Jenesis 15:1 - An Bibel Kernewek 20234 (Kernewek Kemmyn)

¹ Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

Jenesis 15:1 Iomraidhean Croise

Jenesis 15:2

Hag yn-medh Abram, ‘Arloedh Duw, pandr'a vynn'ta ri dhymm, rag yth ov prest heb flogh, ha her ow chi a vydh Eliezer a Damaskus?’

Jenesis 15:4

Hag awotta, ger an Arloedh a dheuth dhodho ow leverel, ‘Ny vydh hemma dha her, mes neb a dheu yn-mes a'th kolodhyon jy, ev a vydh dha her.’

Jenesis 21:17

Ha Duw a glewas lev an maw, hag el Duw a elwis dhe Hagar mes a nev ha leverel dhedhi, ‘Pandr'a hwer dhis, Hagar? Na gemmer own rag Duw re glewas lev an maw le may ma.

Jenesis 22:1

Ha wosa an hwarvosow ma Duw a brovas Abraham ha leverel dhodho, ‘Abraham!’ Hag yn-medh ev, ‘Awottavy.’

Jenesis 22:20

Ha wosa an taklow ma, y feu derivys dhe Abraham ow leverel, ‘Awotta, Milka, hi ynwedh, re dhineythis mebyon dhe'th vroder Nahor,

Jenesis 26:24

Ha'n Arloedh a omdhiskwedhas dhodho an keth nos ha leverel, ‘My yw Duw Abraham dha das. Na borth own, rag yth esov genes ha my a wra dha venniga hag ynkressya dha has a-barth Abraham ow gwas.’

Jenesis 31:7

Agas tas re'm toellas ha chanjya ow gober dekkweyth, mes ny wrug Duw y asa dhe'm aperya.

2 Samuel 22:3

Duw ow harrek may hwilav skovva ynno, ow skoes, ha korn ow selwyans, ow dinas ha'm skovva, ow selwador; ty a'm saw dhiworth freudh.

2 Myghternedh 1:15

Ena el an Arloedh a leveris dhe Elias, ‘Diyskynn ganso; na borth own anodho.’ Rakhenna ev a sevis ha diyskynna ganso dhe'n myghtern.

1 Kroniklys 28:20

Y'n eur na Davydh a leveris dhe Solomon y vab, ‘Bydh krev ha bydh kolonnek ha gwra an ober. Na borth own, na vydh digennerthys, rag yma genes an Arloedh Duw, ow Duw. Ny wra dha asa na dha eskasa erna vo gorfennys oll an ober rag servis chi an Arloedh.

Salmow 115:10

A ji Aron, trest y'n Arloedh; ev yw aga gweres ha'ga skoes.

Salmow 119:114

Ow hovva ha'm skoes osta jy; yn dha er jy y fydhyav.

Salmow 142:5

My a armas warnas, A Arloedh; yn-medhav, ‘Ty yw ow skovva, ow rann yn tir an re vew.’

Salmow 18:2

an Arloedh yw ow harrek, ha'm kastell, ha'm delivrer; ow Duw, ow harrek krev may hwilav skovva ynno, ow skoes, ha korn ow selwyans, ow dinas.

Salmow 27:1

An Arloedh yw ow golow ha'm selwyans; piw anodho y porthav own? An Arloedh yw kastell ow bewnans; piw anodho y fydhav ownek?

Salmow 3:3

Mes ty, A Arloedh, yw skoes a-dro dhymm, ow glori, neb a dhrehav ow fenn.

Salmow 3:4

My a elwis war an Arloedh gans ow lev, hag ev a worthybis dhymm mes a'y venydh sans. Sela.

Salmow 5:12

Rag ty, A Arloedh, a vennik an den gwiryon; ty a'n kudh gans favour kepar ha gans skoes.

Salmow 58:11

Ha tus a lever, ‘Yn hwir yma pewas dhe'n den gwiryon; yn hwir yma Duw a vreus y'n nor.’

Salmow 84:11

Rag an Arloedh Duw yw howl ha skoes; an Arloedh a re ras ha golewder, ha ny skon ev a ri dader vytholl dhe'n re a gerdh yn tivlam.

Salmow 84:9

Gwel agan skoes, A Dhuw, ha mir orth fas dha Untys.

Salmow 91:4

Ev a'th kudh gans y bluv, hag yn-dann y eskelli y hwilydh skovva; y wirder yw dha skoes ha'th vokler.

Eksodus 14:13

Ha Moyses a leveris dhe'n bobel, ‘Na berthewgh own, sevewgh fyrv ha gweles selwyans an Arloedh a wra oberi ragowgh hedhyw; rag an Ejyptianys a welowgh hedhyw, ny wrewgh aga gweles nevra arta.

Lavarow Koth 11:18

Tebelwas a dhendil gober ansertan, mes neb a has ewnder a'n jeves pewas sur.

Lavarow Koth 30:5

Pub ger a Dhuw yw purhes, skoes ywa dhe'n re a hwila skovva ynno.

Ysay 35:4

Leverewgh dhe'n re gans kolonn brederus, ‘Bedhewgh krev, na berthewgh own; otta, agas Duw a dheu gans dial, gans attal duwel. Ev a dheu ha'gas sawya.’

Ysay 40:10

Otta, an Arloedh Duw a dheu gans nerth ha'y vregh a rewl ragdho; otta, yma y wober ganso, ha'y werison a-ragdho.

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 41:14

Na borth own, ty bryv, Yakob, ty gontronenn Ysrael! My a wra dha weres, yn-medh an Arloedh, dha Dhasprenyas, an Sans a Ysrael.

Ysay 43:1

Ha lemmyn yndellma y lever an Arloedh, ev neb a'th wrug, A Yakob, hag ev neb a'th formyas, A Ysrael: Na borth own, rag my re'th prenas ha re'th henwis orth hanow, dhymmo vy yth os.

Ysay 43:5

Na borth own, rag yth esov genes; dhiworth an howldrevel y trov dha has, dhiworth an howlsedhes y'th kuntellav.

Ysay 44:2

Yndellma y lever an Arloedh a'th wrug, neb a'th formyas a'n dorr, hag a wra dha weres: Na borth own, a Yakob, ow gwas, Yeshurun neb re dhewisis.

Ysay 44:8

Na berthewgh own, bedhewgh diagha! A ny dharleveris dhis seuladhydh ha'y veneges? Hwi yw ow dustuniow. Eus Duw a-der my? Nyns eus karrek, ny aswonnav kammenn.

Ysay 51:12

My, my yw neb a'gas konfort. Ytho piw osta jy may perthydh own a dhen hag a verow, hag a vab-den neb a wedher avel gwels?

Yeremia 39:17

Mes my a'th saw y'n jydh na, yn-medh an Arloedh, ha ny vydhydh res yn leuv an wer a berthydh own anedha.

Kynvannow 3:24

‘Ow rann yw an Arloedh’, yn-medh ow enev, ‘rakhenna govenek a'm beus ynno.’

Ezekiel 1:1

Y'n trydhegves blydhen, y'n peswora mis, yn pympes dydh an mis, pan esen yn mysk an dhivresow ryb an avon Kebar, an nevow a veu igerys, ha my a welas gwelesigethow Duw.

Ezekiel 11:24

An Spyrys a'm drehevis ha'm dri dhe'n dhivresow yn Kaldea y'n welesigeth yn Spyrys Duw. Ena an welesigeth a welsen a yskynnas dhiworthiv.

Ezekiel 3:4

Ena yn-medh ev dhymm, A vab den, ke, deus dhe ji Ysrael ha kows gans ow geryow dhedha.

Niverow 12:6

Hag ev a leveris, ‘Klewewgh ow geryow: Mars eus profoes yntredhowgh, my an Arloedh a vydh aswonnys dhodho yn gwelesigeth, my a gews orto yn hunros.

Niverow 18:20

Ha'n Arloedh a leveris dhe Aron: Ny' fydh eretons yn aga thir, na ny' fydh rann vyth yntredha; my yw dha rann ha'th eretons yn mysk mebyon Ysrael.

Niverow 24:4

ger anodho ev neb a glew geryow Duw, neb a wel gwelesigeth an Ollgalloesek, ow koedha yn transyek, mes ankudhys y dhewlagas:

Matthew 28:5

Mes an el a worthybis, ha leverel dhe'n benynes, ‘Na berthewgh own, rag my a woer hwi dhe hwilas Yesu neb a veu krowsys.

Matthew 8:26

Yn-medh ev dhedha, ‘Prag yth owgh hwi mar ownek, hwi a voghes fydh?’ Ena ev a sevis ha keredhi an gwynsow ha'n mor, hag y feu kalmynsi meur.

Luk 1:13

An el a leveris dhodho, ‘Na borth own, Zakaria, rag klewys re beu dha bysadow, ha'th wreg Elisabeth a dhineyth mab dhis, ha ty a'n henow Yowann;

Luk 1:30

Ha'n el a leveris dhedhi, ‘Na borth own, Maria, rag ty re gavas gras gans Duw.

Luk 12:32

‘Na berthewgh own, A flokk byghan, rag bodh agas Tas yw, ev dhe ri dhywgh an wlaskor.

Oberow 10:22

I a leveris, ‘Kornelius, penn-kangour, gour ewnhynsek neb a berth own a Dhuw ha neb yw gerys-da gans oll an genedhel yedhowek, dhodhheb o y feu erghys gans el sans may halwa dh'y ji ev ha goslowes orth an pyth a vynnydh y leverel.’

1 Korinthianys 3:22

kyn fo Powl po Apollos po Kefas po an bys po bewnans po ankow po taklow y'n dydhyow ma po traow a dheu – oll an re ma yw dhywgh hwi,

Dewteronomi 18:2

Ny'n jevydh eretons yn mysk y vreder; an Arloedh yw y eretons, kepar dell leveris dhodho.

Dewteronomi 31:6

Bedhewgh krev, ha bedhewgh kolonnek, na berthewgh own nag euth a-ragdha, drefenn an Arloedh dha Dhuw, ev yth yw neb a gerdh genes; ny wra dha asa na'th forsakya.’

Ebrowyon 1:1

Yn lies fordh hag yn lies gis, Duw a gewsis y'n kothenep dh'agan tasow der an brofoesi;

Diskwedhyans 1:17

Ha pan y'n gwelis, my a goedhas orth y dreys kepar ha pan ven marow. Hag ev a worras y dhorn dhyghow warnav, ow leverel, ‘Na borth own. My yw an kynsa ha'n diwettha,

Ruth 2:12

Re wrello an Arloedh attyli dha ober, ha kowal re bo dha bewas dhiworth an Arloedh, Duw Ysrael, may hwrussys dos yn-dann y eskelli dhe gavoes skovva.’

1 Samuel 15:10

Ena y teuth ger an Arloedh dhe Samuel:

1 Samuel 9:9

(Seulabrys yn Ysrael, pan eth gour dhe wovynn orth Duw, ev a leveri, ‘Dewgh, ha deun dhe'n gwelesydh’; rag an gour neb yw gelwys profoes y'n dydhyow ma o seulabrys gelwys gwelesydh.)