Jenesis 14:13 - An Bibel Kernewek 20234 (Kernewek Kemmyn)

¹³ Ena y teuth unn dianker ha leverel hemma dhe Abram an Ebrow, esa trigys ryb derow Mamre; Amoryas o ev, broder Eshkol ha broder Aner, hag yth ens i keffrysysi Abram.

Jenesis 14:13 Iomraidhean Croise

Jenesis 10:16

ha'n Yebusysi, an Amorysi, an Girgashysi,

Jenesis 13:18

Ena Abram a gavas gwiryow peuri ha dos ha triga ryb derow Mamre usi yn Hebron ha drehevel alter dhe'n Arloedh y'n tyller na.

Jenesis 14:24

travyth saw an pyth re dhybris an dus yowynk, ha'n rann a dhegoedh dhe'n wer eth genev, Aner, Eshkol ha Mamre. Kemmerens i aga rann.’

Jenesis 18:1

Ha'n Arloedh a omdhiskwedhas dhodho ryb derow Mamre, pan o esedhys yn daras an tylda yn toemmder an jydh.

Jenesis 21:24

Hag yn-medh Abraham, ‘My a'n te.’

Jenesis 21:27

Hag Abraham a gemmeras deves hag oghen ha'ga ri dhe Abimelek, ha'ga dew a wrug kevambos.

Jenesis 21:32

Ytho i a wrug kevambos yn Beer-sheba. Ena Abimelek a sevis yn-bann, ha Fikol pennhembrenkyas y lu, hag i a dhehwelis dhe bow an Filistysi.

Jenesis 39:14

hi a elwis tus hy chi ha kewsel orta ow leverel, ‘Mirewgh, ev re dhros dhyn ni gour ebrow, dhe wul ges ahanan. Ev a dheuth dhymm dhe wrowedha genev, ha my a elwis gans lev ughel.

Jenesis 40:15

Rag dhe wir my a veu ledrys yn-mes a bow an Ebrowyon. Ny wrug vy travyth a vo skila rag i dhe'm gorra y'n pytt.’

Jenesis 41:12

Yth esa Ebrow yowynk genen ena, keth dhe jyf an withysi. Ni a dherivas agan hunrosow dhodho, hag ev a's styryas dhyn, ow styrya dhe bub huni war-lergh y hunros.

Jenesis 43:32

Hag i a settyas boes ragdho ev y honan diberthys ha ragdha i aga honan diberthys ha rag an Ejyptianys esa ow tybri ganso aga honan diberthys, rag ny yll an Ejyptianys dybri gans an Ebrowyon, rag tra gasadow yw henna dhe'n Ejyptianys.

Job 1:15

ha'n Sabeanys a settyas orta ha'ga hemmeres, ha ladha an servysi gans min an kledha, ha my ow honan re dhienkas rag leverel dhis.’

Eksodus 2:11

Ha dell hwarva, y'n dydhyow na, Moyses o tevys hag yth eth dh'y vreder ha mires war aga beghyow, ha gweles gour ejyptek ow kweskel gour ebrow, onan a'y vreder.

Eksodus 2:6

Hi a's igoras ha gweles an flogh, hag otta, maw owth oela! Ha hi a gemmeras truedh anodho ha leverel, ‘Ottomma onan a'n fleghes ebrow.’

Eksodus 3:18

Hag i a wra goslowes orth dha lev ha ty ha henavogyon Ysrael a wra mos dhe vyghtern Ejyp ha leverel dhodho, “An Arloedh, Duw an Ebrowyon, re vetyas genen; ha lemmyn, ni a'th pys, gas ni dhe vones yn vyaj a dri dydh y'n gwylvos mayth offrynnyn dhe'n Arloedh agan Duw.”

Yeremia 34:9

may liffrons peub aga hethyon ha'ga hethesow ma na synso nagonan Yedhow, y vroder, yn kethneth.

Yona 1:9

Yn-medh ev dhedha, ‘Ebrow ov vy, ha my a berth own a'n Arloedh, Duw an nev, neb a formyas an mor ha'n tir sygh.’

Niverow 13:23

Hag i a dheuth dhe nans Eshkol, ha treghi alena skorrenn gans unn bagas a rappys, hag i a's dug war welenn yntra dew anedha; i a dhros ynwedh greunavalow ha figys.

Niverow 21:21

Ena Ysrael a dhannvonas kannasow dhe Sihon myghtern an Amorysi, ow leverel,

2 Korinthianys 11:22

Ebrowyon yns i? My ynwedh. Ysraelysi yns i? My ynwedh. Has Abraham yns i? My ynwedh.

Filippianys 2:5

Kemmerewgh yn agas mysk an tybyans ma esa ynwedh yn Krist Yesu;

1 Samuel 29:3

Yn-medh kaslewydhyon an Filistysi, ‘Pyth usi an Ebrowyon ma ow kul omma?’ Akish a worthybis dhe gaslewydhyon an Filistysi, ‘A nyns yw hemma Davydh, gwas Sowl myghtern Ysrael, neb re beu genev lemmyn an dydhyow ma ha'n blydhynyow ma? Ny gevis fowt vyth ynno a-ban gilfias dhymm bys y'n jydh hedhyw.’

1 Samuel 4:12

Gour a Benyamin a boenyas mes a'n linenn vatel, ha dos dhe Shilo an keth jydh, gans y dhillas skwardys ha gans dor war y benn.