Jenesis 12:10 - An Bibel Kernewek 20234 (Kernewek Kemmyn)

¹⁰ Mes yth esa divoetter y'n pow; ytho Abram eth yn-nans dhe Ejyp dhe driga ena, rag bos an divoetter poes y'n pow.

Jenesis 12:10 Iomraidhean Croise

Jenesis 41:56

Hag yth esa an divoetter dres enep an pow oll. Ha Yosep a igoras pub tyller mayth esa ys, ha'y wertha dhe dus Ejyp, rag tynn o an divoetter yn pow Ejyp.

Jenesis 41:57

Hag oll an bys a dheuth dhe Ejyp dhe brena dhiworth Yosep, rag bos an divoetter tynn yn oll an bys.

Jenesis 42:5

Ytho mebyon Ysrael a dheuth dhe brena ys yn mysk an re erell esa ow tos; rag yth esa divoetter yn pow Kanan.

Jenesis 43:1

Tynn o an divoetter y'n pow.

Jenesis 47:13

Nyns esa bara yn oll an pow rag pur dynn o an divoetter, ha pow Ejyp ha pow Kanan a glamderas drefenn an divoetter.

2 Samuel 21:1

Lemmyn yth esa divoetter yn dydhyow Davydh teyr blydhen, blydhen wosa blydhen; ytho Davydh a hwilas fas an Arloedh. Ha'n Arloedh a worthybis, ‘Yth yw drefenn Sowl, ha'y ji goesek, rag ev dhe worra an Gibeonysi dhe'n mernans.’

2 Myghternedh 4:38

Elisha a dheuth arta dhe Gilgal hag yth esa divoetter y'n pow. Pan esa mebyon an brofoesi owth esedha a-ragdho, yn-medh ev dh'y was, ‘Gorr an galter veur war an tan ha bryjyon bros rag mebyon an brofoesi.’

2 Myghternedh 6:25

Yth esa divoetter bras yn Samaria hag yth esens ow kul an esedhva warnedhi bys may feu penn asen gwerthys a beswar-ugens bath a arghans, ha kwarter kab a gawgh kelemmi a bymp bath a arghans.

Salmow 105:13

ha pan ethons a unn genedhel dhe genedhel arall, a unn wlaskor dhe bobel arall,

Salmow 107:34

Ev a wra dhe dir leun a frut bos difeythtir, drefenn sherewneth an re usi trigys ynno.

Salmow 34:19

Meur yw ankenyow an den gwiryon, mes an Arloedh a'n delirv dhiworta oll.

Yeremia 14:1

Ger an Arloedh a dheuth dhe Yeremia a-dro dhe'n syghor:

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

Oberow 7:11

Lemmyn y teuth divoetter dres oll Ejyp ha Kanan, ha poenvotter meur, ha ny ylli agan tasow kavoes boes.

Ruth 1:1

Ha dell hwarva yn dydhyow rewl an vreusysi, yth esa divoetter y'n tir, ha gour a Bethlehem-yuda eth dhe wodriga yn tiredh Moab, ev ha'y wreg ha'y dhew vab.