Jenesis 13:10 - An Bibel Kernewek 20234 (Kernewek Kemmyn)

¹⁰ Ha Lot a dhrehevis y dhewlagas ha gweles oll an plen a-dro dhe'n Yordan, oll anodho dhe vos dowrhes – kyns an Arloedh dhe dhiswul Sodom ha Gomorra – kepar ha lowarth an Arloedh, kepar ha pow Ejyp ha ty ow tos bys yn Soar.

Jenesis 13:10 Iomraidhean Croise

Jenesis 11:27

An re ma yw henedhow Teragh. Teragh a dhineythis Abram, Nahor ha Haran, ha Haran a dhineythis Lot.

Jenesis 13:11

Ha Lot a dhewisas oll an plen a-dro dhe'n Yordan dhodho y honan, ha Lot a dravalyas troha'n howldrevel hag i a dhibarthas an eyl dhiworth y gila.

Jenesis 13:9

A nyns usi oll an tir a-dheragos? Diberth dhiworthiv, dell yth pysav. Mar mynnydh kemmeres an barth kledh, my a gemmer an barth dhyghow, ha mar kemmerydh an barth dhyghow my a gemmer an barth kledh.’

Jenesis 14:2

y hwrug an re ma gwerrya erbynn Bera myghtern Sodom hag erbynn Birsha myghtern Gomorra, Shinab myghtern Adma ha Shemeber myghtern Seboyim, ha myghtern Bela (henn yw Soar).

Jenesis 14:8

Ha myghtern Sodom eth yn-mes, ha myghtern Gomorra ha myghtern Adma ha myghtern Seboyim ha myghtern Bela (henn yw Soar), hag araya rag kas er aga fynn yn nans Siddim,

Jenesis 3:6

Ha'n venyn, pan welas bos an wydhenn da rag boes, ha'y bos teg dhe'n dewlagas, ha gwydhenn dhesiradow dhe wul den fur, hi a gemmeras nebes a'y frut ha dybri; ha hi a ros ynwedh dh'y gour esa gensi, hag ev a dhybris.

Jenesis 47:6

Yma pow Ejyp a-dheragos. Gas dha das ha'th vreder dhe driga yn gwella rann an pow; gas i dhe driga yn pow Goshen. Ha mar kodhes bos yn aga mysk gwer abel, gorr i dhe vos gwithysi war ow chatel vy.’

Jenesis 6:2

mebyon Duw a welas myrghes mab-den ha'ga bos teg, hag i a gemmeras dhedha aga honan gwragedh a vyns anedha a dhewissons.

1 Myghternedh 7:46

Yn plen an Yordan an myghtern a's molas y'n dor pri yntra Sukkoth ha Sarethan.

Job 40:23

Pan vo an avon ow liva, nyns eus own dhodho; attes yw ev hwath pan herdh Yordan erbynn y anow.

Salmow 107:34

Ev a wra dhe dir leun a frut bos difeythtir, drefenn sherewneth an re usi trigys ynno.

Ysay 15:5

Ow holonn a gri rag Moab; hy fowesigyon a fi bys Soar, bys Eglath-shelishiya. Yth ons yn-bann owth oela war an fordh-yskynna dhe Luhith; war an fordh dhe Horonaym i a dhrehav garm a gollva.

Ysay 51:3

Rag an Arloedh a vynn konfortya Sion, ev a vynn konfortya oll hy magoryow, ha gul hy gwylvos avel Eden, hy difeyth avel lowarth an Arloedh. Joy ha lowender a vydh kevys ynni, grasyans ha lev kana.

Yeremia 48:34

Son aga kri a dheu dhiworth Heshbon bys Eleale, bys Yahas, dhiworth Soar bys Horonaym hag Eglath-shelishia. Rag hwath dowrow Nimrim yw devedhys ha bos difeyth.

Ezekiel 16:46

Dha hwoer gottha yw Samaria, hi ha'y myrghes neb a drig a'n barth kledh dhis; ha'th hwoer yowynka neb a drig a'n barth dhyghow dhis yw Sodom ha'y myrghes.

Ezekiel 16:49

Awotta anewnder Sodom dha hwoer: goeth, gwalgh a vara, hag es hebask o dhedhi hi ha dh'y myrghes; ny nerthas leuv an boghosek na'n edhommek.

Ezekiel 28:13

Yth eses yn Eden, lowarth Duw; pub men drudh o dha gudhans, rubi, topaz, ha gwyrven, owrven, onyks, ha yasper, saffir, garnet, ha beryl. Ober a owr o dha settyansow ha'th gravyansow ynnos; y'n jydh may feus formys y fons parys.

Ezekiel 31:8

An kederwydh yn lowarth Duw nyns ens hy far, nyns o sybwydh haval dh'y skorrennow; nyns o meryw kepar ha'y barrennow; nyns o gwydhenn vytholl y'n lowarth Duw haval dhedhi yn hy thekter.

Ezekiel 31:9

My a's tekhas gans hy skorrennow delyek pals, hag yth esa oll gwydh Eden yn lowarth Duw ow perthi avi orti.

Ezekiel 47:18

Yn tenewen an est, an or a vydh yntra Hawran ha Damaskus; ha dhiworth Gilead ha pow Ysrael orth an Yordan; dhe vor an est bys yn Tamar. Hemma a vydh tenewen an est.

Yoel 2:3

Tan a dhevor a-dheragdha, hag a-dryv dhedha flamm a lesk. An tir yw avel lowarth Eden a-dheragdha, hag a-dryv dhedha gwylvos difeyth; vri, ny vydh diank anedha.

Dewteronomi 34:3

an Negeb ha'n plen a-dro dhe nans Yeriko, sita an palmwydh, bys yn Soar.