Jenesis 12:6 - An Bibel Kernewek 20234 (Kernewek Kemmyn)

⁶ Hag Abram a dremenas der an tir bys y'n tyller Shekem, bys yn derwenn More. Hag yth esa an Kananysi y'n pow y'n termyn na.

Jenesis 12:6 Iomraidhean Croise

Jenesis 10:15

Kanan a dhineythis Sidon y gynsa-genys, ha Heth,

Jenesis 13:7

Ytho yth esa strif yntra bugeledh chatel Abram ha bugeledh chatel Lot. Yth esa an Kananysi ha'n Perizzysi trigys ena y'n pow.

Jenesis 33:18

Ha Yakob a dheuth yn sawder dhe sita Shekem, usi yn pow Kanan, hag ev ow tos dhiworth Padan-aram; hag ev a gampyas dherag an sita.

Jenesis 34:2

Ha Shekem mab Hamor an Hivyas, penntern an pow na, a's gwelas ha'y hemmeres ha growedha gensi ha'y uvelhe.

Jenesis 34:30

Hag yn-medh Yakob dhe Simeon ha Levi, ‘Hwi re dhros anfeusi warnav, ow kul dhymm flerya yn mysk trigoryon an pow, yn mysk an Kananysi ha'n Perizzysi. Boghes yw niver ow thus vy, hag i a vydh kuntellys war-barth er ow fynn ha'm diswul; ha my ha'm chi a vydh distruys.’

Jenesis 35:4

Hag i a ros dhe Yakob oll an duwow estren esa dhedha, ha'n bysowyer yn aga skovornow, ha Yakob a's kelas yn-dann an derebinthenn ogas dhe Shekem.

1 Myghternedh 12:1

Rehoboam eth dhe Shekem, rag Ysrael oll dhe dhos dhe Shekem dh'y wul myghtern.

1 Myghternedh 12:25

Ena Yeroboam a dhrehevis Shekem yn bro venydhyek Efraym, ha triga ena; ev eth yn-mes alena ha drehevel Penuel.

Salmow 60:6

Duw re gewsis yn y sansoleth: ‘My a lowenha, ha ranna Shekem, ha musura nans Sukkoth.

Hosea 6:9

Ha kepar dell wra bagas a ladron kontrewaytya gour, yndella y hwra bagas a oferysi; ow moldra y'n fordh dhe Shekem, ow kul drogober hegas.

Yowann 4:5

Ytho ev a dheuth dhe sita a Samaria henwys Syghar, ogas dhe'n splatt a ros Yakob dh'y vab Yosep.

Oberow 7:16

hag a veu degys dhe Shekem ha gorrys y'n bedh a brenas Abraham a bris arghans dhiworth mebyon Hamor yn Shekem.

Dewteronomi 11:30

A nyns esons i dres an Yordan, a'n west dhe'n fordh troha'n howlsedhes, yn tiredh an Kananysi usi trigys y'n Araba, a-dal Gilgal ryb derwenn More?

Ebrowyon 11:9

Dre fydh ev a dheuth dhe driga yn tir an ambosow, avel estren, trigys yn tyldow gans Ysak ha Yakob, kes-heryon a'n keth ambos.

Yoshua 20:7

I a sakras Kedesh yn Galile yn bro venydhyek Naftali, ha Shekem yn bro venydhyek Efraym, ha Kiryath-arba (yw Hebron) yn bro venydhyek Yuda.

Yoshua 24:32

Eskern Yosep, a wrug an Ysraelysi aga dri yn-bann yn-mes a Ejyp, i a ynkleudhyas yn Shekem, yn splatt an tir a wrug Yakob y brena gans kans bath a vona; ev a dheuth ha bos eretons dhe vebyon Yosep.

Breusysi 7:1

Ena Yerubbaal (henn yw Gideon) hag oll an bobel esa ganso a sevis yn-bann a-varr hag a gampyas ryb fenten Harod; hag yth esa kamp Midyan a'n gledhbarth dhedha, ryb bre More, y'n nans.

Breusysi 9:1

Lemmyn Abimelek mab Yerubbaal eth dhe Shekem dhe gerens y vamm hag ev a leveris dhedha ha dhe gordh oll a deylu y vamm,