Jenesis 11:7 - An Bibel Kernewek 20234 (Kernewek Kemmyn)

⁷ Dewgh, gwren ni diyskynna ha kemmyska aga yeth ma na wodhvons konvedhes an eyl yeth y gila.’

Jenesis 11:7 Iomraidhean Croise

Jenesis 1:26

Ena yn-medh Duw, ‘Gwren ni gul den yn agan imaj, yn agan hevelep ni, ha gwrens i rewlya war buskes an mor ha war ydhyn an ayr, war an chatel ha war oll an nor, ha war bub pryv ow kramya war an dor.’

Jenesis 10:20

An re ma yw mebyon Ham war-lergh aga theyluyow, war-lergh aga thavosow yn aga thiryow, yn aga henedhlow.

Jenesis 10:32

An re ma yw teyluyow mebyon Noy war-lergh aga henedhow, yn aga henedhlow. Dhiworth an re ma y feu an kenedhlow diberthys war an nor wosa an liv.

Jenesis 10:5

Dhiworth an re ma ynysow an kenedhlow a veu rynnys yn aga thiryow, peub war-lergh y daves, war-lergh aga theyluyow yn aga henedhlow.

Jenesis 11:5

Ha'n Arloedh a dhiyskynnas dhe weles an sita ha'n tour esa mebyon den orth aga drehevel.

Jenesis 3:22

Hag yn-medh an Arloedh Duw, ‘Awotta, devedhys yw an den ha bos kepar hag onan ahanan, ow kodhvos an da ha'n drog. Ha lemmyn, ma na worro yn-rag y leuv, ha kemmeres ynwedh a'n wydhenn a vewnans, ha dybri ha bewa bys vykken’ –

Jenesis 42:23

Ha ny wodhyens bos Yosep ow konvedhes, rag yth esa latimer yntredha.

Job 12:20

Ev a dhege diwweus an re yw trestys, ha kemmeres dhe-ves skians an henavogyon.

Salmow 2:4

Neb a esedh y'n nevow a hwerth; an Arloedh a wra ges anedha.

Salmow 33:10

An Arloedh a dhiswra kusul an kenedhlow; ev a dhiswra towlow an poblow.

Salmow 55:9

Distru, A Arloedh, ha fols aga thavosow; rag my re welas garowder ha strif y'n sita.

Eksodus 4:11

Ha'n Arloedh a leveris dhodho, ‘Piw a ordenas ganow dhe dhen po piw a ordenas an avlavar po an bodharek, po den a wel po den dall? A nyns yw my, an Arloedh?

Ysay 33:19

ny welydh an bobel valgh byth moy, pobel a yeth re ankoth dhe gonvedhes, taves koynt ankonvedhadow.

Ysay 6:8

Ha my a glewas lev an Arloedh ow leverel, ‘Piw a dhannvonav, ha piw a ragon ni?’ Ena my a leveris, ‘Ottavy, dannvon vy!’

Yeremia 5:15

Otta, my a dhre warnowgh kenedhel a bellder, A ji Ysrael, yn-medh an Arloedh: kenedhel yw neb a dhur, kenedhel goth, kenedhel anedhi na wodhes hy yeth, na konvedhes an pyth a leverons.

1 Korinthianys 14:23

Rakhenna, ha'n eglos kowal kuntellys war-barth ha peub oll ow kewsel yn tavosow, mar teu a-ji re heb dyskans, po diskryjygyon, a ny wrons i leverel agas bos gorboellek?

Dewteronomi 28:49

An Arloedh a dhrehav er dha bynn kenedhel a bellder, dhiworth penn an norvys, mar skav dell nij an er yn-nans, kenedhel ma na gonvedhydh hy thaves,