Jenesis 14:14 - An Bibel Kernewek 20234 (Kernewek Kemmyn)

¹⁴ Ha pan glewas Abram bos y vroder kemmerys prisner, ev a guntellas y dus dyskys yn arvow, genys yn y ji ev, trihans hag etek aga niver ha'ga helghya bys yn Dan.

Jenesis 14:14 Iomraidhean Croise

Jenesis 12:16

Ev a dhyghtyas Abram yn ta a'y govis hi, hag y feu dhodho deves, oghen, asenes, gwesyon, maghtethyon, kasegi-asen ha kowrvergh.

Jenesis 12:5

Hag Abram a gemmeras Saray y wreg ha Lot, mab y vroder hag oll aga fyth re wrussens kuntelles, ha'n enevow re wrussens kavoes yn Haran, hag i eth yn-kerdh rag mos dhe bow Kanan; ha dhe bow Kanan y teuthons i.

Jenesis 13:8

Hag yn-medh Abram dhe Lot, ‘My a'th pys, na vedhes strif yntra my ha ty hag yntra dha vugeledh jy ha'm bugeledh vy, rag breder on ni.

Jenesis 14:12

Hag i a gemmeras Lot, mab broder Abram, esa trigys yn Sodom, ha'y bythow, ha mos yn-kerdh.

Jenesis 14:16

Hag ev a dhaskavas oll y bythow hag ynwedh y vroder Lot ha'y bythow ev, ha'n benynes ynwedh ha'n bobel.

Jenesis 15:3

Hag yn-medh Abram, ‘Awotta, ny wruss'ta ri has dhymm, hag awotta, onan genys y'm chi vy a vydh ow her.’

Jenesis 17:12

Ha nebonan yn agas mysk a vo eth dydh y oes a vydh trodreghys, pub flogh gorow der agas henedhow neb yw genys y'th chi po nebonan nag yw dha has jy prenys gans mona dhiworth estren.

Jenesis 17:23

Hag Abraham a gemmeras Yshmael y vab, ha pub kethwas re bia genys yn y ji, ha peub re bia prenys gans mona, pub gorreydh yn mysk tus chi Abraham, ha trodreghi kig aga hudhgenn an keth jydh na, kepar dell wrussa Duw y leverel dhodho.

Jenesis 17:27

hag oll an wer a'y ji, an re genys y'n chi, ha'n re prenys gans mona dhiworth estren, a veu trodreghys ganso.

Jenesis 18:19

Rag my re'n dewisas, may hwrella worhemmynna dh'y fleghes ha'y vayni war y lergh, hag i a wra gwitha fordh an Arloedh, dhe wul ewnder ha gwirvreus, may trollo an Arloedh war Abraham an pyth re leveris dhodho.’

Jenesis 23:6

‘Goslow orthyn, ow arloedh; pryns Duw osta yn agan mysk. Ynkleudh an korf y'th tewis a'gan ynkleudhvaow. Denvyth ahanan ny vynn nagha dhis y ynkleudhva dhe ynkleudhyas an korf.’

1 Myghternedh 15:20

Ben-hadad a woslowas orth myghtern Asa, ha dannvon kaslewydhyon y luyow erbynn sitys Ysrael. Ev a fethas Iyon, Dan, Abel-beth-maaka, hag oll Kinneroth, gans tiredh oll Naftali.

Salmow 68:12

‘Myghternedh a luyow a fias dhe'n fo!’ An venyn esa ow kortos yn tre a rannas an preydh.

Lavarow Koth 17:17

Koweth a gar pup-prys, ha broder yw genys rag gweres yn droglamm.

Ekklesiastes 2:7

My a brenas kethyon ha maghtethyon, ha dhymmo vy yth o an gethyon a veu genys y'm chi vy. Y'm bo ynwedh moy gwarthek ha moy greow es dell bewo an re esa yn Yerusalem kyns ow thermyn vy;

Yeremia 41:12

i a gemmeras oll aga gwer ha mos dhe omladh erbynn Yshmael mab Nethania. I a'n kavas ryb an poll meur usi yn Gibeon.

Dewteronomi 34:1

Ena Moyses a yskynnas dhiworth plenys Moab dhe venydh Nebo, penn Pisga, usi a-dal Yeriko. Ha'n Arloedh a dhiskwedhas dhodho oll an tir, Gilead bys Dan,

1 Yowann 2:18

A fleghigyow, yth yw an diwettha eur: ha dell re glewsowgh y teu Antekrist, y'n eur ma yma ynwedh lies Antekrist; dredhi y hwodhon hy bos an diwettha eur.

Breusysi 18:29

I a henwis an sita Dan war-lergh aga thas Dan, onan a vebyon Ysrael; mes hanow an sita a vedha Laish kyns.

Breusysi 20:1

Ena oll mebyon Ysrael a dheuth yn-mes, dhiworth Dan bys yn Beer-sheba, yn aga mysk pow Gilead, ha'n bobel a omguntellas yn unn bagas a-rag an Arloedh yn Mispa.

1 Samuel 30:19

Ny veu travyth kellys, naneyl byghan na bras, naneyl mebyon na myrghes, na travyth a'n preydh re bia kemmerys; Davydh a dhaskavas pup-tra.