Jenesis 12:7 - An Bibel Kernewek 20234 (Kernewek Kemmyn)

⁷ Ha'n Arloedh a omdhiskwedhas dhe Abram ha leverel dhodho, ‘My a vynn ri an tir ma dhe'th has jy.’ Ytho ev a dhrehevis alter dhe'n Arloedh neb a omdhiskwedhas dhodho.

Jenesis 12:7 Iomraidhean Croise

Jenesis 12:8

Ena ev eth alena bys yn menydh a'n est dhe Bethel ha settya y dylda yn-bann yntra Bethel y'n howlsedhes hag Ay y'n est, ha drehevel ena alter dhe'n Arloedh ha gelwel war hanow an Arloedh.

Jenesis 13:15

Rag my a re oll an tir a welydh dhiso jy ha dhe'th has bys vykken.

Jenesis 13:17

Sav yn-bann, kerdh der an pow, der y hys ha der y les, rag my a vynn y ri dhiso.’

Jenesis 13:18

Ena Abram a gavas gwiryow peuri ha dos ha triga ryb derow Mamre usi yn Hebron ha drehevel alter dhe'n Arloedh y'n tyller na.

Jenesis 13:4

bys yn tyller an alter re wrussa y'n dalleth; hag ena Abram a elwis war hanow an Arloedh.

Jenesis 15:18

An keth jydh na an Arloedh a wrug kevambos gans Abram, ow leverel, ‘My re ros an tir ma dhe'th has, dhiworth avon Ejyp bys y'n avon vras, an avon Ewfrates,

Jenesis 17:1

Ha pan o Abram nownsek bloedh ha peswar-ugens, an Arloedh a omdhiskwedhas dhe Abram ha leverel dhodho, ‘Duw Ollgalloesek ov vy. Kerdh a-dheragov, ha bydh divlam.

Jenesis 17:3

Hag Abram a goedhas war y fas ha Duw a gewsis ganso, ow leverel,

Jenesis 17:8

Ha my a re dhis, ha dhe'th has war dha lergh, an pow mayth esos ow kodriga ynno, oll an tir a Kanan dh'y berghenna bys vykken, ha my a vydh aga Duw.’

Jenesis 18:1

Ha'n Arloedh a omdhiskwedhas dhodho ryb derow Mamre, pan o esedhys yn daras an tylda yn toemmder an jydh.

Jenesis 22:9

Hag i a dheuth dhe'n tyller a leveris Duw dhodho, hag Abraham a dhrehevis alter, hag araya an keunys, ha kelmi Ysak y vab, ha'y worra war an alter a-ugh an keunys.

Jenesis 24:7

An Arloedh Duw a'n nevow neb a'm kemmeras dhiworth chi ow thas ha pow ow genesigeth ha neb a gewsis genev ha neb a dos dhymm, ow leverel, “My a re an pow ma dhe'th has”, ev a dhannvon y el a-dheragos, ha ty a gemmer gwreg rag ow mab alena.

Jenesis 26:25

Ytho ev a dhrehevis alter ena ha gelwel war hanow an Arloedh; hag ena ev a settyas y dylda, hag ena gwesyon Ysak a gleudhyas puth.

Jenesis 26:3

Trig y'n pow ma ha my a vydh genes ha'th venniga, rag dhiso jy ha dhe'th has my a vynn ri oll an powyow ma. My a gollenow an ti a dos dhe Abraham dha das.

Jenesis 28:13

Hag awotta, yth esa an Arloedh ow sevel a-ughti, hag yn-medh ev, ‘My yw an Arloedh, Duw Abraham dha das ha Duw Ysak. My a re an tir esos ow krowedha warnodho dhiso jy ha dhe'th has.

Jenesis 28:4

ha ri dhis bennath Abraham, dhiso jy ha dhe'th has genes jy, may hylli perghenna an pow mayth esos ow kodriga ynno avel alyon, a ros Duw dhe Abraham.’

Jenesis 32:30

Ha Yakob a elwis hanow an tyller Peniel, ‘Rag my re welas Duw fas orth fas, ha gwithys saw yw ow enev.’

Jenesis 33:20

Hag ev a dhrehevis ena alter, ha'y elwel El-elohe-ysrael.

Jenesis 35:12

An pow a res vy dhe Abraham ha dhe Ysak, my a'n re dhiso jy; ha dhe'th has jy war dha lergh y rov an pow.’

Jenesis 35:7

Hag ev a dhrehevis alter ena ha gelwel an tyller El-bethel, rag Duw a omdhiskwedhas dhodho ena pan esa ow fia dhiworth fas y vroder.

Jenesis 50:24

Hag yn-medh Yosep dh'y vreder, ‘Yth esov ow merwel. Duw sertan a wra agas visitya, ha'gas dri yn-bann mes a'n pow ma bys y'n pow a ambosas ev dre di dhe Abraham, dhe Ysak ha dhe Yakob.’

Jenesis 8:20

Ha Noy a dhrehevis alter dhe'n Arloedh ha kemmeres rann a'n bestes glan ha'n ydhyn glan hag offrynna offrynnow leskys war an alter.

2 Samuel 24:25

Davydh a dhrehevis alter ena dhe'n Arloedh ena, hag offrynna offrynnow leskys hag offrynnow kres. Ha'n Arloedh a glewas y bysadow rag an tir, ha'n pla a veu treylys a-dhiwar Ysrael.

1 Myghternedh 18:32

Gans an meyn ev a dhrehevis alter yn hanow an Arloedh. Ena ev a wrug kanel a-dro dhedhi, bras lowr rag synsi dew vusur a has.

1 Kroniklys 16:16

an kevambos a wrug gans Abraham, ha'n ti a dos dhe Ysak;

1 Kroniklys 16:18

ow leverel, ‘Dhiso jy y rov pow Kanan avel kevrenn dha ertach.’

2 Kroniklys 20:11

Mir fatell y'gan gobrons dre dhos dh'agan fesya yn-mes a'gan perghennogeth a resys dhyn dh'y erita.

2 Kroniklys 20:7

A ny fessys, agan Duw, trigoryon an tir ma a-rag dha bobel Ysrael, ha'y ri bys vykken dhe has Abraham dha goweth?

Ezra 3:2

Ena Yeshua mab Yosadak a sevis, ha'y vreder an oferysi, ha Zerubbabel mab Shealtiel ha'y vreder, hag i a dhrehevis alter Duw Ysrael rag offrynna offrynnow leskys warnedhi, dell yw skrifys yn lagha Moyses gour Duw.

Eksodus 17:15

Ha Moyses a dhrehevis alter ha'y henwel ‘An Arloedh yw ow baner’,

Eksodus 24:4

Ha Moyses a skrifas geryow oll a'n Arloedh. Hag ev a sevis myttin a-varr, ha drehevel alter dhe droes an menydh, ha drehevel dewdhek peulven, herwydh dewdhek loeth Ysrael.

Eksodus 32:13

Porth kov a Abraham, Ysak, hag Ysrael, dha servysi, dhe neb y hwrussys ti re'th honan ha leverel dhedha, “My a wra liesplekhe agas diyskynnysi avel ster nev, hag oll an tir ma re ambosis y rov dh'agas diyskynnysi, hag i a'n erit bys vykken” ’

Eksodus 33:1

An Arloedh a leveris dhe Moyses, ‘Dibarth, ke alemma, ty ha'n bobel a wrussys dri yn-mes a bow Ejyp, dhe'n tir a ambosis dhe Abraham, Ysak ha Yakob, ow leverel, “Dhe'th tiyskynnysi my a'n re.”

Eksodus 6:3

ha my a omdhiskwedhas dhe Abraham, dhe Ysak ha dhe Yakob avel Duw Ollgalloesek, mes der ow hanow vy, an Arloedh, nyns en vy aswonnys dhedha.

Eksodus 6:4

Ynwedh my re fastyas ow hevambos gansa, dhe ri dhedha pow Kanan, an pow may hwodrigsens ynno.

Yeremia 3:18

Y'n dydhyow na chi Yuda a wra kerdhes gans chi Ysrael, hag i a dheu war-barth yn-mes a dir an gogledh dhe'n tir a res rag eretons dh'agas tasow.

Niverow 26:53

‘Dhe'n re ma an tir a vydh rynnys rag eretons herwydh an niver a henwyn.

Niverow 32:11

“Yn sur denvyth a dheuth yn-bann yn-mes a Ejyp, a ugens bloedh ha moy, ny wra gweles an tir a des y ri dhe Abraham, dhe Ysak, ha dhe Yakob, drefenn na'm holsons yn tien;

Oberow 7:5

Hwath ny ros dhodho eretons ynno, na kyn fe troesla, mes ev a dhedhewis y ri rag perghennogeth dhodho ev ha dh'y henedh war y lergh, kyn nag esa flogh dhodho.

Romanyon 9:8

Homma a styr nag yw mebyon an kig neb yw mebyon Duw, mes mebyon an ambos a reknir avel henedh.

Galatianys 3:16

Y feu leverys an ambosow dhe Abraham ‘Ha dh'y hasenn.’ Ny leverir ‘Ha dhe'n hasennow’, kepar dell ve a-dro dhe lies, mes a-dro dhe onan, ‘Ha dhe'th hasenn’, hag yw Krist.

Galatianys 4:28

Hwi, a vreder, yw fleghes a'n ambos kepar hag Ysak.

Dewteronomi 1:8

Mir, my re settyas an tir a-ragowgh. Dewgh hag erita an tir a dos an Arloedh dh'agas tasow, dhe Abraham, dhe Ysak, ha dhe Yakob, dh'y ri dhedha ha dh'aga has war aga lergh.’

Dewteronomi 30:20

ow kara an Arloedh dha Dhuw, hag ow koslowes y lev, hag ow klena orto; rag ev yw dha vewnans ha hirder dha dhydhyow, dhe driga war an tir a dos an Arloedh dhe'th tasow, dhe Abraham, ha dhe Ysak, ha dhe Yakob, dhe ri dhedha.

Dewteronomi 34:4

Ena an Arloedh a leveris dhodho, ‘Hemm yw an tir a des dhe Abraham, dhe Ysak, ha dhe Yakob, ow leverel, “My a'n re dhe'th has.” My re asas dhis y weles gans dha dhewlagas dha honan, mes ny dreusydh di.’

Dewteronomi 6:10

Pan wra an Arloedh dha Dhuw dha dhri bys y'n tir a dos dhe'th tasow, dhe Abraham, dhe Ysak, ha dhe Yakob, dhe ri dhis trevow bras ha teg, na wrussys hwi aga drehevel,

Dewteronomi 9:5

Nyns yw drefenn dha ewnder, na drefenn ewnhynseth dha golonn, yth esos ow tos dhe erita aga thir; mes yth yw drefenn sherewynsi an kenedhlow ma y hwra an Arloedh dha Dhuw aga fesya a-ragos, rag may fastyo an ger a dos an Arloedh dhe'th tasow, dhe Abraham, dhe Ysak, ha dhe Yakob.

Ebrowyon 11:13

Dre fydh y ferwis oll an re ma, heb degemmeres an ambosow; mes i a's gwelas ha'ga salusi a-bell, ow konfessya aga bos estrenyon ha godrigoryon war an nor.

Ebrowyon 11:8

Dre fydh Abraham o gostydh pan veu gelwys dhe vos dhe dyller may tegemmerra eretons; ev eth yn-rag heb konvedhes ple'th esa ow mos.

Yoshua 1:6

Bydh krev ha bydh kolonnek; rag ty re wrug dhe'n bobel ma erita an tir a des dh'aga thasow y ri dhedha.

Yoshua 22:10

Pan dheuthons dhe Geliloth ryb an Yordan yn pow Kanan, mebyon Rewben ha mebyon Gad ha hanter-loeth Manasse a dhrehevis alter ena ryb an Yordan, alter vras dhe weles.

Yoshua 8:30

Ena Yoshua a dhrehevis alter dhe'n Arloedh, Duw Ysrael war venydh Ebal,

Breusysi 6:24

Ytho Gideon a dhrehevis alter dhe'n Arloedh ena, ha'y henwel, An Arloedh yw kres. Bys y'n jydh hedhyw y sev yn Ofra an Abiezrysi.

1 Samuel 7:17

Ena ev a dhehweli dhe Rama, rag yth esa y ji ena; hag ena ev a vreusi Ysrael; hag ev a dhrehevis ena alter dhe'n Arloedh.