Jenesis 12:8 - An Bibel Kernewek 20234 (Kernewek Kemmyn)

⁸ Ena ev eth alena bys yn menydh a'n est dhe Bethel ha settya y dylda yn-bann yntra Bethel y'n howlsedhes hag Ay y'n est, ha drehevel ena alter dhe'n Arloedh ha gelwel war hanow an Arloedh.

Jenesis 12:8 Iomraidhean Croise

Jenesis 13:18

Ena Abram a gavas gwiryow peuri ha dos ha triga ryb derow Mamre usi yn Hebron ha drehevel alter dhe'n Arloedh y'n tyller na.

Jenesis 13:3

Hag ev eth yn y gerdhow dhiworth an Negeb dhe Bethel, bys y'n tyller may fia y dylda y'n dalleth yntra Bethel hag Ay,

Jenesis 13:4

bys yn tyller an alter re wrussa y'n dalleth; hag ena Abram a elwis war hanow an Arloedh.

Jenesis 21:33

Hag Abraham a blansas tamariskenn yn Beer-sheba ha gelwel ena war hanow an Arloedh, Duw heb diwedh.

Jenesis 22:9

Hag i a dheuth dhe'n tyller a leveris Duw dhodho, hag Abraham a dhrehevis alter, hag araya an keunys, ha kelmi Ysak y vab, ha'y worra war an alter a-ugh an keunys.

Jenesis 26:25

Ytho ev a dhrehevis alter ena ha gelwel war hanow an Arloedh; hag ena ev a settyas y dylda, hag ena gwesyon Ysak a gleudhyas puth.

Jenesis 28:19

Hag ev a elwis hanow an tyller na Bethel, mes Luz o hanow an sita kyns.

Jenesis 31:25

Ha Laban a dheuth dhe Yakob. Lemmyn Yakob re wrussa settya y dylda war an menydh, ha Laban gans y vreder a settyas aga thyldow yn menydh Gilead.

Jenesis 33:20

Hag ev a dhrehevis ena alter, ha'y elwel El-elohe-ysrael.

Jenesis 35:3

ha gesewgh ni dhe sevel ha mos yn-bann dhe Bethel, ha gul alter ena dhe'n Duw a'm gorthybis yn dydh ow foenvotter, hag esa genev y'n fordh may kerdhis.’

Jenesis 35:7

Hag ev a dhrehevis alter ena ha gelwel an tyller El-bethel, rag Duw a omdhiskwedhas dhodho ena pan esa ow fia dhiworth fas y vroder.

Jenesis 4:26

Ha dhe Seth, dhodho ev ynwedh y feu dineythys mab hag ev a elwis y hanow Enosh. Y'n termyn na y tallathas tus gelwel war hanow an Arloedh.

Jenesis 8:20

Ha Noy a dhrehevis alter dhe'n Arloedh ha kemmeres rann a'n bestes glan ha'n ydhyn glan hag offrynna offrynnow leskys war an alter.

Nehemia 11:31

Mebyon Benyamin a drigas yn Geba, Mikmash, Ayya, Bethel ha'y threvow,

Salmow 116:4

Ena my a elwis war hanow an Arloedh: ‘A Arloedh, my a'th pys, delirv ow enev.’

Eksodus 17:15

Ha Moyses a dhrehevis alter ha'y henwel ‘An Arloedh yw ow baner’,

Ysay 10:28

ev re dheuth dhe Ayath; ev re dremenas dre Migron; yn Mikmash ev a settyas y fardellow yn-nans.

Yoel 2:32

Ena y fydh sawys pubonan neb a elow war hanow an Arloedh; rag yn menydh Sion y fydh remenant dell leveris an Arloedh, hag yn Yerusalem an re a dhienk, neb a wra an Arloedh aga gelwel.

Oberow 2:21

hag ena myns a gri war hanow an Arloedh a vydh selwys.”

1 Korinthianys 1:2

Dhe eglos Duw usi yn Korinth, dhe'n re sanshes yn Krist Yesu, gelwys may fens i syns, gans oll an re na, yn pub tyller, a gri war hanow agan Arloedh Yesu Krist, Arloedh keffrys dhedha i ha dhyn ni:

Ebrowyon 11:9

Dre fydh ev a dheuth dhe driga yn tir an ambosow, avel estren, trigys yn tyldow gans Ysak ha Yakob, kes-heryon a'n keth ambos.

Yoshua 18:22

Beth-araba, Semarim, Bethel,

Yoshua 22:10

Pan dheuthons dhe Geliloth ryb an Yordan yn pow Kanan, mebyon Rewben ha mebyon Gad ha hanter-loeth Manasse a dhrehevis alter ena ryb an Yordan, alter vras dhe weles.

Yoshua 7:2

Yoshua a dhannvonas gwer dhiworth Yeriko dhe Ay, usi ogas dhe Beth-aven, a'n howldrevel dhe Bethel, hag a leveris dhedha, ‘Kewgh yn-bann hag aspia an tir.’ Ha'n wer eth yn-bann hag aspia Ay.

Yoshua 8:12

Ev a gemmeras a-dro dhe bymp mil wour, ha'ga gorra dhe gontrewaytya yntra Bethel hag Ay, a'n howlsedhes dhe'n sita.

Yoshua 8:17

Nyns esa gour gesys yn Ay na Bethel, nag eth yn-mes war-lergh Ysrael; i a asas an sita igor, ha chasya war-lergh Ysrael.

Yoshua 8:3

Yoshua hag oll an soudoryon eth yn-bann dhe Ay. Yoshua a dhewisas deg mil wour galloesek warn ugens ha'ga dannvon dhe-ves nosweyth

Yoshua 8:30

Ena Yoshua a dhrehevis alter dhe'n Arloedh, Duw Ysrael war venydh Ebal,

Yoshua 8:9

Ytho Yoshua a's dannvonas yn-mes; hag i eth dhe dyller an kontrewaytyans, ha gortos yntra Bethel hag Ay, a'n howlsedhes dhe Ay; mes Yoshua a spenas a'n nos na yn kres an lu.

Breusysi 6:24

Ytho Gideon a dhrehevis alter dhe'n Arloedh ena, ha'y henwel, An Arloedh yw kres. Bys y'n jydh hedhyw y sev yn Ofra an Abiezrysi.

1 Samuel 30:27

Yth o rag an re esa yn Bethel, ha dhe'n re esa yn Ramoth an Negeb, ha dhe'n re esa yn Yattir,