyp.

Dewteronomi 5:15

Porth kov ty dhe vos keth yn pow Ejyp, ha'n Arloedh dha Dhuw a'th tros yn-mes alena dre leuv grev ha bregh ystynnys; rakhenna an Arloedh dha Dhuw a worhemmynnis dhis gwitha an sabot.